Frjáls verslun - 01.05.2008, Blaðsíða 136

136 F R J Á L S V E R S L U N • 5 . T B L . 2 0 0 8
fram að það standist ekki grundvallarreglur um friðhelgi eignarréttar.
Í Bandaríkjunum eru lög um kynjakvóta óhugsandi af þeirri ástæðu.
Í Danmörku er hins vegar vaxandi umræða um að koma á kynja-
kvóta og setja markið við 30 prósent í fyrstu. Jafnaðarmenn danskir
eru fylgjandi þessu og nú í vor sagði Karen Jespersen, ráðherra jafn-
réttismála frá Venstre, að hún gæti hugsað sér kvóta. Pólitísk andstaða
er hins vegar mun meiri í Danmörku en í Noregi. Danskir vinnuveit-
endur eru á móti og þarna kemur fram að atvinnulíf og stjórnmál eru
ekki eins nátengd í Danmörku og í Noregi.
En hvar eru konurnar?
En úr því hlutur kvenna í stjórnum almenningshlutafélaga í Noregi
er svo stór, af hverju eru þá ekki konur á mörgum umtöluðum for-
stjórastólum? Af hverju man enginn vegfarandi á götu í Ósló nafn á
konu í viðskiptalífinu?
Fyrir fáum árum var því slegið upp að aðeins tvær konur væru í
hópi forstjóra 200 stærstu fyrirtækja landsins. Það var eitt lítið og
fátæklegt prósent. En þetta er ekki lengur alveg rétt. Þegar farið er
að leita í listum um konur í viðskiptalífinu kom upp nöfn öflugra
kvenna:
Mille-Marie Treschow• er sögð ríkasta kona Noregs. Hún erfði
miklar fasteignir, lönd, skóga og herragarða í Suður-Noregi. Hún
býr í 2300 fermetra húsi með 75 herberjum auk 21 herbergis í
kjallara.
Celina Middelfart • er bæði fjárfestir og kaupmaður. Erfði miklar
eignir eftir föður sinn.
Aase Aulie Michelet• , lyfjafræðingur, er forstjóri Marine Harvest.
Það er stærsta laxeldisfyrirtæki heims. Hún er þar í krafti mennt-
unar sinnar.
Gunvor Ulstein• er tekin við sem forstjóri fjölskyldufyrirtækisins
k y n j a k v ó t a r í n o r E g i
Mér finnst þetta mikið vafamál. Kynjakvótinn hefur skapað
umræðu og það er gott en það er margt annað sem er miður
gott við þessi lög.
Í fyrsta lagi er það niðurlægjandi fyrir konur að vera valdar inn
í stjórn beinlínis vegna kynferðis en ekki vegna eigin verðleika.
Í öðru lagi er staða þeirra kvenna, sem koma inn í stjórnir
vegna kynjakvóta, veik. Það er ekki litið á þær sem fullgilda
stjórnarmenn. Þær eru ekki teknar alvarlega. Þær hafa ekki
sama styrk og aðrir stjórnarmenn.
Umræðan um kvótann gæti hins vegar leitt til meiri metn-
aðar meðal kvenna að sækjast eftir stöðum og segja: Við bæði
þorum og getum! En ég er á móti sjálfum kvótanum.
Hulda Gunnlaugsdóttir, sjúkrahúsforstjóri í Ósló:
niðurlægjandi fyrir konur
Þrjár ÍSlENSKar atHafNaKoNUr Í ÓSlÓ UM KyNjaKVÓtaNN:
Hulda Gunnlaugsdóttir.