Frjáls verslun - 01.05.2008, Blaðsíða 146
146 F R J Á L S V E R S L U N • 5 . T B L . 2 0 0 8
K
y
N
N
IN
G
Fyrirtækið ELM var stofnað árið 1999 af þremur hönn-uðum, þeim Ernu Steinu,
Lísbetu og Matthildi, og vísar
nafn fyrirtækisins í upphafsstafi
þeirra. Verslunin ELM á Lauga-
vegi 1 hefur fyrir löngu unnið
sér sess í borgarlífinu og vakið
athygli fyrir fallega og sérstaka
hönnun eigendanna. Nú stendur
fyrirtækið á tímamótum.
„Eftir að hafa þraukað þetta í
tæp tíu ár tókum við þá ákvörðun
að selja hluta af fyrirtækinu,“
segir Erna Steina. „Nú höfum við
fengið fjárfesta og selt um þriðj-
ung fyrirtækisins. Kaupandinn er
Fjárfestingarsjóður Auðar Capital
og við erum fyrsta fyrirtækið sem
þær fjárfesta í. Auður Capital
ætlar að fjárfesta í fyrirtækjum
sem eru rekin af konum.“
ný tækifæri
„Þetta er mjög jákvætt,“ segir
Lísbet. „Við vildum svo gjarnan
taka næsta skref og koma fyrir-
tækinu á næsta plan. Til þess
þurftum við aukið fjármagn. Nú
fáum við tækifæri til þess að
opna fleiri verslanir og setja upp
„showroom“ í London og New
York.“ Erna Steina segir verk-
efnið þegar farið í gang. „Við
byrjum sennilega á því að opna
„showroom“ í Englandi og undir-
búa opnun fleiri verslana.“
„Við höfum líka fengið nýjan
framkvæmdastjóra, Kristínu
Hrafnkelsdóttur,“ segir Lísbet.
,,Einnig mun fyrrverandi forstjóri
frá Nichole Farhi koma til liðs við
okkur, sem er mjög spennandi.“
Björt framtíð
Þrátt fyrir allar þessar breytingar
verða þær stöllur áfram aðal-
hönnuðir ELM. „Það er samt
ekki ólíklegt að við þurfum að
endurskoða framleiðsluleiðirnar
þar sem nú er í mörg horn að
líta. Með opnun fleiri verslana
reiknum við með því að salan
aukist,“ segir Erna Steina.
Þær Erna Steina og Lísbet
viðurkenna að mikil vinna hafi
fylgt stofnun og rekstri fyrir-
tækisins.
„Þetta er svakalega mikil
vinna, allt árið um kring. Það
er ekki mikið um frí hjá okkur,“
segir Lísbet og Erna Steina bætir
við að þær séu að minnsta kosti
alltaf með hugann við vinnuna.
Framtíðin er því björt
og spennandi?
„Það vonum við svo sannarlega.
Það bendir allt til þess,“ segja þær
Erna Steina og Lísbet í ELM.“
Erna Steina og
Lísbet sjá fram á
bjarta framtíð.
ELM
FyRIRTæKI Á TÍMAMóTuM
,,Fáum fyrrverandi
forstjóra frá Nichole
Farhi til liðs við
okkur.“
www.elm.is