Þjóðlíf - 01.03.1988, Blaðsíða 14

INNLENT
Sjónarvottar:
„Ótrúlegar aðfarir lögreglunnar46
Lögreglan notaði húseign
Reykjavíkurborgar, gegnt hús-
nœði Magnúsar Skarphéðinsson-
ar. Samkvæmt frásögn nágranna
voru ávallt tveir lögreglumenn á
vakt í húsinu aukþeirra sem voru
í bílaleigubílum. Birgir Engil-
berts, rithöfundur: Eins og verið
vœri að fylgjast með morðingja.
„Þetta voru ótrúlegar aðfarir hjá lögregl-
unni, það var eins og þeir væru að fylgjast
með morðingja, slíkt var tilstandið“, sagði
Birgir Engilberts, rithöfundur, í samtali við
Þjóðlíf. Hann býr ásamt foreldrum sínum við
Njálsgötuna, gegnt húsi sem er í eigu Reykja-
víkurborgar og lögreglan notaði sem aðsetur
til að njósna um Magnús Skarphéðinsson.
Það var Grímur Engilberts, ritstjóri barna-
blaðsins Æskunnar um áratugaskeið, sem
fyrst varð var við ferðir lögreglunnar. „Við
trúðum því ekki í fyrstu að lögreglan væri að
fylgjast með Magnúsi“, sagði Birgir. „En í
raun var það deginum ljósara, því þeir báru
sig svo klaufalega að“.
Birgir sagði að lögreglan hefði verið á vakt
allan sólarhringinn, á bíl við heimili fjöl-
skyldunnar. Mjög rólegt og hljóðbært væri í
hverfinu og þess vegna talsvert ónæði að
bílnum sem ávallt var í gangi. Fyrstu dagana
sem lögreglan fylgdist með Magnúsi hefðu
þeir einungis verið á bílum en síðan fengið
inni í húsnæði Reykjavíkurborgar að Njáls-
götu 41. „Húsið hafði staðið autt síðan í des-
ember og þess vegna vakti það athygli okkar
þegar teppi voru strengd fyrir alla glugga.
Greinilega voru alltaf tveir lögreglumenn á
vakt í húsinu og við sáum þá fara þangað
með sjónauka eða stóra myndavél".
„Okkur þótti í meira lagi skrítið það sem á
gekk og fylgdumst því nokkuð grannt með.
Ég varð þess var að alltaf þegar gestur fór frá
heimili Magnúsar kom lögreglumaður út úr
húsinu, bersýnilega til þess að fylgja honum
eftir. Allt þetta umstang, ferðir lögreglunnar
og vinnubrögð þeirra trufluðu einkalíf okkar
hér á heimilinu. Við sáum þá líka koma upp
úr görðunum handan götunnar, svartklædda
leðurjakkadrengi, þannig að þeir ollu fleir-
um óþægindum“.
Birgir sagði að eftirlitinu hefði greinilega
verið hætt um það leyti sem hvalaráðstefn-
unni lauk og síðan hefði hann ekki orðið
lögreglunnar var. „Það var ótrúlegt að lesa
„Hér voru ávallt tveir menn á vakt“, sagði Birgir Engilberts. Lögreglan notaði húseign
Reykjavíkurborgar til að stunda njósnir sínar. Á myndinni er njósnahreiður lögregl-
unnar, sem nágrannarnir uppgötvuðu að Njálsgötu 41. Birgir Engilberts rithöfundur
og blaðamaður Þjóðlífs fyrir framan húsið.
(Mynd M.Hall.)
viðtalið við Bjarka Elíasson í Þjóðlífi þar sem
hann hélt því fram að lögreglan hefði verið á
þjófavakt", sagðir Birgir. „Það þarf sýni-
lega að senda yfirlögregluþjóninn aftur í
fyrsta bekk Lögregluskólans. Það var sér-
lega ógeðfellt að fylgjast með aðferðum lög-
reglunnar. Sjálfur tek ég enga afstöðu til þess
hvort það á að veiða hvali eða ekki. En þegar
menn eru meðhöndlaðir eins og morðingjar
vegna skoðana sinna, þá er greinilegt að
verið er að misbjóða lýðræðinu".
hj
14