Tímarit um menntarannsóknir - 01.01.2011, Side 80

80
Kyngervi raunvísinda:
Námsval og aðstæður kvenna
í hefðbundnum karlagreinum
við Háskóla Íslands1
Þuríður Ósk Sigurjónsdóttir Mími, símenntun
og Sif Einarsdóttir Háskóla Íslands
1 Greinin er byggð á meistararitgerð Þuríðar Óskar Sigurjónsdóttur (2011) í náms- og starfsráðgjöf frá Háskóla Íslands sem
unnin var undir leiðsögn Sifjar Einarsdóttur og Þorgerðar Einarsdóttur. Rannsóknin var styrkt af Jafnréttisnefnd Háskóla
Íslands.
Markmið þessarar rannsóknar er að kanna hvaða hindrandi og hvetjandi þættir hafa haft
áhrif á námsval kvenna og karla sem valið hafa nám í raunvísindum og verkfræði þar sem
konur eru í minnihluta og hvernig menning ríkir í greinunum. Lagður var fyrir spurninga-
listi um hindranir og hvata í námsvali og um upplifun nemenda á menningu greinanna.
Þátt tóku 185 nemendur, 139 karlar og 46 konur. Niðurstöðurnar benda til þess að kven-
nemendur hafi trú á eigin færni í stærðfræði og séu sterkir námsmenn en hafi þurft meiri
hvatningu og stuðning til að velja nám í hefðbundnum karlagreinum en karlkyns sam-
nemar þeirra. Þær virðast samsama sig vel menningu og gildismati greinanna en þegar
kemur að viðhorfi til kynja koma fram merki um ákveðna togstreitu. Konurnar upplifa
í minna mæli en karlar að virðing, viðurkenning og jafnrétti ríki innan námsins. Niður-
stöður rannsóknarinnar er hægt að nýta við stefnumótun innan Háskóla Íslands þar sem
unnið er að því markmiði að fjölga nemendum af því kyni sem er í minnihluta í einstökum
deildum innan skólans.
Hagnýtt gildi: Með því að varpa ljósi á þær hindranir og hvata sem konur finna fyrir við ákvarð-
anatöku um námsval í raunvísindum og verkfræði er hægt að vinna gegn kynbundnu námsvali.
Könnun á menningu námsgreina gerir stefnumótendum kleift að stuðla að jákvæðu andrúms-
lofti innan námsgreinanna sem hentar báðum kynjum og vinna að markmiði jafnréttisáætlunar
og samþættingu kynjasjónarmiða við Háskóla Íslands.
Ritrýnd grein
Tímarit um menntarannsóknir /
Journal of Educational Research (Iceland) 8, 2011, 80.-102.