Frjáls verslun - 01.01.2012, Page 61

FRJÁLS VERSLUN 1TBL. 2012 61
Aðrar fjárfestingar Skúla í upplýsinga­
tækni eru fremur í formi sprotafjár fest inga
eins og fjárfestingin hans í gagna vinnslu ­
fyrirtækinu Datamarket sýnir. Þar er um
að ræða áhugavert fyrirtæki sem þekktur
frumkvöðull, Hjálmar Gíslason, hefur sett
af stað. Félagið hefur opnað skrifstofu
í Bandaríkjunum og verður fróðlegt að
fylgj ast með því hvort í því félagi hittast
margir af þeim ungu fjárfestum sem hafa
verið að hasla sér völl hér á landi á undan ­
förnum árum en sumir þeirra eiga rætur í
Oz. Besta dæmið um áhrif Oz er án efa CCP
en forstjóri þess, Hilmar Veigar Péturs son,
hefur oft bent á mikilvægi þess fyrir þróun
CCP. Hann og Reynir Harðarson, aðal­
hug myndafræðingur CCP, höfðu þannig
báðir unnið hjá Oz. Þessi þróunarsaga er
áhugaverð því hún sýnir að þótt framsýnar
hug myndir gangi ekki upp á einum tíma
getur þeirra tími komið seinna, rétt eins
og á við um afdankaða stjórnmálamenn!
Þannig má benda á að á árunum 1996­
1997 þróaði Oz þrívíddarnetvafra sem
kall aðist Oz Virtual sem átti að vera fjöl ­
notendaumhverfi þar sem notandinn
stjórnaði gengli (e. avatar) sem var eins
konar holdgerving af honum sjálfum innan
gerviheims forritsins. Allt fremur framandi
á þeim tíma en óhætt er að fullyrða að Oz
Virtual hafi verið frumlegt og metnaðarfullt
verkefni. Það komu hins vegar fljótlega í
ljós innbyggðir grunngallar sem erfitt eða
jafnvel ómögulegt var að leysa úr miðað
við þeirra tíma fjarskipti. Háhraðanet voru
ekki algeng og flestir notuðust við mótöld
sem réðu illa við gagnaflutninginn sem Oz
Virtual krafðist. Það gerði það að verkum
að einföldustu aðgerðir gátu tekið mjög
langan tíma, hvort sem það var að tengjast
for ritinu sjálfu eða framkvæma aðgerðir
innan þess. Þessi saga er rakin hér til að
minna á að þeir njóta ekki alltaf eldanna
sem kveikja þá. Frumkvöðlar hafa ekki
alltaf notið sannmælis en líklega á sala
bank anna á hlutabréfum Oz mestan þátt í
því að enn finnast fjárfestar á Íslandi sem
minnast félagsins með blendnum hætti.

Nauðsynlegt að dreifa fjárfestingum á
Íslandi
En fjárfestar á Íslandi eiga ekki sjö dagana
sæla. Þeir eru tortryggðir og stöðugt
minntir á fortíðina. Eins og hér hefur verið
nefnt hafa leiðir Skúla og Björgólfs Thors
legið saman í gegnum tíðina. Enn eru því
margir sem fullyrða að þeir starfi saman í
fjárfestingum þótt erfitt sá að sjá nokkuð
sem rennir stoðum undir það. Skúli aftekur
enda með öllu að sú sé raunin þótt þeir
Björgólfur Thor séu vissulega góðir félagar.
Af fjárfestingum Skúla að dæma virðist
hann vera tilbúinn að skoða tæki færi
hvar sem er. Sjálfur hefur hann látið hafa
eftir sér að Ísland sé það lítið land að
óhjákvæmilegt sé að leita fjárfest inga­
tæki færa víða. Í því ljósi verður líklega
að skoða fjárfestingu hans í félögum
eins og Carbon Recycling International
(CRI) og Securitas. Í CRI á hann á milli
15 og 20% hlut og þar starfar einnig Sjó la­
fjölskyldan með honum. Hluthafar í CRI
eru um 50 talsins og Títan þar stærst.
Heildarfjárfesting vegna verkefnisins er
um 15 milljónir Bandaríkjadala en þess
er vænst að rekstur hefjist á þessu ári.
Skúli hefur haldið tengslum sínum við
Kanada og haldið áfram að fjárfesta þar
og situr í stjórn iPerceptions og Redline
Communications í Kanada. Þess má geta
að Redline er skráð í kauphöllina í Toronto
en endurskipulagning félagsins hefur
að sögn Skúla tekist mjög vel og bréfin
rúmlega tvöfaldast í verði síðan fjárfest var
í félaginu fyrir innan við ári.
Þeir Hilmar Gunnarsson og Haraldur Þorkelsson fóru með Skúla til Kanada
á sínum tíma og komu einnig heim með
talsverðan hagnað og hafa þar af leiðandi
nokkra fjárfestingagetu í dag. Hilmar,
sem er markaðsmaður, var meðfjárfestir
Skúla í Caoz og þeir hafa unnið að fleiri
verkefnum saman. Einnig Haraldur
Þorkelsson, sem er aftur á móti með grunn
í tölvugeiranum og hefur fjárfest í Data­
market. Nöfn þeirra eru nefnd hér til að gefa
vísbendingar um samstarfsmenn Skúla sem
hefur þó sýnt sig vilja starfa með mörgum.
Skúli Mogensen hefur alltaf haft orð á
sér fyrir að vera góður sölumaður eigin
hugmynda. Það vakti athygli á sínum tíma
hve auðvelt hann átti með að byggja upp
samskipti við stjórnendur Ericsson og síðar
átti það sama við um æðstu stjórnendur
Nokia. Í Oz­samstarfinu á sínum tíma
var það hann sem var diplómatinn og
samningamaðurinn á meðan Guðjón Már
sá um sköpunarkraftinn, jafnvel svo að
undan sveið segja samstarfsmenn. Skúli
hefur sýnt mikla þrautseigju í gegnum tíðina
og er að uppskera sem slíkur nú. Hann er
keppnismaður og líklega sá fjárfestir á Íslandi
sem er í hvað bestu formi, hafi menn áhuga
á að vita það! Skúli æfir fyrir þríþraut sem
einnig er kölluð Járnkarlinn (e. Ironman)
og hentar þeim sem telja maraþonhlaupið
ekki næga áskorun! Kunnugir segja að þar
sé ekkert hálfkák á ferðinni heldur; Skúli sé
alvörukeppnismaður og leggi sig allan fram
og jafnvel svo að hann sprengdi sig í síðustu
þraut. Að vera fjárfestir á Íslandi í dag kallar
á mikla athygli og það ekki alltaf jákvæða.
Á síðasta ári fjallaði fréttaskýringaþátturinn
Spegillinn á RÚV um afskriftir honum
tengdar í bankakerfinu á sínum tíma. Þar
var því haldið fram að Landsbankinn hefði
afskrifað 400 milljónir króna vegna lána
sem Skúla voru veitt persónulega. Slíkum
upplýsingum er mætt með tortryggni í dag
en sýna vissulega að allri atvinnustarfsemi
fylgir nokkur áhætta. Skúli segist
aðspurður ekki átta sig á áreiðanleika
þessara upplýsinga. Hann hafi sjálfur ekki
fengið neinar afskriftir. Hann hafi afhent
bankanum allar sínar eignir á þeim tíma
þegar netbólan sprakk. Það hafi verið hluti
af skuldauppgjöri hans við bankann. Hann
segist þó ekki geta aftekið að bankinn
hafi þurft að setja 400 milljónir króna á
afskriftarreikning í kjölfarið eða ári seinna.
Hafi bankinn selt allt á lægsta verði hafi
tapið án efa verið umtalsvert. Hann sagðist
þó vita til þess að bankinn ætti enn hluti í
félögum sem hann fékk í uppgjörinu fyrir
10 árum og taldi Skúli að bankinn hefði
væntanlega notið góðs af uppsveiflunni
sem kom nokkrum árum seinna. „Ekki
má gleyma að hagnaður stóru bankanna
undanfarin ár er tilkominn af því að þeir
færa upp eignir sem áður höfðu verið
færðar niður í hruninu,“ sagði Skúli.
Í áðurnefndum fyrirlestri talaði Skúli
um að menn þyrftu að sýna dirfsku í
fjárfestingum. Þeir sem þekkja til hans
segja hins vegar að þeir tímar séu liðnir
að hann taki áhættu, en líklega á það enn
eftir að koma í ljós með sumar þeirra
fjárfestinga sem hér hafa verið nefndar.
Fjárfestingafélagið Títan tók
til starfa hér á landi 1. október
2009. Sama kvöld sat Skúli og
hlust aði á Kastljósþátt þar sem
Stein grímur J. Sigfússon fjármála­
ráðherra tilkynnti að það ætti að
hækka skatta upp úr öllu valdi.