Frjáls verslun - 01.01.2009, Síða 10

10 F R J Á L S V E R S L U N • 1 . T B L . 2 0 0 9
Danska vefritið Business.dk
– það heyrir undir Berlingske
Tidende – leitaði til lesenda
sinna um svar við spurning-
unni: Hvern á að reka næst?
Þetta er efinn núna þegar
minna er að gera í fyrirtækj-
unum. Viðskiptavinir panta
minna og vilja lítið borga og
seint.
Hjá Business.dk voru lesendur
beðnir að setja sig í spor fram-
kvæmdastjóra hjá meðalstóru
tölvufyrirtæki. Verkefnum hefur
fækkað og stjórinn stendur
enn einu sinni frammi fyrir
vanda, sem hann vildi helst
ekki þurfa að leysa. Margir
framkvæmdastjórar hafa og
litla reynslu á þessu sviði eftir
góðæri síðustu ára. Vandinn
hefur verið að ná í fleira hæft
fólk en ekki að reka þessa
sömu einstaklinga. En nú er
stjórinn búinn að gera allt sem
honum hefur dottið í hug til að
spara innan fyrirtækis. Næst
er að segja fólki upp.
Lesendur áttu að velja á milli
fjögurra kosta:
Að segja Elísabetu upp• . Hún
er vel menntuð, dugleg en
vinnur mest og best í ein-
rúmi.
Að segja Mikael upp• . Hann
er nýútskrifaður og nýlega
kominn til fyrirtækisins.
Að segja Eiríki upp• . Hann
hefur langa reynslu en hefur
ekki sömu þekkingu og hin.
Að biðja starfsfólkið• að
benda á möguleika til að
spara enn meira.
Svörin skiptust þannig.
31% töldu besta kostinn að
leita eftir nýjum tillögum um
sparnað.
29% töldu best að reka Eirík
gamla.
21% vildu reka Mikael.
19% vildu reka Elísabetu.
Alls svöruðu nær 700 manns
og svörin eru túlkuð á þann
veg að enginn kostur var tal-
inn góður. Lesendur vissu eig-
inlega ekki hvað væri til ráða í
stöðunni.
Sérfræðingar sem leitað var til
sögðu að framkvæmdastjórinn
yrði að gera upp við sig hvort
hann teldi framtíð fyrirtækisins
velta meira á persónulegum
eiginleikum eða fagþekkingu.
Einfarinn Elísabet er þarna
faglega sterkust en Eiríkur fjöl-
hæfastur. Einnig megi hugsa
sem svo að Mikael eigi best
með að finna nýja vinnu og því
sé rétt að reka hann fyrst.
Sérfræðingar eru hins vegar
efins um hvort ráðlegt sé að
leita eftir tillögum starfsfólks-
ins. Líklegasta sparnaðartil-
lagan sé að stytta vinnutímann
og lækka þar með laun. Ef fram-
kvæmdastjórn er vel kunnug við-
horfum fólks á sínum vinnustað
getur hann lagt þetta til sjálfur.
Ósk um sparnaðartillögur getur
líka valdið ótta og kvíða meðal
fólksins meðan beðið er eftir
niðurstöðunni. Stjórinn verður
hvort eð er að ákveða sig að
lokum.
Hvern á að reka næst?
S T j Ó R N U N A R M O L I
TExTI: gísli kristjánsson
29% töldu best að reka Eirík gamla. 21% vildu reka Mikael
og 19% vildu reka Elísabetu.