Frjáls verslun - 01.01.2012, Page 112

112 FRJÁLS VERSLUN 1. TBL. 2012
Nafnið GuðjónÓ prentsmiðja er búið að vera til í prentbransanum frá 1955 þegar
Guðjón Ó. Guðjónsson stofnaði
sína prentstofu, sem var nafn
vel við hæfi því að prentvélin og
allt sem henni fylgdi var staðsett
í einu horni stofunnar á heim­
ili Guðjóns á Hallveigarstíg,“
segir Ólafur Stolzenwald, einn
þriggja eigenda prentsmiðjunn­
ar Guðjóns Ó. Prentsmiðjan
í núverandi mynd fékk nýja
eig endur árið 1992 sem eru
Sigurður Þorláksson, Þórleifur V.
Friðriksson og Ólafur Stolzen­
wald. „Allir vorum við starfs­
menn og yfirmenn fyrirtækisins
og höfum rekið það síðan og
byggt upp góðan vélakost og
lipurt fyrirtæki.“
GuðjónÓ hefur verið leiðandi
í umhverfismálum og fékk
um hverfismerkið Svaninn á
starfsemi sína árið 2000, fyrsta
prentsmiðjan á Íslandi. „Það
var stórt skref á þessum árum
fyrir okkur og erfitt reyndist að
fá vistvæn efni og pappír sem
báru vottun. Á einum áratug
hefur síðan komið í ljós að
Svanurinn hentar vel prentfyrir­
tækjum og hefur vottunin breytt
kúltúr í okkar fyrirtæki og bætt
gæðamál okkar verulega.
90% af okkar pappír bera
nú vottun Svansins og er öll
starf semi fyrirtækisins rekin á
þann hátt að geta boðið upp
á fyrsta flokks vöru, vistvæna
framleiðslu og persónulega
þjónustu á hagstæðu verði.
Hráefnisnýting er stórt atriði í
vottuninni og hefur okkur tekist
vel að laga pappírsnýtingu og
eflaust hjálpað til að komast vel
í gegnum það þunga högg sem
atvinnulífið fékk árið 2008.
Við stöndum á þeim tíma­
mót um að verða 20 ára á
árinu og það má segja að
prent iðnaðurinn hafi þurft að
að lagast nýjum tímum á síðustu
misserum. Netið og önnur ný
upplýsingatækni og ­miðlun
hefur notið vinsælda, nú síðast
spjaldtölvur og rafbókin. Það er
því akkur fyrir okkur að fylgjast
vel með og öll þessi nýja tækni
á heima með hinu hefðbundna
prentverki.
Starf mitt er fólgið í að við
eigendurnir sjáum um hinn dag­
lega rekstur saman sem snýr
að fjármálum, sölumennsku og
framleiðslustjórn og mitt hefur
helst verið að sjá um umhverf­
ismálin og Svaninn, ásamt öðru
sem fellur til. Þetta fyrirkomulag
hefur reynst vel undanfarna
tvo áratugi og samvinnan hefur
verið góð.
Áhugamál mín eru meðal ann­
ars tónlist og golf og öll útivist
er mér kær. Er djassleikari og
þvælist með kontrabassann víða
og spila með kollegum mín um.
Golfið hefur verið ástríða í 35
ár og vonandi rétt að byrja.
Golfferð á teikniborðinu með
vorinu og stefnan er að reyna
að spila sem mest af góðri
djassmúsík.“
Ólafur Stolzenwald
– prentsmiðjustjóri og einn þriggja eigenda
prentsmiðjunnar GuðjónsÓ
„Á einum áratug hefur komið í ljós að Svanurinn hentar vel prentfyrirtækjum og hefur vottunin
breytt kúltúr í okkar fyrirtæki og bætt gæðamál okkar verulega.“
Nafn: Ólafur Stolzenwald
Foreldrar: Rúdólf Þórarinn Stolzen­
wald og Erla Ólafsdóttir
Maki: Hulda Björk Garðarsdóttir
Börn: Valdís Eva og Egill Elfar
Menntun: Iðnlærður prentsmiður og
tónlistarmenntun
FÓlk