Frjáls verslun - 01.04.2013, Síða 116

116 FRJÁLS VERSLUN 4. 2013
20 MiLLjArðAr Í
AFLAndSkrónuvexti
hvað fá aflandskrónurnar mikla vexti
árlega hér á landi? 30 til 40 milljarða? þarf
að skoða að stýra vaxtagreiðslum öðru
vísi úr landi?
„Kvikar krónueignir erlendra aðila fengu
um 20 milljarða króna í vexti á síðasta
ári, en þessi tala hefur lækkað ár frá ári
eftir því sem krónueignir erlendra aðila
hafa minnkað. Þessir aðilar hafa þrönga
fjárfestingakosti sem eru almennt með lága
ávöxtun, eins og þetta sýnir. Raunvextir
eru vel undir einu prósenti á eignir þeirra.
Vextir á krónueignir gömlu bankanna
eru hér ekki meðtaldar og það eru engar
takmarkanir á fjárfestingakostum þeirra.
Erlendir eigendur kviku krónueignanna
eru að taka út 25­50% af vöxtunum. Það
hefur einnig lækkað á síðustu árum. Ef
þessi stýring vaxtagreiðslna þýðir að það
eigi að takmarka þær, þá munu vextirnir
leggjast ofan á kvikar krónueignir erlendra
aðila, sem eykur á vanda okkar síðar. Það
verður því að vega og meta kosti og galla
slíkra aðgerða.“
Ríkissjóður er fjármagnaður með á að
giska 25% af aflandskrónum. þær eru í
fínni vinnu hér heima með kaupum meðal
annars á verðtryggðum ríkisskuldabréfum.
Vextir eru lágir í Evrópu og tvísýnt um
efnahagshorfur. hvers vegna ætti þetta
fjármagn að vilja flýja út í einum grænum
ef fjármagnshöfin yrðu afnumin?
„Þetta kemur nákvæmlega inn á það sem
ég sagði áður, það er ekki ljóst að þessar
kviku krónueignir erlendra aðila séu í
raun kvikar. Það er ekki að sjá að þessir
fjárfestar séu mjög aðþrengdir þar sem
vextir erlendis eru verulega lágir. Þeim
mun betur sem staðið verður að losun fjár­
magns haftanna þeim mun minni líkur eru
á að þessir fjárfestar dragi fjármuni sína frá
Íslandi í einum grænum.“
þú hefur nefnt höftin fjármagnshöft fremur
en gjaldeyrishöft. af hverju er það?
„Vegna þess að við búum við fjár magns­
höft. Það eru höft á fjármagnsflutn ingum
milli landa, ég má til að mynda ekki kaupa
hlutabréf í Apple. Það eru ekki gjald eyris­
höft þar sem engin höft eru á vöru­ og
þjón ustuviðskiptum, ég má kaupa eins
margar apple­tölvur og ég vil.“
Er ástæða til að taka hlut erlendu hlut-
hafanna í arion banka og Íslands banka inn
í útreikninga á svonefndri snjóhengju?

„Það þarf að hafa þá í huga þegar málin
eru greind. Hins vegar verður að gæta
að því að þau eru mörg efin hvað þessa
eignarhluti varðar. Fyrst og fremst virði
hlutanna, síðan hvenær þeir verða seldir
og til hverra. Þess vegna eru þetta tvö mál,
sem þó hafa áhrif hvort á annað.“
Lars Christansen hagfræðingur segir að
fé myndi streyma til Íslands vegna hárra
vaxta ef ekki væru höft núna. miðað við
hugmyndir Christiansens virðist lítil
ástæða til að óttast að þetta fé færi út ef
höftin yrðu afnumin.
„Staðan á alþjóðlegum mörkuðum myndi
eflaust gera haftalaust Ísland að góð um
fjárfestingakosti, hins vegar hefur stað an á
alþjóðlegum mörkuðum einnig minnk að
möguleika innlendra aðila á að endur fjár ­
magna sig, sem virkar í hina áttina. Þannig
tek ég undir það sem Christ ian sen segir
einungis að hluta.“
HættA Á Að FjÁrFeStingA-
ÁkvArðAnir verði óHAg-
kvæMAr
minni fjárfestingar, skökk samkeppni
og rangt eignaverð koma í hugann sem
kostnaður þjóðfélagsins af fjár magns-
höftum. hvernig metur þú kostnaðinn af
fjár magnshöftunum og hefur hann verið
reiknaður út í krónum?
„Það fylgir því kostnaður að hafa fjár magns­
höft. Spurningin er fremur er ágóð inn af
SigRÍðUR bENEDiktSDóttiR
„Það fylgir því
kostn aður að hafa
fjár magnshöft.
Spurn ingin er frem­
ur hvort ágóðinn
af því að hafa þau
sé meiri en kostn­
aðurinn.“
Pfaff Grensásvegi 13 Sími 414 0400 www.pfaff.is
Pfa!
... og það varð ljós!
Ljósið gegnir mikilvægu hlutverki í daglegu lífi
fólks. Rétt lýsing skapar ákveðna stemningu,
hlýju og þægindi og getur skipt sköpum, hvort
sem er á heimilinu eða á vinnustaðnum.
Pfaff býður upp á mikið úrval fallegra ljósa frá
heimsþekktum ljósahönnuðum og faglega
ráðgjöf lýsingarhönnuða sem hjálpa þér að
finna rétta ljósið.
Pfaff – þegar þú velur ljós.