Dagblaðið Vísir - DV - 24.02.2012, Blaðsíða 2

2 Fréttir 24.–26. febrúar 2012 Helgarblað
Laun stjórnenda
stórhækka
Laun lykil­
stjórnenda
Icelandair Group
og dótturfélags
þess Icelandair
hafa hækkað um
tugi prósenta á
undanförnum
misserum. Þann­
ig hafði Birkir
Hólm Guðnason, framkvæmdastjóri
Icelandair, um 1,9 milljónir króna í
laun á mánuði árið 2010. Hann fékk
hins vegar ríflega hækkun á síðasta
ári og er nú með tæpar 2,9 milljónir
króna á mánuði. Samkvæmt árs­
skýrslu Icelandair Group fyrir 2011
var hagnaður af rekstrinum um
4.452 milljónir króna á síðasta ári.
Alls voru 800 milljónir króna greidd­
ar út í formi arðs til hluthafa vegna
rekstrarársins.
Ritstjórum Mogg-
ans hótað í bréfi
DV birti hót­
unarbréf
sem talið er að
Kjartan Gunnars­
son, framkvæmda­
stjóri Sjálfstæðis­
flokksins, hafi
sent til Matthíasar
Johannessen, rit­
stjóra Morgun­
blaðsins, í apríl árið 1998. Tilefni
bréfsins var að hóta ritstjórum blaðs­
ins undir rós vegna umfjöllunar blaðs­
ins og aðsendra greina, meðal annars
eftir Sverri Hermannsson, sem komu
illa við kaunin á forystu Sjálfstæðis­
flokksins. Tilgangur bréfsins virðist
hafa verið að fá ritstjóra Morgun­
blaðsins til að skrifa með ógagnrýnari
hætti um Sjálfstæðisflokkinn. Í bréf­
inu var því t.d. hótað að upplýsa um
slæma fjárhagsstöðu Styrmis ritstjóra.
Leitar aðstoðar við
skuldavanda
„Þetta var
vondur
tími til að fara að
stækka við okk­
ur,“ segir Þórhall­
ur Heimisson,
sóknarprestur í
Hafnarfjarðar­
kirkju, sem er
einn af fjölmörg­
um Íslendingum sem hafa leitað
úrræða hjá umboðsmanni skuld­
ara vegna skuldavanda. DV fjallaði
um málið á miðvikudaginn þar sem
fram kom að Þórhallur hefði staðið
í skilum með greiðslur þar til í októ­
ber 2008, en hann hafði látið byggja
bílskúr við húsið sitt. „Ég hef ekk­
ert að fela og skammast mín ekkert.
Ég er að reyna að standa í skilum,“
sagði Þórhallur af hreinskilni í sam­
tali við DV.
Fréttir vikunnar í DV
1 2 3
www.xena.is
AF ÖLLUM
BARNASKÓM
S T Æ R Ð I R 1 8 - 3 5
Opið virka daga 11-18 - laugardag 11-16
Grensásvegi 8 - Sími 517 2040
2 FYRIR 1
F
ramkvæmdir standa yfir í ein­
býlishúsi sem Ólafur Ragn­
ar Grímsson, forseti Íslands,
keypti í september í fyrra.
Húsið stendur á skjólsælum
stað við Reykjamel í Mosfellsbæ,
undir Reykjafelli og nokkra kíló­
metra fyrir norðan Hafravatn. Hann
keypti húsið, sem áður var í eigu leik­
skólakennara, þann 15. september í
fyrra samkvæmt upplýsingum úr
fasteignaskrá.
Í nýársávarpi sínu lét Ólafur
Ragnar að því liggja að hann hygð­
ist ekki sækjast eftir endurkjöri í
komandi forsetakosningum en tók
þó ekki af öll tvímæli um það. Hvort
framkvæmdirnar sem nú standa yfir
í húsi hans þýði að hann muni láta af
embætti í sumar skal ósagt látið.
„Smávægilegar breytingar“
Iðnaðarmenn hafa undanfarna daga
verið við störf í húsinu og þegar ljós­
myndara og blaðamann DV bar að
garði á miðvikudag var verið að und­
irbúa flutning skorsteins á húsinu.
Þá stóðu einnig yfir framkvæmdir
innandyra og sagði iðnaðarmaður
sem DV ræddi við að verið væri að
gera „smávægilegar breytingar inn­
andyra og stækka glugga“. Maður
sem var við störf inni í húsinu sagðist
ekki hafa hugmynd um hvenær verk­
efninu ætti að ljúka og þá vissi hann
ekki hvort og þá hvenær Ólafur og
eiginkona hans, Dorrit Moussaieff,
ætluðu að flytja í húsið.
Ekki heitur pottur
Eins og sést á meðfylgjandi myndum
er eignin hin glæsilegasta. Samkvæmt
upplýsingum úr fasteignaskrá er hús­
ið sjálft 216 fermetrar en auk þess er
á lóðinni 104 fermetra gróðurhús.
Húsið er á tveimur hæðum og er aðal­
inngangur á efri hæð. Í garðinum er
lítið garðhýsi sem er byggt í sama stíl
og húsið en eignin stendur á hálfum
hektara eignarlands og rennur Varmá
á lóðarmörkunum. Garðurinn sjálfur
er gróinn og er húsið umkringt runn­
um og stórum trjám. Hvorki bílskúr
né heitur pottur er við húsið líkt og
oft tíðkast þegar stór einbýlishús eru
annars vegar.
Beðið eftir svörum
Forsetakosningar fara fram þann
30. júní í sumar, að því gefnu að
fleiri en einn bjóði sig fram. Margir
eru orðnir óþreyjufullir eftir því að
forsetinn gefi skýr svör hvað þetta
varðar en enn sem komið er hefur
hann ekki tjáð sig við fjölmiðla um
málið. Samkvæmt heimildum DV
mun Ólafur þó finna sér aðstæður
til að tala við fleiri en einn fjölmiðil
í einu en blaðið hefur ekki heimild­
ir fyrir því hvenær það verður. Hvað
sem því líður er ljóst að ekki mun
væsa um Ólaf og Dorrit í nýja hús­
inu í Mosfellsbæ ákveði Ólafur að
láta af embætti forseta Íslands.
n Iðnaðarmenn eru að störfum í húsi Ólafs Ragnars Grímssonar í Mosfellsbæ
Framkvæmdir í
húsi forsetans
„Garðurinn sjálfur er
gróinn og er hús-
ið umkringt runnum og
stórum trjám.
Einar Þór Sigurðsson
blaðamaður skrifar einar@dv.is
Glæsileg lóð Lóðin er stór og mikil og
stendur á einum skjólsælasta stað Mos-
fellsbæjar. Varmá rennur á lóðarmörk-
unum og stór tré umkringja húsið.
Iðnaðarmenn að störfum Iðnaðarmenn voru að störfum í húsinu þegar DV bar að garði.
Iðnaðarmaður sem blaðið ræddi við sagði að meðal annars væri verið að stækka glugga. Þá
stóð til að fjarlægja skorstein á þakinu.
Snoturt garðhýsi Stór verönd er á bak
við húsið og vinstra megin á myndinni má
sjá lítið garðhýsi í sama stíl og húsið.
Hannes Hólm-
steinn verður á
Beinni línu
Hannes Hólmsteinn Gissurarson,
prófessor í stjórnmálafræði við
Háskóla Íslands, verður á Beinni
línu á DV.is í dag, föstudag, klukk­
an 14. Þar mun Hannes svara eftir
bestu getu þeim spurningum sem
brenna á lesendum DV.is. Hannes
hefur getið sér orð fyrir að vera
boðberi frjálshyggjunnar og einn
af hugmyndafræðingum Sjálf­
stæðisflokksins. Hannes liggur
sjaldan á skoðunum sínum og
hefur árum saman verið í eldlínu
hugmyndafræðilegra átaka og hef­
ur sem slíkur verið umdeildur. Það
eina sem lesendur þurfa að gera
til að spyrja spurninga er að skrá
sig inn á Facebook. Allir lesendur
geta hins vegar fylgst með þeim
spurningum og svörum sem sett
verða inn. Slóðin inn á beinu lín­
una er www.dv.is/beinlina.
Rannsókn
loks lokið
Lögreglan á höfuðborgarsvæð­
inu hefur lokið frekari rannsókn
á nauðgunarkæru á hendur Agli
Einarssyni og kærustu hans. Málið
hefur verið sent ákærusviði lög­
reglunnar þar sem ákvörðun verð­
ur tekin um hvort það fari til ríkis­
saksóknara.
Í síðustu viku sagði Björgvin
Björgvinsson, aðstoðaryfirlög­
regluþjónn hjá rannsóknardeild
lögreglunnar, að rannsóknin væri
á lokasprettinum. Í lok janúar var
greint frá því að ríkissaksóknari
hefði óskað eftir frekari rannsókn
lögreglunnar á höfuðborgarsvæð­
inu á ákveðnum atriðum máls­
ins. Björgvin tjáði DV að ræða
hafi þurft betur við ákveðin vitni
sem höfðu verið stödd erlendis.
Egill og kærasta hans voru kærð af
átján ára gamalli stúlku í nóvem­
ber síðastliðnum fyrir nauðgun en
stúlkan var gestkomandi á heim­
ili þeirra eftir gleðskap í miðbæ
Reykjavíkur. Egill hefur ítrekað lýst
yfir sakleysi sínu í fjölmiðlum.