Dagblaðið Vísir - DV - 24.02.2012, Blaðsíða 23
Fréttir 23Helgarblað 24.–26. febrúar 2012
fyrir lífiðfjárfesting gluggar og hurðir
Faris ehf. Gylfaflöt 16-18 112 Reykjavík s: 5710910 www.faris.is
10 ára ábyrgð
Skoðaðu lausnir
fyrir ný og eldri
hús á faris.is
„Siðferðilega rangt“
S
trangt til tekið er ekkert í lög-
um og reglum sem bannar
þetta, en siðferðilega tel ég
þetta vera rangt,“ segir Sig-
urður Helgason, sérfræðingur
hjá Umferðarstofu, um þær áætlan-
ir að leyfa þeim sem bjóða í almenn-
ingssamgöngur á milli höfuðborgar-
svæðisins og Akraness annars vegar
og Suðurlands hins vegar, að gera ráð
fyrir að farþegar geti þurft að standa
í vögnunum. Í skýrslu sænsku vega-
gerðarinnar, sem Strætó bs. hef-
ur vitnað til, kemur fram sú skoðun
skýrsluhöfunda að hópferðabílar sem
flytji standandi farþega aki ekki hraðar
en 70 km/klst.
Flest bendir til þess að málið verði
samþykkt í bæjarstjórn Akraness
en næsti fundur verður haldinn 28.
febrúar. Afgreiðslu málsins var á síð-
asta fundi frestað.
„Hræðilegt óöryggi“
DV ræddi við Ingu Sigurðardótt-
ur, íbúa á Akranesi og viðskiptavin
Strætó, á dögunum þar sem hún gagn-
rýndi harðlega þessar fyrirætlanir. Á
fjölmennum, opnum kynningarfundi
sem haldinn var á Akranesi kom fram
hörð gagnrýni á þessar hugmyndir en
fundargestum gramdist að fá ekki að
bera upp ályktun um málið. Inga benti
á í samtali við DV að veður væru oft
válynd á Kjalarnesi og að leiðin væri
hættuleg. „Þetta er hræðilegt óöryggi.
Það er stundum hálka og rok þarna á
milli,“ segir Inga sem segir að því hafi
verið borið við að ef farþegar séu fleiri
en sæti leyfa þá verði að sækja annan
vagn og því geti fylgt mikill kostnaður.
Tveir áratugir aftur í tímann
Sigurður Helgason bendir eins og Inga
á að á þessum leiðum, frá Reykjavík
til Akraness annars vegar og til Sel-
foss hins vegar, sé allra veðra von og
á leiðunum séu staðir sem geti talist
til „mestu vindhviðustaða á öllu land-
inu, það er undir Kjalarnesi og Ing-
ólfsfjalli. Þar gæti eitthvað slæmt gerst
á stórum bílum sem taka á sig mik-
inn vind.“ Hann segir leiðigjarnt að
þurfa að standa í deilum um hluti sem
hljóti að teljast vera sjálfsagðir í þágu
öryggis almennings. Það er afleitt að
færast tvo áratugi aftur í tímann varð-
andi áherslur í umferðaröryggi,“ segir
hann.
Engin alvarleg slys hafa orðið
Strætó bs. sendi frá sér yfirlýsingu
14. febrúar síðastliðinn þar sem fram
kemur að undanfarin ár hafi vegna
ófyrirséðra toppa í farþegafjölda í
einstökum ferðum þurft að skilja
farþega eftir. Því hafi verið skoð-
að hvernig mæta mætti því án þess
að það „kollvarpaði fjárhagslegum
grundvelli verkefnisins.“ Því hafi ver-
ið litið til þess möguleika að farþeg-
ar gætu staðið í vögnunum, en slíkt
hafi tíðkast úti um allan heim í ára-
tugi, meðal annars á Norðurlönd-
unum og í Bandaríkjunum. Vísað er
í tíu ára gamla sænska rannsókn þar
sem fram kemur að meiri líkur séu á
að farþegi slasist spenntur í einkabíl
en í strætó, og gildi það hvort heldur
sem er í þéttbýli eða dreifbýli, stand-
andi eða sitjandi. Enn fremur hafi
engin alvarleg slys orðið á Íslandi í
rúm áttatíu ár, jafnvel þó tíðkast hafi
að farþegar standi í strætó innanbæj-
ar allan þann tíma.
Rætt um að lækka hámarkshraða
Sú gagnrýni sem beinst hefur að
fyrirætlunum um að farþegar geti
staðið í strætó á milli áðurefndra
staða hefur ekki síst beinst að því
að á þjóðvegum sé hámarkshraði
hærri en í þéttbýli. Í sömu skýrslu
og Strætó bs. vitnar í kemur fram að
það sé skoðun sænsku vegagerðar-
innar að hópferðabílar, þar sem far-
þegar standi, skulu ekki aka hraðar
en 70 km/klst. „Umferðaröryggi far-
þega myndi þá aukast,“ segir í skýrsl-
unni en tekið er fram að þessu geti
fylgt meiri kostnaður þar sem ferðir
yrðu tíðari og vagnarnir yrðu lengur
á leiðinni.
Í yfirlýsingu Strætó segir að allir að-
ilar er standa að þessari þjónustu hafi
öryggi farþega í fyrirrúmi og hafi ekki í
hyggju að gera út á að aka með stand-
andi farþega.
Sigurður hjá Umferðarstofu er
einnig talsmaður umferðaröryggis.
„Það er að mínu mati betra að grípa í
taumana áður en slys eiga sér stað, því
það gæti svo sannarlega orðið og því
skiptir miklu að gera eitthvað áður.“
Baldur Guðmundsson
blaðamaður skrifar baldur@dv.is
n Ósætti við standandi strætófarþega á þjóðvegum n Mikil afturför„Það er afleitt að
færast tvo áratugi
aftur í tímann varðandi
áherslur í umferðaröryggi
Meiri hraði Á þjóðvegum er hámarkshraði hærri en í þéttbýli en rætt er um það í Svíþjóð að
skikka hópferðabíla til að aka ekki hraðar en á 70 km/klst.
Öryggið verði í fyrirrúmi Vill grípa í
taumana áður en slysin gerast.
Skutu gegnum bílrúðuna