Dagblaðið Vísir - DV - 24.02.2012, Blaðsíða 42
42 24.–26. febrúar 2012 Helgarblað
29 létust í rútuslysi Tvö börn og 27 fullorðnir létust í rútuslysi í Ekvador í vikunni. Óhappið átti sér stað þegar rútunni var ekið niður fjallshlíð. Að sögn þarlendra yfirvalda bendir allt til að bílstjórinn hafi ekki haft heimild til að aka á þessum slóðum, eftir þröngum fjallvegum. Hann mun þó ekki þurfa að svara til saka fyrir það því hann var á meðal þeirra sem létust í slysinu. Auk þess sem 29 manns létust í bílslysinu slösuðust 27 manns.U m s j ó n : K o l b e i n n Þ o r s t e i n s s o n k o l b e i n n @ d v . i s
N
orski fjöldamorðinginn
Anders Behring Breivik
hefur nefnt svo mörg fyrir
huguð skotmörk að lögregl
unni fannst einfaldara að hann
skrifaði bara lista.
Á listanum er að finna um þrjá
tíu möguleg skotmörk sem hann
hugðist ráðast gegn með annað
hvort sprengjum eða skotvopnum.
Hluti af listanum telst vera aftöku
listi og á honum er að finna nöfn
tólf kunnra Norðmanna sem eru,
að mati Breiviks, landráðamenn.
Þrátt fyrir að Anders Behring
Breivik hafi að hluta til lýst hvernig
hann hugðist koma ódæðunum í
verk er talið ólíklegt að hann hefði
haft erindi sem erfiði við fram
kvæmd þeirra.
Útey var að sögn Breiviks bara
plan b. Aðalmarkmiðið var að
sprengja bílsprengjur við nokkra
ákveðna staði í Osló; aðalskrif
stofu Verkamannaflokksins, kon
ungshöllina og stjórnarhverfið,
sem hann reyndar gerði.
Á dauðalista Breiviks er að
finna eftirfarandi nöfn: Jonas Gahr
Støre, utanríkisráðherra Noregs,
Gro Harlem Brundtland, fyrr
verandi stjórnmálamaður sósíal
demókrata, Trond Giske, mat
vælaráðherra Noregs, Anniken
Huitfeldt menningarmálaráð
herra, Raymond Johansen í Verka
mannaflokknum, Kåre Willoch,
fyrrverandi forsætisráðherra
fyrir Hægriflokkinn, Kjell Magne
Bondevik, fyrrverandi forsætis
ráðherra fyrir Kristilega þjóðar
flokkinn, Knut Wollensbæk, fyrr
verandi forsætisráðherra, Trine
Skei Grande, leiðtogi Venstre –
frjálslynda flokksins, Kari Helene
Partapuoli, leiðtogi miðstöðvar
andstæðinga kynþáttafordóma,
Torry Pedersen, ritstjóri Verdens
Gang, og Hilde Haugsgjerd, hjá
Aftenposten.
Þrátt fyrir að Breivik hafi við
yfirheyrslur látið gamminn geisa
er ekki gefið að Breivik hafi á sín
um tíma haft uppi raunverulegar
ráðagerðir um að myrða áður
nefnt fólk og gera árásir á ýmis
skotmörk eins og til dæmis Am
nesty International. „Hann hefur
allavega hugsað um að ráðast á
einhver skotmörk, en við höfum
engar sannanir fyrir því að hann
hafi útfært það enn frekar,“ sagði
PålFredrik Kraby hjá norsku lög
reglunni í viðtali við vefmiðil Ver
dens Gang, og bætti við: „Það er
ýmislegt sem bendir til þess að
hann vilji virðast þýðingarmeiri og
umsvifameiri en hann í reynd er.“
Einn helsti sérfræðingur Norð
urlanda í málum sem tengjast
hryðjuverkum, Magnus Ranstorp,
tekur í sama streng og PålFredrik
Kraby. „Þetta er hluti af aðferðum
hans til að leiða rannsóknina á
villigötur. Breivik vill gera sig mik
ilvægari en hann er. Í hans huga er
þetta leikhús dauðans og hann er
í aðalhlutverki,“ sagði Ranstorp í
viðtali við vg.no.
Leikrit
dauðans
Breivik í aðalhlutverki
B
onny Lee Bakley var ekki öll
þar sem hún var séð. Hún
beitti kynlífi og klækjum til
að hafa fé af karlmönnum,
sem margir hverjir voru
frægir og ríkir, og búa þannig um
hnútana að barna þeirra yrði ekki
getið í erfðaskrá þeirra.
Bonny fæddist í Morristown
í New Jersey 7. júní 1956. Í æsku
dreymdi hana um sömu hluti og
flestar stúlkur þess tíma – að verða
rík og fræg og ekki fráleitt að fátækt
fjölskyldu hennar ýtti enn frekar
undir þá drauma. Hvað sem því leið
hætti hún námi sextán ára og fór til
New York í von um frama í fyrirsætu
og leiklistarbransanum. Hún tók upp
nafnið Lee Bonny, fékk nokkur smá
hlutverk en frægðin lét bíða eftir sér.
Henni varð ljóst að hún yrði að finna
aðra leið til að komast í álnir, hvað
svo sem frægð liði.
Árið 1971 giftist hún Evangelos
Paulakis, innflytjanda sem þarfnað
ist sárlega að ganga í hjónaband svo
hann fengi dvalarleyfi. Bonny sam
þykkti að giftast honum gegn gjaldi.
Skömmu síðar þegar hún hafði kom
ið höndum yfir féð batt hún enda á
hjónabandið og Paulakis var vísað
úr landi. Árið 1977 giftist hún Paul
Gavron og eignuðust þau þrjú börn.
En eiginmennirnir áttu eftir að verða
æði margir.
Einmana menn hafðir að féþúfu
Hjónaband Bonny og Paul var um
margt undarlegt. Paul þekkti göturn
ar og grunnt var á ofbeldi hjá hon
um. Engu að síður hvíldi umönnun
barnanna að mestu leyti á hans herð
um. Bonny vann um það leyti hörð
um höndum að nýjasta verkefninu
– póstþjónustu sem miðaði að því
að hafa fé af einmana karlmönnum.
Bonny sendi nektarmyndir af konum
til karlmannanna með loforði um að
sækja þá heim ef þeir sendu henni fé.
Meðan á þessu stóð var Paul
heimavinnandi og merkilegt nokk
virtist sem hann kynni ágætlega við
að þurfa ekki að vinna úti.
En 1982 lauk hjónabandi þeirra –
óstjórnleg löngun Bonny til að um
gangast fræga fólkið og sú staðreynd
að hún yngdist ekki varð til þess að
hún skildi börnin eftir í umsjá Paul
og tók stefnuna á Memphis í Tennes
see. Sú ákvörðun átti á endanum eft
ir að skila henni að upp að útidyrum
tónlistarmannsins Jerry Lee Lewis –
en ekki fyrr en eftir nokkur ár.
Vinátta þróast og vináttu lýkur
Áður en kynni tókust með Bonny og
Jerry Lee liðu nokkur ár og þó nokk
ur hjónabönd, mislanglíf, hjá Bonny.
Kynlífssvindlið sem hún stundaði
með stolnum kreditkortum og skil
ríkjum gerði henni kleift að vera
á stöðugu flandri og þannig vera
þar sem Jerry Lee var að troða upp
hverju sinni.
Þetta varð nánast sjúklegt því hún
átti það til að gerast boðflenna í hóf
um en engu að síður hittust þau aug
liti til auglitis árið 1982 og með þeim
tókst ágæt vinátta.
Sú vinátta hélst allt þar til Bonny
varð barnshafandi og sagði hverjum
sem heyra vildi að barnsfaðir henn
ar væri Jerry Lee og að hann hygðist
skilja við eiginkonu sína og kvænast
henni.
Þetta var árið 1993 og Bonny eign
aðist stúlku sem var skírð Jeri Lee, en
á fæðingarvottorðinu stóð að faðerni
væri óþekkt. Eðli málsins samkvæmt
leið vinátta Bonny og Jerry Lee undir
lok og Jeri Lee endaði hjá Paul Gavr
os. Síðar var staðfest að Jeri Lee var
ekki dóttir Jerry Lee.
Sagan segir að Bonny hafi gengið
svo langt að hóta eiginkonu Jerry Lee
dauða.
Með Christian Brando í sigtinu
Kynlífssvikamylla Bonny hafði tútn
að út og hún auglýsti grimmt í klám
blöðum og sagði að hún væri til í að
prófa allt í það minnsta einu sinni
– „ekkert er útilokað“. Sú fullyrðing
hennar malaði henni gull, en draum
urinn um frægð lifði enn góðu lífi og
í „litlu svörtu bókinni“ var að finna
fjölda nafna – sumir voru frægir og
aðrir bara ríkir – Robert DeNiro, Sug
ar Ray Leonard og Jimmy Swaggart
voru á meðal þeirra sem skráðir voru
í bókina.
Bonny Lee fór ekki varhluta af
réttarkerfinu og á meðal þess sem
hún fékk dóm fyrir var að fylla út
innistæðulausar ávísanir. Hún var
handtekin í Arkansas fyrir að vera
með yfir 30 fölsuð skilríki í fórum
sínum og þegar hún var frjáls ferða
sinna á ný sýndist henni vænlegast
að yfirgefa suðrið og taka stefnuna á
borg glaums og glyss – Hollywood –
og krækja sér í einhverja stjörnu; til
dæmis Christian Brando.
Rangfeðrun
Christian og Bonny urðu aldrei
meira en kærustupar og um svipað
leyti lágu leiðir Bonny og leikarans
Roberts Blake saman. Tvennum sög
um fer af upphafi þeirra kynna. Systir
Bonny sagði að augu þeirra hefðu
mæst þvert yfir djassklúbb og eftir
það hefði ekki verið aftur snúið.
Lögfræðingur Blake sagði hins
vegar að Blake hefði ekki einu sinni
vitað hvað hún hét þegar þau höfðu
samfarir í aftursæti jeppa.
Skömmu síðar tilkynnti Bonny
Blake að hún væri barnshafandi.
Hún eignaðist dóttur sem var skírð
Christian Shannon Brando og var
Christian Brando skráður faðir
hennar. Síðar kom í ljós að það var
Blake en ekki Christian Brando sem
var faðirinn og var stúlkan endur
skírð Rose Lenore Sophia Blake.
Bonny og Blake giftust í nóvem
ber 2000 en svo virðist sem litlir kær
leikar hafi verið með þeim hjónum
því Bonny flutti inn í gestahús á land
areign Roberts.
Um hálfu ári síðar, 4. maí 2001,
dró til tíðinda. Þá bauð Blake Bonny
á Vitello'sveitingastaðinn í Studio
City. Skömmu síðar þegar þau voru
að yfirgefa staðinn var Bonny myrt
með skoti í höfuðið. Robert Blake
fullyrti að hann hefði verið inni á
veitingastaðnum; hann hefði þurft
að fara aftur inn til að ná í skamm
byssu sem hann hafði gleymt þar.
Sýknaður
Eftir eins árs rannsókn var Robert
Blake handtekinn og ákærður fyr
ir morðið á Bonny Lee. Margt löngu
síðar, í mars 2005, komst kviðdómur
að þeirri niðurstöðu að Robert Blake
væri saklaus af því að hafa myrt eig
inkonu sína og einnig saklaus af því
að hafa ráðið annan til að myrða
hana. Svæðissaksóknari Los Angeles,
Steve Cooley, sagði þegar úrskurður
inn lá fyrir að Robert Blake væri „fyr
irlitleg mannvera“ og að kviðdómar
arnir væru „ótrúlega heimskir“.
Fjögur barna Bonny voru ekki sátt
við niðurstöðuna og höfðuðu einka
mál á hendur Blake og 18. nóvem
ber 2005 var úrskurðað að Blake bæri
ábyrgð á dauða Bonny og var dæmd
ur til að greiða börnunum 30 millj
ónir Bandaríkjadala.
Í apríl 2008 staðfesti áfrýjunar
dómstóll úrskurðinn en lækkaði
skaðabæturnar um helming.
Sakamál
n Bonny vildi verða fræg og rík n Var skotin til bana við veitingastað
Bonny og Blake
„... Robert
Blake
væri „fyrirlitleg
mannvera“ og að
kviðdómararnir
væru „ótrúlega
heimskir“
Bonny Lee Blake Var ekki barnanna best
og dróst að ríkum og frægum mönnum eins
og mý að mykjuskán.
Robert Blake
Leikarinn fær sér
sígarettu meðan hann
bíður eftir dómsúr-
skurði árið 2005.