Dagblaðið Vísir - DV - 24.02.2012, Blaðsíða 10

SjálfStæðiSmenn
vilja dreifa valdi
10 Fréttir 24.–26. febrúar 2012 Helgarblað
n Fimm orðaðir við nýtt embætti annars varaformanns flokksins
Ú
tlit er fyrir nokkurn slag um
nýtt embætti annars vara-
formanns Sjálfstæðisflokks-
ins sem kosinn verður um á
flokksstjórnarfundi 17. mars
næstkomandi. Fimm hafa verið orð-
aðir við embættið en það eru þau
Aldís Hafsteinsdóttir, bæjarstjóri í
Hveragerði, Jens Garðar Helgason,
bæjarfulltrúi í Fjarðabyggð, Eyþór
Arnalds, bæjarfulltrúi í Árborg, og
Kristján Þór Júlíusson, þingmaður
flokksins. Þá hefur lögreglumaður-
inn og mannvinurinn Geir Jón Þóris-
son óvænt tilkynnt um að hann gefi
kost á sér til embættisins.
Geir Jón segir í samtali við DV að
rödd hins almenna borgara þurfi að
heyrast betur innar í flokknum. „Ég
vil sjá hvort áhugi sé fyrir mínum
starfskröftum á þessum vettvangi.“
Nánar er rætt við hann á baksíðu DV.
Eyþór Arnalds sagðist í samtali við
DV ekki sækjast eftir embættinu. „Ég
er ekki að sækjast eftir þessu embætti
þótt það hafi orðað við mig,“ sagði
hann. Aldís hefur þegar boðað fram-
boð, sem og Jens. „Ég býð mig fram
sem sveitarstjórnarmaður,“ segir hún
og bætir við að með embættinu sé
verið að breikka forystu flokksins.
Sjálf telur hún skynsamlegt að ann-
ar varaformaður komi úr einhverj-
um af sveitarstjórnarflokkum Sjálf-
stæðisflokksins. „Fulltrúarnir eru
mjög margir um allt land og sitja víða
í hreinum meirihluta Sjálfstæðis-
flokksins. Sömu aðilar eru mjög oft
kjölfestan í starfi flokksins á hverjum
stað fyrir sig,“ segir Aldís. Jens tekur
í sama streng og segist hafa heyrt á
mönnum innan flokksins að eðlilega
ætti áhersla að vera á að fá sveitar-
stjórnarmann í embættið. Þannig
fengist aðili úr öðrum hluta flokksins
en þingflokknum.
Aðspurður segist Kristján Þór Júlí-
usson vera að íhuga framboð: „Ég er
ekki búinn að taka ákvörðun um það
en er að kanna stuðning um það. Ég
tek ákvörðun um það á næstu dög-
um.“
Nýtt embætti
Á síðasta landsfundi flokksins var
samþykkt að kosið yrði í fyrsta skipti
í nýtt embætti annars varaformanns
á vettvangi flokksstjórnar. Þá skilaði
svokallaður framtíðarhópur tillögum
að breytingum á skipulagsreglum
flokksins. Markmið hópsins var með-
al annars að auka valddreifingu í Sjálf-
stæðisflokknum. „Annar varaformað-
ur flokksins er formaður miðstjórnar
sem ber ábyrgð á framkvæmdastjórn
flokksins. Í því felst ábyrgð á öllu innra
starfi flokksins, eftirlits- og úrskurðar-
vald um framkvæmdir á hans veg-
um, hefur umráð eigna og gætir þess
að skipulagsreglum sé fylgt,“ segir í
skýrslu framtíðarhópsins sem Krist-
ján Þór leiddi.
„staðnaðar stofnanir“
„Vissulega væri auðveldast fyrir
stjórnmálamenn og -flokka að kenna
ósanngjarnri umræðu um ástandið
en það væri ekki sannleikanum sam-
kvæmt,“ segir í ávarpi Kristjáns sem
hann skrifaði í tilefni af birtingu
skýrslu framtíðarhópsins. Þá seg-
ir enn fremur: „Staðan er einfald-
lega þannig að í hugum fjölmargra
landsmanna eru stjórnmálaflokk-
arnir ólýðræðislegar, miðstýrðar og
staðnaðar stofnanir þar sem leynd-
arhyggja og tillitsleysi fyrir skoðun-
um almennra flokksmanna ræður
ríkjum. Á sama hátt einkennast ís-
lensk stjórnmál um of af tilgangs-
lausu karpi á Alþingi og í sveitar-
stjórnum um hluti sem þykja skipta
litlu máli og „stjórnmálastarf“ er orð-
ið að samheiti yfir endalausan spuna
þar sem tilgangurinn virðist sá einn
að koma höggi á pólitíska andstæð-
inga.“
Núverandi skipulagsreglur Sjálf-
stæðisflokksins voru fyrst samþykkt-
ar árið 1979. Þeim hefur þó verið
breytt nokkrum sinnum á undan-
förnum árum, síðast árið 2009 og svo
á landsfundi flokksins í nóvember
2011.
Þau eru nefnd
Eyþór Arnalds
Oddviti Sjálfstæðis-
flokksins í Árborg
„Ég er ekki að sækjast
eftir þessu embætti
þótt það hafi verið
orðað við mig,“ segir
Eyþór í samtali við DV.
Kristján Þór Júlíusson
Alþingismaður
„Ég er ekki búinn að
taka ákvörðun um
framboð en er að kanna
stuðninginn. Ég tek
ákvörðun um það á
næstu dögum,“ segir
Kristján í samtali við DV.
Aldís Hafsteinsdóttir
Bæjarstjóri Hveragerðis
„Já, ég ætla að bjóða
mig fram. Ég held að
það myndi styrkja
forystu flokksins ef
sveitarstjórnarmaður
myndi skipa þetta
embætti,“ segir Aldís í
samtali við DFS, fréttablað Suður-
lands.
Jens Garðar Helgason
Oddviti Sjálfstæðis-
flokksins í Fjarðabyggð
„Ástæða þess að ég
býð mig fram til annars
varaformanns er að
ég trúi því einlæglega
að með því að velja
sveitarstjórnarmann til
forystu í Sjálfstæðisflokknum þá muni
forysta flokksins breikka og betri tengsl
skapast við grasrótina,“ segir í tilkynn-
ingu frá Jens.
Geir Jón Þórisson
Yfirlögregluþjónn
„Ástæða þess að ég gef
kost á mér í þetta stóra
verkefni er einlægur
áhugi minn og vilji til að
láta gott af mér leiða
Reynsla mín af fyrri
störfum og djúp þörf til
að koma þjóðþrifamálum í framkvæmd
hvetur mig einnig til að stíga þetta stóra
skref.
Atli Þór Fanndal
blaðamaður skrifar atli@dv.is
„Ég er ekki að
sækjast eftir
þessu embætti þótt
það hafi orðað við mig.
Klappað fyrir forystunni Annar
varaformaður Sjálfstæðisflokksins á að efla
innra starf og breikka forystu flokksins.
Nýjar rannsóknir:
Fundu merki
um olíu
Nýjar rannsóknir á Drekasvæðinu
sýna ummerki um olíu frá júra-
tímabilinu á hafsbotni og staðfesta
tilvist jarðlaga frá miðlífsöld, segir
á vef Orkustofnunar. Tvö fyrirtæki,
norskt og breskt, staðfesta þetta.
Á vef Orkustofnunar segir að nýju
sýnin gefi spennandi innsýn í olíu-
jarðfræði Drekasvæðisins. Nú þarf
hins vegar að komast að því hvort
olían er nothæf og vinnanleg.
Á vef Orkustofnunar segir að set-
bergi frá ýmsum tímum miðlífsald-
ar (fyrir 250 til 65 milljónum árum
síðan) hafi verið safnað. 
Engin sýni eldri en 50 milljóna
ára höfðu verið tekin á svæðinu með
borun eða öðrum aðferðum fyrir
síðasta sumar og koma til viðbótar
við niðurstöður úr rannsókn norsku
Olíustofnunarinnar en önnur jarð-
lög fundust í þessari rannsókn.
Ummerki um olíu úr móðurbergi
frá júra-tímabilinu (fyrir 200 til 150
milljónum árum síðan) fundust sem
staðfesta að það sé virkt kolvetnis-
kerfi á Drekasvæðinu. Ítarleg skýrsla
um rannsóknirnar er fáanleg frá
TGS og VBPR gegn gjaldi. Skýrslan
hefur þýðingu fyrir yfirstandandi
útboð sérleyfa á Drekasvæðinu, en
nú er rétt rúmur mánuður til stefnu
þannig að þessar upplýsingar koma
seint fram í ferlinu.
Lést í bílslysi
Íslenski pilturinn sem lést í bíl-
slysi í Tansaníu sl. laugardag
hét Gunnar Örn Gunnarsson.
Hann bjó í Helsingborg í Svíþjóð
ásamt fjölskyldu sinni og var
22 ára. Gunnar Örn var ásamt
tveimur dönskum vinum sínum
á ferðalagi, en þeir höfðu reynt
að klífa fjallið Kilimanjaro. Á
vef mbl.is kemur fram að til-
drög slyssins voru þau að tvær
stórar jeppabifreiðar, önnur full
af farþegum, skullu saman á
sveitavegi skammt frá bænum
Kikatiki, í nágrenni við Kilim-
anjaro-þjóðgarðinn. Einn vina
Gunnars mun hafa kastast út úr
bílnum og orðið undir honum.
Í kjölfarið kviknaði í eldsneyti
sem lak úr bifreiðunum og tókst
Gunnari Erni, með hjálp annars
vinar síns, að draga félaga sinn
undan flakinu og slökkva eldinn.
Meðan beðið var eftir hjálp með
þyrlu hneig Gunnar Örn skyndi-
lega niður og missti skömmu
síðar meðvitund, vegna innvort-
is blæðinga og höfuðmeiðsla.
Hann lést áður en komið var á
sjúkrahús.