Tímarit Máls og menningar - 01.09.1993, Page 50

Börkur Gunnarsson
það rennur
heitt kaffi rennur inn um gapandi ginið gutlar á milli tannanna og sekkur
síðan í myrkrið augun kasta sólinni út á hafflötinn þar sem hún fleytir
kerlingar fram að himinhvolfinu og myndar þar ólögulega klessu man
mig svamla í legvatni móður minnar umlukinn öryggi vatni og lífi áður
en ég flaut upp á yfirborðið í hendur annarra til að ná tökum á veruleik-
anum loka ég augunum veit ekki hvort það gerist nokkurn tímann nokkuð
meðan þau eru lukt trefjabrauðið sekkur með kaffinu í myrkrið mogginn
talar til mín um nauðgun á stelpuhnátu gengisfellingu sjö dauða grísi
týndu fiskitorfurnar atburðir moggans renna áfram og gerast á ný regn-
vatn dreifir sér yfir jörðina flæðir um hana uns það rennur niður til himna
á ný í gær var einhverri stúlku nauðgað í dag er það dóttir mín og á
morgun mun ég láta söguna flæða til enn annarra og þá verða það þeirra
dætur þannig mun atburðurinn renna í gegnum huga okkar sem beljandi
jökulá þannig verður ein nauðgun að mörgum fer inn og kyssi konuna
flýt síðan með háflóðinu í vinnuna þaðan sem mig rekur aftur heim með
fjörunni í fang konu minnar sekk í sköp hennar inn lengra inn komast
alla leið aftur kitla eggfrumur banka á magann hennar innan frá láta vatn
hennar renna inn um augu mín klappa dóttur minni á kollinn og slekk á
mæðgunum með sjálfstýringunni þannig að þær sofna löngu fyrir hátta-
tíma gára vatn hugsana minna kemst hvergi til botns í gruggugum
hugsanaflækjum læt loksins bylgjur svefnsins færa mig út á draumahafið
þar sem ég dvel lengstum að morgni vætir heitt kaffið trefjabrauð frá
mjólkursamsölunni með marmelaði áður en það sekkur í svartholið renn
af stað og sekk loks í skrifstofustólinn yfirmaðurinn kemur og hellir yfir
mig lofi og hrósyrðum þannig verð ég vatnsósa og bljúgur uns hann opnar
fyrir mér gáttir til meiri metorða og inn um þær fossa ég fyrir utan
1
48
TMM 1993:3