Dagrenning - 01.12.1956, Qupperneq 2

Tíl kampeiida Dagreiiiiíiigar
Enn verð ég að biðjast afsökunar á drættinum á útkomu þessa heftis
Dagrenningar, og því, að ekkert varð úr þeirri tilraun, sem ég hugðist gera
með að láta ritið koma út mánaðarlega þrjá síðustu mánuði ársins 1956.
Ástæðan fyrir því að svo varð ekki, er sú að ég veiktist síðari hluta
sumars og varð að vera undir læknishendi frá jrví í ágústmánuði og dvelja
rúman mánuði erlendis vegna þessara veikinda og er enn langt frá fullum
bata, þó nokkuð hafi á unnizt síðasta mánuðinn. Þessi lasleiki minn rugl-
aði allar áætlanir mínar hvað Dagrenningu snerti, og olli því að hún er
nú svo síðbúin sem raun ber vitni.
Af þessum ástæðum er öll framtíð Dagrenningar einnig miklu óráðn-
ari nú, en við öll fyrri áramót, og það hefir hvarflað að mér að hætta alveg
útgáfu hennar, jafnvel nú með útkomu þessa heftis.
Ég mun þó ekki gera það, nema til hins verra bregði með heilsufar
mitt, og mun ég þá sjá um, að kaupendur ritsins fái vitneskju þar um.
★
Sú breyting, sem ég gerði á Dagrenningu um síðustu árarnót — að fækka
heftunum úr sex í þrjú og lækka árgjaldið — hefir ekki gefið góða raun.
Mönnum finnst of langt líða milli heftanna, og efni ritsins, sérstaklega
það sem snertir stjórnmál og yfirstandandi atburði, ekki svo ferskt sem
æskilegt væri. Þetta hefir mér alla tíð verið ljóst og þess vegna hefir liugur
minn stefnt að því síðustu árin, að gera Dagrenningu að mánaðarriti þó
ekki hafi af því orðið enn.
Hinn sívaxandi kostnaður við alla útgáfustarfsemi hefir og valdið því,
að ekki varð sá sparnaður að þessari breytingu sem ég gerði ráð fyrir, og
nú er greinilegt að allur útgáfukostnaður hækkar til mikilla muna, sér-
staklega á þeim ritum sem nota góða pappírstegund eins og Dagrenning
hefir gert frá fyrstu tíð. Heftin hafa líka orðið stærri nú í ár en ráðgert var
í fyrstu svo að ekki munar nema þriðjungi lesmáls frá því sem var meðan
þau voru sex og hvert þeirra fjörutíu síður.
Mér þykir þó vænt um að ég gerði þessa tilraun því með henni er úr
skorið um það, að stefna verður að því að Dagrenning verði mánaðarrit,
ef hún á að geta gegnt því hlutverki, sem ég ætlaði henni frá öndverðu
og að því mun ég vinna áfram, ef heilsan leyfir annars frekari störf á
þessu sviði.
Frh. á 3. kápusíðu.
★