Tímarit Máls og menningar - 01.09.1983, Side 38

Tímarit Máls og menningar
en erfitt er að koma auga á annað betra. Því er nú eitt sinn þannig varið með
manneskjuna að árátta hennar er að hugsa og ég fæ ekki betur séð en þá
verði oft að duga óljós hugtök. Eru ekki einmitt ýmis óljós hugtök aflgjafi
frjórrar og skapandi umræðu? Hvað t. d. um hugtök eins og jafnrétti, frelsi
og lýðræði?
Að vísu eru til skilgreiningar á sveigjanlegum kennsluháttum, t. d. þessi:
Megineinkenni þessara starfshátta eru virkar kennsluaðferðir og fjöl-
breytt viðfangsefni sem tengjast umhverfi og reynslu nemenda; reynt
er að skapa nemendum fjölbreytt en um leið notalegt umhverfi í
skólanum og ekki síst að gefa þeim kost á vali um viðfangsefni.2
Og hér er önnur:
Aðferðin byggist á sveigjanlegri notkun kennslurýmis, nemendur
hafa val um viðfangsefni og áhersla er lögð á fjölbreytt námsgögn,
samþættingu námsgreina, einstaklingsbundið nám og hópstarf.3
Vandinn við að nota skilgreiningar af þessu tagi stafar af því hversu skammt
þær ná, og sumum finnst nærtækara að huga að þeim hugmyndum og við-
horfum sem búa að baki skilgreiningum sem þessum, hér sé um að ræða
uppeldis- og skólastefnu sem markist af ákveðnum viðhorfum til barnsins
og þroska þess.
388