Þjóðlíf - 01.03.1988, Blaðsíða 44

MENNING
✓
Ovæntar
hliðar
á Megasi
Drukknuð böm
sækja í brunnmn
Megas
spjallar um
nýju plötuna
sína,
Höfuðlausnir
„Hvað er svona tœlandi við Tailand?“
„þeir bræða & og þeir grœða í þér
íshjartað sjúka“
I»að er skammt stórra högga á milli hjá Megasi um þessar mundir. Fyrir jólin í fyrra sendi
hann frá sér hina bráðskemmtilegu plötu Loftmynd þar sem mannlífið í Reykjavík var skoðað
niður í kjölinn úr hæstu hæðum og nú í byrjun apríl lítur nýtt fullskapað atkvæmi dagsins Ijós,
LP-platan Höfuðlausnir þar sem meistarinn sýnir á sér enn nýjar og óvæntar hliðar. Þessi nýja
plata er að verulegu leyti unnin með hljóðgervlum og öðrum nútímalegum hátæknibúnaði og
mun gömlum Megasaraðdáendum þykja kveða við nýjan tón frá hefðbundnu rafmagnshljóð-
færunum í fyrri verkum hans.
Auk Megasar eru það Hilmar Örn Hilm-
arsson og Guðlaugur Óttarsson sem eru heil-
arnir á bakvið Höfuðlausnirnar, en þeir eiga
báðir litríkan feril að baki í rokkmúsikinni.
Hilmar Örn var textahöfundur Þeys, gat sér
frægðarorð fyrir að vera um tíma meðlimur
ensku sveitarinnar Psychic T.V. og gaf fyrir
skömmu frá sér plötuna Crowleymass sem er
mikil hljóðveisla til heiðurs hinum sálaða
galdramanni. Guðlaugur er hinn nafntogaði
gítarleikari Þeys og Kukls og „þriðja eyrað"
á Loftmynd Megasar.
Lykillinn að tœkninni
„Þegar ég heyrði Crowley-messuna hans
Hilmars fékk ég hugljómun," segir Megas og
horfir til himna. „Þarna heyrði ég sánd sem
mér fannst afskaplega kræsilegt að nota við
þau lög sem ég átti í fórum mínum og ekki
höfðu fallið að Loftmyndarhugmyndinni. Þó
að ég hafi heyrt eitthvað þessu líkt áður opn-
uðust nú eyru mín fyrir þeim möguleika að
nota hátæknibúnað í mínum eigin lögum. Ég
hafði fram að þessu alltaf verið hallur undir
einhvers konar grasrótarrokk. Þetta höfðu
gjarnan verið mjög kalvínískar útsetningar
hjá mér. En ég er ekki haldinn þeirri firru að
vilja vera fastur í einhverju, það er ekki mín
hugmyndafræði. Ég geng ekki um með nein-
ar grillur um það að ég sé búinn að finna
einhverjar lausnir í eitt skipti fyrir öll. Ég vil
að allar dyr séu opnar. Og Crowley-messa
Hilmars var kannski sá lykill sem lauk upp
þessum dyrum að tækninni.
Upphaflega ætlaði ég að vísu bara að nota
ónýttan tíma í stúdíói meðan eigendurnir átu
jólasteikurnar og taka upp nokkur lög með
Hilmari, ekki með útgáfu í huga heldur fyrir
sjálfan mig að hlusta á í ellinni í ruggustóln-
um með þykkt teppi breitt yfir mig á meðan
ég yljaði kulvísa fætur við arineldinn. Svo
kom í ljós að útilokað var að fá ókeypis stúd-
íó á þessum tíma vegna þess að öll hljóðver
44