Frjáls verslun - 01.04.2013, Qupperneq 53

FRJÁLS VERSLUN 4. 2013 53
eygLó Harðardóttir
fædd í reykjavík 12. desember 1972. Stú d­
ents próf fB 1992. fil.kand.­próf í listasögu frá
Stokkhólmsháskóla 2000. framhaldsnám í
viðskiptafræði HÍ síðan 2007.
fjölþætt störf að atvinnu­, félags­ og skóla ­
málum í Vestmannaeyjum og á Suðurlandi.
Í miðstjórn framsóknarflokksins frá 2003
og ritari frá 2009. Jafnframt í stjórnum
framsóknarfélaganna í Vestmannaeyjum.
Nefndar störf á alþingi og blaðaskrif í
lausamennsku.
alþingismaður fyrir framsóknarflokkinn í
Suðurkjördæmi 2008­2013 og Suðvestur­
kjördæmi frá 2013. fyrst á þingi sem vara ­
þingmaður vorið 2006.
félags­ og húsnæðismálaráðherra frá
23. maí 2013.
Eiginmaður: Sigurður E. Vilhelmsson
fram halds skólakennari. Tvær dætur.
E
ygló Harðardóttir sker sig
nokk uð úr í hópi framsóknar­
þingmanna. Fullyrt er að hún
sé lengra til vinstri í skoð un um
en flestir flokksmenn og stjórn ­
málastíll hennar annar en framsóknarmanna
yfirleitt. Katrín Júlíusdóttir, Samfylkingu,
atti kappi við Eygló í liðinni kosninga bar ­
áttu. Hún ber henni vel söguna.
„Eygló er mjög dugleg og vill vera sann ­
gjörn,“ segri Katrín. „Hún fer ekki sjálfkrafa
í skotgrafirnar eins og sumir aðrir.“
tiL vinStri Í FLOkknuM
Ögmundur Jónasson, Vinstri­grænum, er
úr sama kjördæmi og hann telur Eygló full ­
vinstrisinnaða fyrir flokk sinn og ríkisstjórn.
„Mig grunar að Eygló hefði liðið betur í
vinstristjórn án þess að ég viti til þess að
hún hafi beinlínis úttalað sig um það,“ segir
Ögmundur. „Þetta er bara tilfinning og ég
dæmi þetta líka af afstöðu hennar í ýmsum
málum.“
Ögmundur telur einnig að Eygló sé sann ­
gjörn og velviljuð:
„Almennt er mér sagt að hún vilji leita
sam komulagsleiða. Það er kostur og vissu ­
lega mikilvægt í embætti þar sem marg ir
koma að málum eins og í félagsmála ráðu ­
neytinu,“ segir Ögmundur.
StAðFÖSt
Eygló var um nokkurra ára skeið búsett í
Vestmannaeyjum og þar lágu leiðir henn ­
ar og Elliða Vignissonar bæjarstjóra saman
í bæjarpólitíkinni. Elliði þekkir því Eygló
eins og hún er á heimavelli sem stjórn mála ­
maður.
„Eygló er gríðarlega kröftugur einstakl ­
ingur. Metnaður henar er jákvæður og sam ­
fara því er hún óhræddd,“ segir Elliði. „Hún
fann kröftum sínum farveg í einkageiranum
og tók þar áhættu og stóð með sínum
ákvörð unum. En það kom mér aldrei á
óvart að hún legði út á stjórnmálabrautina.
Við hittumst fyrst í bæjarmálunum, and ­
stæðingar að sjálfsögðu, en það breytir engu
um traust mitt til hennar. Ég hef mikla trú á
henni.“
Elliði er á sama máli og Katrín og Ög mund ­
ur um að Eygló hallist heldur til vinstri:
„Hún er augljóslega vinstra megin í Fram ­
sóknarflokkum og hefur fyrir vikið mildari
ásýnd en margir aðrir flokksmenn,“ segir
Elliði. „En þar með gegnir hún líka mjög
mikilvægu hlutverki fyrir flokkinn, sem vill
spanna sviðið frá hægri til vinstri.“
kLókindi
Katrín segir einnig að Eygló sé hófsöm í
vinnu brögðum.
„Henni er mjög annt um þau verkefni
sem hún tekur að sér og hún stundar ekki
klækjastjórnmál til að ná þeim fram. Það
skilar sér oftast betur til lengdar,“ segir
Katrín. Þó á eftir að koma í ljós hverju hún
fær áorkað í ráðuneytinu.
„Hún hefur verið meira í öðrum málum
en félagsmálununum svo það verður gaman
að sjá hvað hún gerir í ráðuneytinu,“ segir
Katrín.
Elliði segir að Eygló sé klókari stjórn mála ­
maður en fram kemur við fyrstu sýn.
„Hún er snjöll að skapa sér ímynd. Þar
koma klókindi til,“ segir Elliði. „Það þarf
mikil klókindi til að halda mildri ímynd
þegar andrúmsloftið í stjórnmálunum er
eins og það er. Að sumu leyti kemur hún
mér líka fyrir sjónir sem uppfærð útgáfa af
Jó hönnu Sigurðardóttur. Hún vill vera máls ­
vari sama hóps og Jóhanna.“
Skugginn AF Sigurði ingA
Elliði segir einnig að það sé merki um klók­
indi að Eygló skipti um kjör dæmi við liðnar
kosningar. Hún var þingmað ur Suður ­
kjördæmis en flutti sig í Suðvestur kjördæmi,
sem henti henni að mörgu leyti betur.
„Það kom mér ekki á óvart að hún skipti
um kjördæmi,“ segir Elliði. „Hún hefur
metnað til að baða sig í sterkara sólar ljósi en
fæst í skugganum af Sigurði Inga Jóhanns ­
syni, sem er sterkur heima í kjör dæmi.“
Elliði bendir á Evrópumálin sem dæmi
um ólík sjónarmið þeirra. „Mig grunar
að skoðanir þeirra í Evrópumálum fari til
dæm is ekki saman en Eygló er nógu klók til
að láta ekki skerast þar í odda,“ segir Elliði.
Þessi orð Elliða benda til að Eygló sé lipur
stjórnmálamaður. Katrín Júlíusdóttir segir
að Eygló geti líka sýnt á sér aðra hlið:
„Hún getur verið mjög þrjósk og á það til
að bíta hluti fast í sig. Það þarf að hafa fyrir
því að fá hana til að skipta um skoðun,“
segir Katrín. „Mér fannst hún oft mjög hörð
í að verja flokk sinn í öllum málum. Hún
getur staðið mjög fast á sínu.“
MÖrg LOFOrð Að eFnA
Ögmundur vill þó ekki gera of mikið úr
skörungsskap hins nýja ráðherra:
„Hún sat róleg á áhorfendabekknum með
öllum hinum framsóknarþingmönnunum
og beið á meðan formaður Framsóknar ­
flokks ins sat á skrafi með formanni Sjálf ­
stæðisflokksins þar sem öllu var ráðið til
lykta. Nú mun þjóðin fylgjast með efndum
kosningaloforðanna,“ segir Ögmundur.
Elliði vill líka bíða eftir efndunum á kosn ­
ingaloforðunum:
„Eygló er á margan hátt að taka sín fyrstu
skref í úrvalsdeildinni eftir eitt kjörtímabil í
fyrstu deild. Núna reynir á ímyndina,“ segir
Elliði. „Sterkri ímynd þurfa að fylgja efndir.
Er hér aðeins um tilbúna ímynd að ræða eða
einlægan vilja til að standa við gefin loforð?
Ég efast ekki um að viljinn er einlægur en
það er mikið sem þarf að efna.“
Eygló Harðardóttir vann sig á síðasta kjörtímabili upp í forystusveit Framsóknarflokksins.
Hún skapaði sér milda ímynd. Að baki búa klókindi, segja kunnugir.
ÍMyndArSMiðURinn
Eygló Harðardóttir, félags- og húsnæðismálaráðherra:
100 ÁhRiFamEStU koNURNaR 2013