Frjáls verslun - 01.05.2010, Qupperneq 57

F R J Á L S V E R S L U N • 5 . T B L . 2 0 1 0 57
Guðrún
Ragnarsdóttir,
framkvæmdastjóri
Lánasjóðs íslenskra
námsmanna
– Hvaða árangur ertu ánægðust með
innan þíns fyrirtækis?
Að hafa tekið þátt í að stofna banka einu
ári fyrir fordæmalaust efnahagshrun
vestrænnar þjóðar – og hafa lifað af. Það var
okkar gæfa að hafa farið varlega í sakirnar
og staðið traustum fótum fyrir hrun. Við
gátum því tryggt rekstrarhæfi bankans en
haldið honum um leið í eigu hluthafa sam­
hliða því að tryggja endurgreiðslu á láni
eina kröfuhafa bankans.
– Finnur þú fyrir nýjum tímum og nýrri
hugsun í þjóðfélaginu eða finnst þér allt
vera að fara í sama farveg aftur?
Í kjölfar þeirrar gagnrýnislausu hjarð­
hegð unar sem ríkti meðal æðstu manna
fyrir hrun hlýtur jarðvegurinn í dag að
vera frjórri fyrir aðkomu einstaklinga með
mis munandi bakgrunn og skoðanir. Allir
verða að læra af þeirri einhliða nálgun
sem ríkti fyrir hrun ætli þeir að lifa af. Ég
óttast hins vegar alvarlega hik og hræðslu
við ákvarðanatöku víða í kerfinu, því stöðn ­
un getur leitt til sömu hamfara og þau
vondu verk sem unnin voru í og fyrir hrun.
– Ef þú yrðir forsætisráðherra í einn dag;
hvert yrði þitt fyrsta verk?
Leggja allt í sölurnar til að ná fram einhug
og samkennd meðal þjóðarinnar og þá
ekki síst á Alþingi. Ég held að þjóðin upp ­
lifi vinnubrögð Alþingis líkt og barn sem
fylgist með foreldrum sínum rífast alla
daga og óttast mest afleiðingar yfirvofandi
skiln aðar foreldra sinna og endanlegrar
sund rungar þeirra.
– Fjárhagsleg endurskipulagning
fyrirtækja er mál málanna. Hvernig geta
bankarnir hraðað þessu ferli?
Bankarnir verða að horfa á endurskipu ­
lagninguna í stærra samhengi en skamm­
tímaárangri einstakra starfsmanna,
stjórn enda, deilda eða banka. Það er
lífsspursmál að við komum hagkerfinu
okkar í gang án tafar – og það gerist ekki
nema við komum líf vænlegum fyrirtækjum
í hendurnar á fjárfestum og góðir stjórnar­
hættir (e. corporate governance) verði
viðhafðir í hvívetna.
– Sérð þú einhver teikn á lofti um að það
versta sé að baki í atvinnulífinu?
Ég skynja mikinn baráttuvilja og von hjá
einstaka fyrirtækjum – en ákvarðanafælni og
hik standa í vegi fyrir því að mörg þeirra geti
rifið sig í gang, þótt þau hafi þrótt til þess.
– Er það ekki gömul klisja að það sé munur
á konum og körlum sem stjórn endum?
Ég tel að það verði alltaf munur á stjórn­
unarstíl einstaklinga eftir mismun andi
reynslu þeirra, kyni, menntun, búsetu og
upplifun hverju sinni – og get aðeins vonað
að við eigum eftir að njóta góðs af flóru
þeirra mismunandi einstaklinga sem Ísland
byggja – í stað marseringar mörg æsanna.
Hæfileikar eru eitt – stöðluð ímynd stjórn­
anda annað og ekkert endi lega betra.
– Hvaða heilræði í stjórnun heldur þú
mest upp á?
Að hlusta á eigið hjarta og samvisku en
hafa um leið skynsemi til að bera að geta
hlustað án fordóma á skoðanir annarra – og
geta þá eftir atvikum þróast sem einstakl­
ingur og skipt um afstöðu til einstakra
manna og málefna. Sókrates gaukaði þessu
heilræði til okkar fyrir nokkru …
– Viðskiptalífið yrði betra ef …
… við bærum gæfu til að horfast í augu
við fortíðina og læra af henni en hafa þor
til að halda út í óvissuna með kjark og
bjart sýni að vopni, með það að markmiði að
komandi kynslóðir geti notið góðs af og tekið
okkur og verk okkar til fyrirmyndar.
Helga Hlín situr í háskólaráði Háskólans á Akureyri.
„Við gátum því tryggt
rekstrarhæfi bankans en
haldið honum um leið í eigu
hluthafa samhliða því að
tryggja endurgreiðslu á láni
eina kröfuhafa bankans.“
Helga Hlín
Hákonardóttir hdl.,
framkvæmdastjóri
lögfræðisviðs hjá
Saga Capital
STÖÐNUN GETUR
LEITT TIL HAMFARA
Sigrún Ragna
Ólafsdóttir,
frkvstj. fjármála og
reksturs Íslandsbanka.
Monica Caneman,
stjórnarformaður
Arion banka
Guðrún Johnsen,
varaformaður stjórnar
Arion banka.
Björk Þórarinsdóttir,
frkvstj. fyrirtækjasviðs
Arion banka.
Margrét Sveinsdóttir,
frkvstj. eignastýringar
Arion banka.
Lilja Steinþórsdóttir
frkvstj. innri endurskoðunar
Arion banka.