Tímarit um menntarannsóknir - 01.01.2011, Page 68

68
Torfi Hjartarson og Anna Kristín Sigurðardóttir
kennarar í stofunum tveimur vilja vinna
saman með sína bekkjarhópa. Alla jafna
sitja nemendur tveir eða fleiri hlið við hlið
og snúa að kennara og töflu. Kennarar og
nemendur hafa margvíslegt gagn af krók-
um í rúmgóðu gangrými og smáum her-
bergjum utan við stofurnar.
Tveir skólar í úrtaki okkar, skólar 3 og 4,
eru fulltrúar fámennra skóla. Skóla 4 svip-
ar mjög til skóla 1 að því leyti að almennar
kennslustofur fyrir fjórtán til tuttugu nem-
endur eru í þremur klösum. Í hverjum
klasa eru þrjár stofur saman í röð með
aðliggjandi smáherbergjum og fellivegg á
milli tveggja stofa. Hægt er að mynda til-
tölulega opið flæði á milli stofanna þriggja
um opinn fellivegginn og tvíbreiðar dyr
að þriðju stofunni eða um aðliggjandi
herbergi með dyrum að tveimur stofum.
2. mynd lýsir knippi stofa líkt og í skóla
1 fremur en röð stofa sem einkennir skóla
4. Hugmyndin um klasa hefðbundinna
kennslustofa sem bjóða upp á flæði á milli
rýma og aldurshópa liggur samt til grund-
vallar í báðum skólum.
Í skóla 3 gerir skipulag almennra
kennslurýma beinlínis ráð fyrir aldurs-
blöndun og teymisvinnu kennara, þau ná
ýmist yfir eins eða tveggja ára aldursbil.
Hönnun kennslurýma gengur lengra í átt
til aldursblöndunar en raunin er í skólum
1 og 4. Rýmin eru þó ekki jafn ólík hefð-
bundnum stofum og ætla mætti þar sem
árgangar eru fámennir og rýmin ekki
miklu stærri en venjulegar stofur. Aftur á
móti sér vel á milli rýma um dyr, glugga
og glerþil, auðvelt er að komast á milli
rýma og beint aðgengi er að opnu upp-
lýsingaveri með bókasafni og mörgum
tölvum. Teymisvinna er meðal kennara og
töluvert flæði á milli rýma. Náttúrufræði-
stofa er mikið notuð fyrir minni hópa sem
þurfa næði.
Tveir skólar, skólar 2 og 5, hafa tekið
enn róttækari skref í átt að aldursblöndun
og byggja skipulagið á opnum kennslu-
2. mynd. Klasar kennslustofa ásamt gangsvæðum og smærri rýmum til sérstakra nota. Tilbúið
dæmi byggt á úrtaki íslenskra grunnskólabygginga.