Bókasafnið - 01.06.2014, Síða 73

Útdráttur
Dagana 9.­13. september 2013 fóru Hallur Guð­
mundsson og Sigrún Guðnadóttir frá Bókasafni Kópa­
vogs til Kölnar í þeim tilgangi að kynna sér útlán á
rafbókum og viðskiptahugmyndina á bak við þau. Ferðin
var styrkt af Leonardo menntaáætlun Evrópusam­
bandsins. Á vikutíma kynntust þau kostum og göllum
rafbókaútlána sem og þeim gildrum sem geta staðið í
veginum fyrir því að hefja slíkt ferli hér á landi. Niður­
staðan varð sú að heppilegast þætti að Landskerfi
Bókasafna hefði yfirumsjón með innleiðingu útlána raf­
bóka á Íslandi enda sér það fyrirtæki um Gegni og rök­
réttast er að bein tenging sé á milli þessara þátta
útlánastarfsemi.
Safnið
Aðalsafnið í Köln hefur að geyma margs konar
safndeildir, má þar nefna stóra barnadeild, skjala­ og
sýningarsvæði til minningar um rithöfundinn Heinrich
Böll, bókasafn rithöfunda frá Köln, blindrabókasafn og
safn bókmennta um sögu þýskra gyðinga, sem var opn­
að árið 1959.
Ellefu útibú eru rekin frá aðalsafninu ásamt einum
bókabíl, „Minibib“, „Krimmasjálfsala“ og rafbókavef þar
sem hægt er að fá lánaðar rafbækur allan sólarhringinn.
Mesta aukning í útlánum hefur verið á rafbókum. Frá
árinu 2012 hefur verið hægt að skila gögnum í aðalsafn­
ið allan sólarhringinn. Svokölluð RFID tækni var tekin í
gagnið til að tryggja sem mestan hraða í útlánum. Hún
virkar þannig að bókasafnsskírteinið er sett í þar til
gerða afgreiðsluvél og lykilorð slegið inn, því næst getur
lánþeginn fengið lánað eða skilað bunka af bókum með
einu handtaki.
Árið 2012 komu í fyrsta skiptið yfir 2 milljónir gesta á
safnið, eða 2.053.450, en daglega koma um 8.250
safngestir. Í aðalsafninu og tengdum rekstrareiningum
eru 148.9 stöðugildi sem 196 manns skipta með sér
ásamt 87 sjálfboðaliðum.
Árgjaldið í safnið fyrir fullorðna er 38 evrur ﴾á geng­
inu 164 kr. í september 2013 eru það um það bil. 6.200
krónur﴿ og var það hækkað talsvert frá 2012 þar sem
tekin var sú ákvörðun að hætta að taka gjald fyrir safn­
efni eins og DVD diska. En til að koma á móts við lán­
þega gildir skírteinið í 13 mánuði. Hægt er að fá skírteini
sem gilda í þrjá og sex mánuði. Líkt og hérlendis eru
skírteini fyrir börn undir 18 ára aldri ókeypis.
Á safninu er boðið upp á safnkynningar fyrir grunn­
og menntaskólanema. Kynningar fara að miklu leyti
fram í formi verkefna sem nemendur vinna á safninu og
þyngjast eftir því sem þeir eldast. Kynningar af þessu
tagi eru nemendum mjög mikilvægar þar sem ekki
tíðkast að vera með bókasöfn í skólum í Þýskalandi.
Mikill fjöldi erlendra gesta heimsækir almennings­
bókasafnið í Köln ár hvert til að fræðast enda er safnið í
fremstu röð hvað varðar nýjungar og tækni. Þegar nú­
verandi forstöðumaður, Dr. Hannalore Vogt tók við
Sigrún Guðnadóttir er forstöðumaður Lindasafns, útibús Bókasafns
Kópavogs. Hún er með B.A. í Upplýsingafræði með Þjóðfræði sem
aukagrein og M.A. í Hagnýtri menningarmiðlun.
Til Kölnar
Hallur Guðmundsson er bókavörður, tónlistarmaður
og áhugamaður um útlán rafbóka.
Sigrún Guðnadóttir og Hallur Guðmundsson
Mynd 1. Aðalsafnið í Köln