Tímarit um menntarannsóknir - 01.01.2011, Qupperneq 70

70
Torfi Hjartarson og Anna Kristín Sigurðardóttir
Gagnsæi, sveigjanleiki og flæði
Í öllum skólunum fimm hefur greinilega
verið lagt kapp á að skapa yfirsýn og rök-
rétt skipulag sem hægur vandi er að átta
sig á fyrir þá sem nota bygginguna eða
sækja hana heim. Hönnuðir hafa hugað
vandlega að aldursskiptingu og auðveld-
að aldurshópum að fá tilfinningu fyrir
sínu ríki eða svæði innan skólans. Skrif-
stofur eða afgreiðsla, aftur á móti, blasa
yfirleitt ekki við gestum og hafa verið
hafðar til hlés svo að aðrir hlutir geti verið
í forgrunni.
Í skóla 1 eru aldursstig í þremur að-
greindum húseiningum sem hver er á
tveimur hæðum og ber sinn auðkennislit,
gulan, rauðan og bláan. 2. mynd endur-
speglar nokkuð vel grunnmynd þessara
húseininga. Breiður gangur tengir hús-
einingarnar og minnir mjög á götu eða
breiðan stíg. Handan við ganginn liggja
sérgreinastofur á einni hæð í beinni röð
sem fyrir miðju er rofin af samkomusal og
inngangi í miðlægri húseiningu.
Samkomusalir eru yfirleitt hálfopnir
eða miðlæg gangrými til fjölnota í daglegu
starfi. Í skóla 1 er samkomusalurinn til
hliðar í miðlægri húseiningu. Hann er lok-
aður af með felliveggjum og hægt að sam-
eina hann ganginum sem hér var nefndur
og aðliggjandi tónlistarstofu. Skólasafn og
tölvustofa eru lokuð af í stjórnunarálmu á
efri hæð þessa miðlæga húss og íþróttasal-
ur og sundlaug eru utan í húsinu, langt frá
öðrum lykilsvæðum í skólanum.
Í skóla 2 er stór salur eða gangrými und-
ir bogadregnu þaki á milli tveggja húsein-
inga, með eina hæð á aðra hönd og tvær á
hina, svölum á efri hæð, stórum kennslu-
rýmum til beggja handa auk minni stofa
til sérstakra nota. Rýmið þjónar hlutverki
matsalar í annan endann og samkomu-
salar í hinn. Hægt er að opna gaflvegg
matsalarmegin inn í aðliggjandi íþrótta-
sal. Galopið bókasafn með færanlegum
hillum, borðum, stólum og hægindum er í
miðjum salnum líkt og veitingahús á stóru
torgi úti undir beru lofti. 3. mynd endur-
speglar um flest eitt af nokkrum stórum
kennslurýmum í byggingunni en frá þeim
er gengið út í miðrýmið sem rúmar allt í
senn; gangvegi um bygginguna, skólasafn,
máltíðir og samkomur.
Í skóla 3 gengur hár gangur í gegnum
bygginguna líkt og þröng gata eða stígur.
Hann er ekki ýkja ólíkur gangi í hefð-
bundnum skóla eins og þeim sem sýndur
er á 1. mynd en þegar betur er að gáð sést
að þarna er um opnari byggingu að ræða.
Stjórnun, almenn kennslurými og upp-
lýsingaver eru á aðra hönd og sérgreina-
stofur, ásamt sal að baki fellivegg á hina.
Örfá þrep eru niður í salinn. Sviðsrými í
enda salarins er hægt að dýpka með fær-
anlegum vegg á kostnað tónmenntastofu
sem þar er fyrir aftan, full af baunapokum
í stað stóla og borða. Á eina hlið salarins
má svo opna hluta veggjar sem liggur
að íþróttasal yst í byggingunni. Hinum
megin við ganginn, beint á móti salnum,
á bak við glugga sem ná frá gólfi til lofts,
eru bókasafn og tölvuver í opnu rými sem
minnir á ferhyrnt torg. Um torgið lykja
opin gangsvæði, stjórnunarálma og al-
menn kennslurými fyrir blandaða aldurs-
hópa. Fyrir enda gangsins sem fyrst var
nefndur er gert ráð fyrir sérstakri álmu
fyrir kennslurými unglinga en ekki hefur
orðið af byggingu hennar.
Í skóla 4 er lítil bygging á tveimur