Tímarit um menntarannsóknir - 01.01.2011, Side 33

33
Skólamenning og námsárangur
sem mælir skilning hafði jákvæð tengsl við
árangur í 4. og 7. bekk. Þetta samræmist vel
ábendingum Maehr og Midgley (1996) um
að samkeppni geti vakið vanmáttarkennd
hjá stórum hópi nemenda sem síðan dragi
úr árangri. Ábendingar Ginsberg (2004)
og Ginsberg og Wlodkowski (1995, 2000)
eiga því vel við þar sem mikilvægur liður
í því að skólar nái góðum árangri er að
skapa námsumhverfi sem kveikir áhuga
og metnað allra nemenda.
Mikilvægt er að hafa í huga þegar nið-
urstöður þessarar rannsóknar eru túlkaðar
að verið er að skoða tengsl milli námsár-
angurs og lýsingar kennara og deildar-
stjóra á menningu hvers skóla en ekki sér-
staklega á þeirri menningu sem ríkjandi
var í bekkjum viðkomandi nemenda. Af
þessari ástæðu er vart hægt að búast við
sterkri marktækri fylgni þátta í menning-
unni við árangur nemenda.
Það er áhugavert að tengslin sem hér
koma fram virðast sterkari í yngri bekkj-
unum, 4. og 7. bekk, en í 10. bekk. Hafa
skal í huga að á tímabilinu voru gerðar
breytingar á samræmdum prófum í 10.
bekk, þ.e. þau færð frá vori yfir á haust
og gerð að skyldu, sem gæti skekkt niður-
stöðuna. Einnig er kennsla á unglingastigi
í meira mæli í höndum greinakennara en
á yngri stigum og hugsanlegt að einstak-
lingsbundin hæfni kennaranna og sam-
skipti í kennslustofunni hafi meira vægi
en skólamenningin.
Þær vísbendingar sem koma fram í nið-
urstöðunum um tengsl milli menningar
skóla og árangurs á samræmdum prófum
eru mjög áhugaverðar og vert að skoða
þær frekar. Til þess þyrfti að þróa áfram
mælitæki til að meta skólamenningu. Hér
er unnið með spurningalista sem saminn
var til að meta þætti í skólamenningu auk
margra fleiri þátta. Fjölga þyrfti staðhæf-
ingum til að fá stöðugri mælingu, bæta
þau atriði sem hafa litla fylgni við þættina
sem fram komu og endurbæta atriði sem
hlaða á fleiri en einn þátt. Spurningalist-
ann þyrfti síðan að leggja fyrir stærri hóp
til að hægt væri að fá betra mat á stöðug-
leika þáttanna. Þannig fengjust áreiðan-
legri mælingar og möguleikar á að skoða
þessi tengsl ítarlegar í fleiri skólum.