Frjáls verslun - 01.04.2013, Blaðsíða 178

178 FRJÁLS VERSLUN 4. 2013
LokaoRðið
Þórunn Óðinsdóttir stjórnunarráðgjafi rekur fyrirtækið Intra ráðgjöf og aðstoðar hún starfs-
menn fyrirtækja í umbótavinnu með aðferðum straumlínustjórnunar, LEAN management
Hugmyndafræði straumlínustjórn­unar gengur út á að viðskipta vin ­urinn sé alltaf í fyrsta sæti og að
allir starfsmenn fyrirtækisins vinni
að stöðugum umbótum. „Hug­
myndafræðin gengur út á skýra
ferlahugsun þar sem stöðugt er
leitað leiða með vísindalegum
aðferðum til að einfalda ferlin
og gera þau skilvirkari. Þetta
gengur út á stöðugar umbætur
– ekki bara á verklagi og ferlum
sem eru brotin og ganga illa
heldur líka þeim sem ganga vel.
Hugmyndafræðin gengur líka út
á virka þátttöku allra starfs­
manna og að það eru þeir sem
leysa vandamálin og koma með
hug myndir að umbótum og
lausnum frekar en stjórnendur.
Hluti af starfi þeirra er að vera
stöðugt gagnrýnir á vinnuna og
velta fyrir sér hvernig hægt er
að gera hlutina betur. Lögð er
áhersla á að starfsmaður þekki
og skilji heildarferlin – ekki bara
þann hluta sem hann vinnur við.
Þá eru mistök í umbótavinnunni
leyfð og þau nýtt til að læra af
þeim.“
Bætt verkefnastjórnun
og fræðsla
Þórunn segir að það sé mis­
mun andi hvernig aðkoma sín sé
að fyrirtækjum. Sums staðar sé
óskað eftir heildarinnleiðingu
á Lean sem eru viðamiklar
breytingar á fyrirtækinu og tekur
nokk ur ár. Aðrir óski eftir kynn­
ingu og fræðslu á hugmynda­ og
aðferðafræði straumlínustjórn­
unar á meðan sumir vilji prófa
að nota einhverja eina aðferð
og fá sig til að innleiða hana í
einni deild, einu sviði eða í öllu
fyrirtækinu.
„Fólk vill prófa sig áfram og
yfirleitt þegar árangur næst á
einum stað þá vilja fleiri vera
með.“
Þórunn segir að ein af að ­ferð unum séu VMS­töflur sem fyrirtæki nýta sér til að
ná bætt um árangri í verk efna ­
stjórn un og upplýsinga flæði.
Þær eru einnig notaðar til að ná
meiri einbeitingu á að ná þeim
markmiðum sem stefnt er að og
til að stýra flæði verkefnanna
betur innan fyrir tækjanna.
Betri starfsandi og auk-
inn árangur
Önnur aðferð sem Þórunn
notar mikið er að þjálfa hópa
í að nýta ferlin til umbóta. „Ég
þjálfa þá alla starfsmenn eða
hluta af starfsmönnum við kom ­
andi fyrirtækis í að vinna að
umbótavinnu á ferlunum þar
sem við söfnum saman hópi af
fólki sem vinnur að ferlinu – ekki
bara stjórnendur heldur fólkið
á gólfinu. Við greinum hvernig
ferlið er unnið og leitum leiða til
að einfalda það og auka skil­
virkni þess. Skilgreint er hvernig
ferlið á að vera þegar búið er
að vinna að umbótum. Þá eru
verkefni sett af stað til að vinna
að umbótunum. Endurbætt ferli
stuðlar að því að fyrirtækið nær
að veita viðskiptavininum þær
vörur eða þjónustu á þeim tíma,
í þeim gæðum og á því verði
sem hann óskar eftir.“
Nefna má að Þórunn aðstoðar
einnig stjórnendur fyrirtækja
almennt með stjórnunina og
gerir það að hluta til í gegnum
VMS­töflurnar og að hluta í
gegn um stjórnunarráðgjöf svo
sem varðandi skipurit.
„Umbótavinna er skemmtileg
vinna fyrir þá starfsmenn sem
taka þátt í henni og það er
gam an að finna dýnamíkina
sem myndast þegar fólk fær
tólin og tækin til að vinna að
umbótum. Það er magnað að
sjá hvað hópar eflast, árangur
eykst og hvað starfsandinn
batnar við að vinna svona um­
bótavinnu.“
umbótavinna í anda straumlínustjórnunar
TexTi: svava jónsdóTTir / Mynd: Geir ólafsson
„Fólk vill prófa sig
áfram og yfirleitt
þegar árangur næst
á einum stað þá vilja
fleiri vera með.“
þórunn óðinsdóttir. „það er magnað að sjá hvað hópar eflast, árangur
eykst og hvað starfsandinn batnar við að vinna svona umbótavinnu.“
frjals_verslun_augl_titt_utlit.indd 1 11.3.2013 15:06:02