Gripla - 20.12.2010, Síða 91

91M A R G R É T A R S A G A I I
uam ibi non ingredietur, sed pax, caritas et spiritus ueritatis in illo loco lætabitur.
Sed quicumque in oratione sua te inuocauerit, remissionem peccatorum inueniet.
Et beata es tu et locus, ubi requiescis. Beata es tu et omnis generatio, quæ credit per
te. Veni celerius in locum tibi præparatum. Ego tecum sum et aperiam tibi ianuam
regni cælorum. Tunc beata Margarita respexit in circuitum et dixit: Patres et ma-
tres, sorores et fratres, omnes uos adiuro per nomen magni regis sæculorum, me-
moriam facite, nomen meum nominate et commendate me, et si ego peccatrix sum,
attamen obsecro pro uobis dominum Iesum Christum, ut donet uobis remissionem
peccatorum et faciat uos heredes in regno gloriæ suæ et illuminet uos in regno
claritatis suæ. Deo enim gratias ago, regi omnium sæculorum, qui dignam me fecit
in parte iustorum introire. Hymnum dico Deo, laudo et glorifico Christum, qui est
deus benedictus in sæcula sæculorum. Amen. Et post orationem erexit se et dixit:
Frater, tolle nunc gaudium tuum et percute me. Ecce, iam uici mundum. Ille dixit:
Ego hoc non facio nec interficio sanctam uirginem dei. Deus autem tibi locutus est,
propterea te interficere non possum. Beata Margarita respondit: Si hoc non feceris,
non habebis partem mecum in paradiso dei. Tunc quæstionarius cum timore et
tremore attulit gladium suum et in uno ictu percutiens amputauit caput beatæ
Margaritæ et orauit dicens: Domine, ne statuas hoc mihi in peccatum. Et tremens
percussor cecidit cum percussorio suo ad dexteram partem beatæ Margaritæ. Tunc
uenerunt angeli et sedentes super corpus beatæ Margaritæ benedixerunt illud. Et
ueniebant demones et torquebantur et uocibus clamabant: Unus Deus fortis, Deus
magnus beatæ Margaritæ. Et audientes omnes infirmi, cæci, claudi, surdi, debiles,
impotentes omnes ueniebant et tangebant corpus beatæ Margaritæ, et salui fiebant.
Tunc descendentes angeli cum uirtutibus tollentes animam beatæ Margarite in
gremio suo ascenderunt super nubem clamantes et dicentes: Non est tibi similis in
diis, domine, et non est secundum opera tua. Sanctus, sanctus, sanctus, dominus
Deus Sabaoth, pleni sunt cæli et terra gloria tua. Osana in excelsis. Benedictus, qui
uenit in nomine domini, rex Israel. Et uenientes dæmones ad reliquias beatæ Mar-
garitæ torquebantur. Infirmi uenientes sanabantur a languoribus suis et credebant.
Ego enim Theotimus tuli reliquias beatæ Margaritæ et reposui eas in scrinio, quod
feci de lapide cum odore suauitatis, et posui eas in Antiochiam ciuitatem in domum
inclytæ et matronæ. Ego enim eram, qui ministrabam in carcere ei panem et aq-
uam, et ego consideraui omne certamen, quod habuit contra impios bellatores et
omnes orationes eius scripsi in libris cartaneis cum multa astutia et transmisi om-
nibus christianis omnia in ueritate. Compleuit autem beata Margarita certamen
suum in pace die quinto mense Iulio. Omnes audite, corde compungite, sensus
ponite, dominum adorate in una trinitate, memoriam beatissimæ Margaritæ facite,
ut in sua nos prece memoretur ante dominum nostrum Iesum Christum, qui cum
patre et spiritu sancto uiuit et regnat in sæcula sæculorum. Amen.