Þjóðlíf - 01.03.1988, Blaðsíða 19

INNLENT
Rafmögnuð spenna: Tölvurnar gefa starfsmönnum mótsins fyrirmæli um hvaða
Uppgjörið
Fyrir síðustu umferðina var Novag Forte
B efst með átta og hálfan vinning en Kaspar-
ov Turbo King kom skammt á eftir með hálf-
um vinningi minna. Aðrar tölvur áttu ekki
möguleika á sigri. Andstæðingur Turbo
King var annar Kasparov, Turbo 24 sem
hafði gengið hroðalega seinni hluta mótsins.
Turbo King malaði Turbo 24 sem var ger-
samlega heillum horfin þegar hér var komið
sögu.
Á meðan áttust við Forte B og enn einn
Kasparovinn, Express 16, sem kom einna
mest á óvart allra þátttakenda. Kasparov
hafði hvítt og náði rýmri stöðu og allt virtist
stefna í að hann tryggði fjölskyldunni sigur á
mótinu. En Forte B snéri á Kasparov eftir
hrikalegan afleik heimsmeistaranefnunnar
og tryggði sér sigur. Þjóðlífsmeistarinn tók
sigrinum æsingalaust og allt viðmót hans var
afar prúðmannlegt, sem og annarra kepp-
enda. Pess ber að geta að reykingar voru
stranglega bannaðar á skákmótinu.
Verðlaunatölvurnar
Novag Forte B er af þekktri skáktölvufjöl-
skyldu og sigur hennar kom ekki á óvart.
Hún hefur gott stöðumat, yfirgripsmikla
byrjanaþekkingu og teflir oft listavel í enda-
taflinu. Helsti ókostur Forte B er verðið en
hún var dýrasta skáktölvan sem þátt tók í
mótinu.
Kasparov Turbo King stóð sig afar vel og
tefldi oft glæsilega í anda nafngjafans. Enda-
taflið vill hinsvegar stundum vefjast fyrir
henni eins og svo mörgum skáktölvum.
Fidelitytölvurnar komu mjög vel út; þótt
sumir hafi búist við frekari afrekum Par
Excellence. Elegancetölvan var sú eina sem
vann sigurvegarann og gerði auk þess flest
jafntefli, fjögur talsins. Hér ber þess að geta
að tölvur semja aldrei „stórmeistarajafn-
tefli", heldur tefla hverja skák í botn. Þannig
gera þær ekki jafntefli nema með því að þrá-
leika eða halda áfram þangað til staðan á
borðinu eru fræðilegt jafntefli.
Eins og fyrr sagði er þetta í fyrsta sinn sem
haldið er skáktölvumót hérlendis. Ekki er þó
hægt að tala um „íslandsmeistara" enn sem
komið er, enda allir þátttakendurnir innflytj-
endur án ríkisborgararéttar. Pjóðlíf mun
hinsvegar áfram fylgjast með þróun skák-
tölva — og strax í næsta blaði verður sagt frá
því hvernig Novag Forte B gengur að verja
titil sinn. Pegar þetta er skrifað er verið að
leysa áskorandann út úr tolli.
Hrafn Jökulsson
19