Frjáls verslun - 01.05.2008, Blaðsíða 16

16 F R J Á L S V E R S L U N • 5 . T B L . 2 0 0 8
Það er kreppa eftir uppgangsár. Fyrir-tækin hafa lagt áherslu á hið frumlega og framsækna. Menn hafa talað um
hæfileikastjórnun. Nútímaleg stjórnun byggir
á að laða fram frumlega hugsun, framtak og
áræði; að fá alla til að hugsa hátt.
Það var í þessu umhverfi sem hann Steini
stjarna skaust upp á himininn. Forstjórinn
hlóð undir hann, hækkaði hann í tign með
stöðugt nýjum titlum og meiri launum.
Steini ungaði út nýjum og snjöllum hug-
myndum og allt gekk upp því það var góðæri
og allt gekk upp hvort eð var.
En nú er kreppa. Forstjórinn hefur meiri
áhuga á að halda sjó og bíða erfiðleikana
af sér en horfa uppá nýja stjörnustæla hjá
honum Steina. Það er núna sem stjórinn sér
hve mikilvægur hann Meðal-Jón er. Gamli
góði metnaðarlausi meðaljóninn heldur fyrir-
tækinu á floti.
Núna er munurinn á Steina stjörnu og
Meðal-Jóni orðinn að rannsóknarefni við
viðskiptaháskóla í heiminum. Í Svíþjóð
hefur Svante Leijon við Verslunarháskólann
í Gautaborg stúderað þessar manngerðir sér-
staklega og komist að þeirri niðurstöðu að
hann Meðal-Jón er stórlega vanmetinn og
Steini stjarna að sama skapi ofmetinn.
En hverjir eru þá kostir þess að hafa
marga Meðal-Jóna í fyrirtækinu? Er meðal-
mennskan og metnaðarleysið ekki fyrirtæk-
inu fjötur um fót? Nei, segir Svíinn. Þegar
til langs tíma er litið skipta Meðal-Jónarnir
mestu. Það tekur bara enginn eftir því hvað
hann Meðal-Jón skilar miklu verki og hve
mikils virði seigla hans og úthald er á erf-
iðum tímum. Það gerir ekkert til þótt hann
sé annars hæfileikasnauður og hægfara.
Verðleikar Meðal-Jóns eru þessir:
Metnaðarleysið• gerir það að verkum að
Meðal-Jón sækist ekki eftir stöðuhækk-
unum. Það er nóg að klappa honum á
öxlina af og til og senda honum uppörv-
andi tölvupóst. Hann er ódýr í rekstri.
Meðal-Jón• er tryggur starfskraftur. Hann
fer ekki til keppinautarins ef honum
býðst frami þar.
Meðal-Jón• er úthaldsgóður. Hann seigl-
ast áfram þótt á móti blási.
Meðal-Jón• tryggir stöðugleika í fyrirtæk-
inu. Hann hlustar ekki á háleitar hug-
sjónir um stefnu fyrritækisins en þekkir
allar gömlu hefðirnar og fylgir þeim. Það
er gott í kreppunni.
Meðal-Jón• er bestur til að leysa reglu-
bundin verkefni. Á erfiðleikatímum eru
það mikilvægustu verkin í fyrirtækinu og
þau henta ekki stjörnunum.
Meðal-Jón• gæti búið yfir óvæntum hæfi-
leikum. Hafðu hann því með í nýjum
verkefnum. Hann gæti skyndilega breyst í
stjörnu, sem fyrirtækið fær fyrir ekkert.
Svante Leijon segir að ekki megi gleyma að
hrósa Meðal-Jóni reglulega. Honum þyki
lofið gott þrátt fyrir metnaðarleysið. Hann
vill að eftir sér sé tekið þótt hann geri ekkert
sjálfur til að vekja eftirtekt.
S T J ó R N U N a R M o L I
TExTi: gísli kristjánsson
Kæri Meðal-Jón:
Þú ert góður!
Laugavegi 13 • Sími 561 6660
gullkunst@gullkunst.is • www.gullkunst.is
Þegar til langs tíma er litið skipta
Meðal-Jónarnir mestu. Það tekur
bara enginn eftir því. Meðal-Jón
er stórlega vanmetinn og Steini
stjarna að sama skapi ofmetinn.
Í svíþjóð hefur svante leijon við Verslunarháskólann í
gautaborg stúderað þessar manngerðir sérstaklega og komist
að þeirri niðurstöðu að hann Meðal-Jón er stórlega vanmetinn.