Þjóðlíf - 01.03.1988, Blaðsíða 76
BÍLAR
ferköntuð ljós og nýtt grill. Þá er LS-gerðin
með snyrtilegum álfelgum sem gera sitt.
Hann er beinlínis orðinn laglegur að mínu
mati.
TROOPERINN SEM ÉG HAFÐI UNDIR
HÖNDUM eina helgi var af gerðinni LS,
með 111 hestafla 2.3 lítra bensínvél, aflstýri,
fimm dyrum og jafnmörgum gírum, auk þess
að hafa lágt drif eins og allar gerðirnar. Par
með verða gírarnir áfram í rauninni tíu tals-
ins. Þá var hann búinn rafdrifnum rúðum,
álfelgum og miðstýrðum hurðalæsingu, en sá
búnaður er fólginn í þessari gerð. Þannig
kostar hann rúmlega 1400 þús. kr., ryðvarinn
og skráður. Hægt er að fá ódýrari gerð,
DLX, sem hefur ekki til að bera síðasttöldu
atriðin, en er a.ö.l. alveg sami bíllinn (tæp
1300 þúsund), sem og þriggja dyra útgáfu
sem aftur er talsvert ódýrari (rétt rúm millj-
ón). Pá er fáanlegur LS-bíll með 115 hestafla
2.6 lítra bensínvél og sama gerð með 110
hestafla 2.8 lítra túrbó-díselvél. Þeir eru vita-
skuld nokkuð dýrari, sá fyrrnefndi kostar um
1600 þúsund og sá síðarnefndi rúm 1700 þús-
und.
Það vekur athygli hve mikill verðmunur
er á LSgerðinni með 2.3 lítra og 2.6 lítra
bensínvél, hátt á annað hundrað þúsund, en
þar er ekki síður við ríkisvaldið að sakast. Sá
með stærri vélinni fær á sig töluvert hærra
aðflutningsgjald (47% í stað 37%) vegna
meira rúmtaks vélar.
Og þeir sem vilja spandera í díselvél þurfa
að púnga út enn meiru. Einhver kann að
spyrja hvað sé þá unnið við að hafa díselvél í
bílnum, fyrst hún er svona miklu dýrari. Því
er til að svara að sá sem ekur meira en 20
þúsund km á ári fer að spara eldneytiskostn-
að þegar komið er yfir það mark. Sumir vilja
bæta því við að slíkar vélar séu viðhalds-
minni og ekki eins viðkvæmar fyrir bleytu.
Aðrir hafa hins vegar bent á að sé verð-
munur á bíl með bensínvél og díselvél ávaxt-
aður með hagkvæmum hætti megi keyra
bensínbílinn nokkur þúsund kílómetra fyrir
vextina. Sé dæmið reiknað þannig má segja
að díselbílar séu heppilegur kostur fyrir þá
sem keyra mun meira en 20 þúsund km á ári,
t.d. atvinnubifreiðastjóra.
EN HVERNIG ER TROOPERINN Á
SVIP OG í FASI? Það er ekki hægt að verjast
fyrstu áhrifum af bfl, þeim sem maður verður
fyrir þegar sest er undir stýri. Þar er fyrst til
að taka að stýrishjólið er akkúrat eins og ég
vil hafa það: Fyllir vel upp í greipina, er vel
bólstrað og í minna lagi í þvcrmál. Ökumað-
ur situr hátt og sér vel til allra átta; það á líka
við um smávaxna japanska ökumenn og
nettar frónskar frúr, því sætið má hækka og
lækka. Þá eru gluggar stórir, engir glugga-
póstar það breiðir að þeir byrgi sýn og spegl-
ar áberandi stórir og bjartir. Það er reyndar
mikilvægt öryggisatriði sem kostar fram-
leiðandann sáralítið, en varðar ökumann
miklu. Og allir mælar og gaumljós (prýðilegt
nýyrði fyrir viðvörunarljós í mælaborði, sem
ég sá fyrst í auglýsingabæklingi frá Heklu
hf.) eru í beinni augsýn, og fætur og hægri
hönd rata hiklaust á rétta staði.
Það er frekar um búnað innandyra að
segja að auk hraðamælis og snúningshraða-
mælis fyrir vél er mælir fyrir smurþrýsting,
eldsneyti og vélarhita. Gaumljós eru fyrir
smurþrýsting, rafhleðslu, háu ljósin, stefnu-
ljósin, handbremsuna og framdrif. Þá eru
þrír mælar í samstæðu ofan á mælaborði:
Einn sýnir hæð yfir sjó, annar gefur upp halla
bílsins til hliðar og fram og aftur og sá þriðji
Stýrishjólið fyllir vel upp í greipina, er vel
bólstað og í minna lagi í þvermál.
hitastig innan dyra og utan. Auk þess er
þarna hefðbundinn stjórnbúnaður fyrir mið-
stöð, útvarp með segulbandi, vindlakveikj-
ari, rofi fyrir hita í afturrúðu og klukka í
stokk á milli sætanna, svo flest sé nú talið.
Allt þetta hefur jákvæð áhrif þegar ekið er
af stað, en spurning vaknar um vélaraflið og
ökumannssætið. Ég kem að því síðar.
HÖNNUÐIR ISUZU-VERKSMIÐJANNA
virðast hafa haft í huga að Trooperinn sé í
akstri eins og venjulegur fólksbíll, þótt hann
sé jeppi. Því vekur það nokkra furðu hvernig
rofum fyrir ljós og þurrkur er fyrirkomið.
Almennt tíðkast nú orðið á fólksbflum að
þessir rofar séu á stýrisleggnum og ökumað-
ur hafi þá við fingurgómana, án þess að
sleppa stýrinu. í Troopernum er ljósarofinn
hins vegar í mælaborðinu, vinstra meginn við
stýrislegginn, rétt eins og í gamaldags amer-
ískum köggum og rofi fyrir afturrúðuþurrku
og -sprautu er neðarlega í mælaborðinu
miðju. Þetta er ólán, ekki síst vegna þess að
bílar sem eru þverir að aftan, eins og jeppar
eru gjarnan, ausa miklum óhreinindum upp
á afturrúðuna. Rofanum fyrir framrúðu-
þurrkurnar er aftur á móti ágætlega fyrir
komið á stýrisleggnum og venst vel.
Svo enn sé fundið að er þess að geta að
setan í framsætunum er full stutt, þannig að
stuðning vantar við lærin.
ÞAÐ VAR FÖSTUDAGSSÍÐDEGI,
KALDRANALEG SÚLD OG DIMMVIÐRI
þegar við kynntumst fyrst, ég og Trooper-
inn. Það voru bílar á bæði borð og framund-
an og afturundan. Og Reykvíkingar virtust
vera að ganga af göflunum rétt eina ferðina
og allir úti að aka, í bókstaflegum skilningi.
Undir slíkum kringumstæðum er gott að
vera á bíl eins og Isuzu Trooper, með útsýni
eins og að framan greinir, og stýri, fótstig og
gírstöng beint í æð. Og miðstöðin hlýjaði
mér fljótt og vel, og yndisleg rödd Billie Holi-
day og kaldhæðnislegur húmor IUuga Jök-
ulssonar hljómaði bærilega úr fjórum hátöl-
urum. Það var í sjálfu sér ágætt að vera bara á
ferð um bæinn.
Vandað tauáklæði á sætum, hliðstæð
Tæknilegar upplýsingar:
Lengd (cm) : 447
Breidd (cm) : 165
Hæð (cm) : 180
Eigin þyngd (kg) : 1480
Bensíntankur (ltr) : 83
Vél : 4 strokkar, 8 ventlar, 1 yfir liggjandi knastás
Sprengirými (cm!) : 2254
Afl (DIN-hö/snún : 11R5000
Tog (NM/snún/mín) : 185/3000
Þjöppunarhlutfall : 8.3 : 1
Bensínkerfi : Tveggja hólfa blöndungur
Fjöðrun, framan : Sjálfstæð fjöðrun á hvoru hjóli, jafnvægisstöng, - aftan : Heill ás,
blaðfjaðrir
Hemlar, framan : Diskar - aftan : Skálar
Stýri : Aflstýri
Beygjuradíus (m) : 5.4
Gírkassi : Fimm gírar áfram, hátt og lágt drif
.Drif : Að aftan og framan
Annar búnaður m.a.: Miðstýrðar hurðalæsingar; rafdrifnar rúður; mælar fyrir hita, halla
og hæð; útvarp m/segulbandi; aukaljós að framan; álfelgur; handvirkar framdrifslokur
o.fl.
76