Frjáls verslun - 01.01.2009, Síða 16

16 F R J Á L S V E R S L U N • 1 . T B L . 2 0 0 9
Bónus er sjöunda árið í röð vinsælasta fyrirtækið
á Íslandi en nýtur aðeins þriðjungs þess fylgis sem
hann fékk í fyrra. Það sem meira er; aldrei hafa
jafnmargir nefnt fyrirtækið í spurningunni um nei-
kvætt viðhorf til fyrirtækja. Efnahagshrunið og fall
bankanna hefur greinilega áhrif.
BÓNUS VINSÆLASTA FYRIRTÆKIÐ
VIðhORF TIL
FYRIRTæKjA
VERSNAR
Undanfarin ár hefur Bónus verið það fyrirtæki sem flestir landsmenn nefna þegar spurt er um fyrirtæki sem menn hafa jákvætt viðhorf til. Árið 2009 var engin undantekning. Samt væri synd að segja að árið væri glæsilegt fyrir Bónus. Fyrir réttu ári nefndu 33% landsmanna
Bónus sem eitt af sínum uppáhaldsfyrirtækjum. Nú voru það 13%. Næstum
jafnmargir eða 12% nefndu að þeir hefðu neikvætt viðhorf til Bónuss.
Efnahagshrunið hefur greinilega sín áhrif. Skoðanakönnunin var gerð dagana
2.–4. febrúar. Alls svöruðu 582 spurningunum: „Vildir þú nefna 1 til 3 íslensk
fyrirtæki sem þú hefur jákvætt viðhorf til?“ og „vildir þú nefna 1 til 2 íslensk fyr-
irtæki sem þú hefur neikvætt viðhorf til.“ Oftast eru miklu færri sem nefna fyr-
irtæki sem þeir hafa neikvætt viðhorf til en jákvætt. Þetta breyttist núna. „Bank-
arnir“ voru óvinsælastir og 16,5% aðspurðra sögðust neikvæð í þeirra garð.
Það var áberandi í þetta sinn að viðmælendur þurftu lengi að hugsa sig um
áður en þeir gátu nefnt fyrirtæki sem þeir væru jákvæðir gagnvart. Sumir sögðu
jafnvel afsakandi eitthvað á þessa leið: „Ég held að ég verði að nefna Bónus, þrátt
fyrir allt.“
MYNDIR: geir ólaFsson
Jón Ásgeir Jóhannesson hefur verið í eldlínunni í allri
umræðu um fall bankanna og hún hefur örugglega haft
áhrif á viðhorf fólks í könnuninni til Bónuss og Hagkaups.
Vinsælustu fyrirtækin