Þjóðlíf - 01.10.1988, Síða 41

MENNING

að búa til kvikmynd byggða á skáldsögu.
Kvikmyndin er uppspuni. Hún er: „Hvað
ef?“ Hún á að spyrja spurninga og ég skil
ekki þessa menn. Ég er ekki að ráðast á
trúna eða trúarbrögð. Ég er að gera kvik-
mynd. Listaverk." (Martin Scorsese).
I myndinni leikur fjöldi frægra leikara og
fyrstan ber auðvitað að nefna Willem Dafoe
(Platoon), sem leikur Krist. Hann er mjög
sannfærandi í leik sínum en þó hafa nokkrir
gagnrýnendur sagt að honum sé svo mikið í
mun að sýna mannlegu hliðina á Kristi að hið
guðlega, það sem togast á við þetta mann-
lega og skapar þessa togstreitu, farist alveg
fyrir.
Bestan leik sýnir sviðsleikarinn Harvey
Keitel, hann er alveg frábær í hlutverki Júd-
asar og sýnir okkur örlítið öðruvísi Júdas
heldur en við höfum líklega flest ímyndað
okkur.
Aðrir leikarar eu m.a. Barbara Hershey
(Hannah and Her Sisters), sem leikur Maríu
Magdalenu og David Bowie en hann birtist
sem Pontíus Pílatus. Peter Gabriel semur
tónlistina og á hún stóran þátt í að skapa
andrúmsloft myndarinnar. Hann hafði áður
séð um tónlistina í mynd Alan Parker, „Bir-
dy“, en þar endurvann hann gömul lög sín. í
„The Last Temptation", er hann algjörlega
með frumsamda tónlist.
Michael Ballhaus sér um kvikmyndatöku
og að venju svíkur hann ekki. Hann hefur
áður unnið með Scorsese að „After Hours“
og „The Color of Money". Sumir segja að
Ballhaus sé besti kvikmyndatökumaður í
heiminum í dag.
Búningar og allar sviðsetningar eru mjög
sannfærandi og ná að undirstrika það sem
maður ímyndar sér um þennan forna tíma,
fólkið og andrúmsloftið (það má náttúrlega
endalaust deila um það hvort amerískir
Hollywood leikarar séu rétta fólkið til að
túlka rómverja og gyðinga).
Laugarásbíó hefur tryggt sér sýningarrétt-
inn að myndinni og er vonandi að hún verði
sýnd sem fyrst. Það er öruggt að hér á landi
eiga eftir að skapast heitar umræður eins og
alls staðar sem hún hefur verið sýnd. Við
skulum bara vona að kirkjunnar menn hér á
landi reyni ekki að banna hana eins og reynt
hefur verið annars staðar, því að myndin er
listaverk sem fjallar um Krist, hvernig hann
HEFÐI getað verið í baráttu við sjálfan sig
og trú sína, en er ekki afskræming á Bibl-
íunni eða ritningum hennar.
Marteinn St. Þórsson
ORIENT
ORIENT WATCH CO.,LTD.
Ef þú
gerir kröfur
um gæði
veldu þá
Fallegu
ORIENT
armbandsúrin
hjá úrsmiðnum
ORIENT
ORIENT WATCH CO..LTD.
41