Peningamál - 01.11.2002, Blaðsíða 29

28 PENINGAMÁL 2002/4
kann að hafa áhrif á þessa vexti, t.d. útlánaáhætta,
sem kann að aukast þegar samdráttur er í þjóðar-
búskapnum. Verðtryggðir bankavextir hafa enn sem
komið er lækkað töluvert minna en vextir á verð-
tryggðum skuldabréfum með ríkisábyrgð.
Seðlabankinn birtir nú í þriðja sinn niðurstöður könn-
unar á mati sérfræðinga á fjármálamarkaði á horfum í
efnahagsmálum til næstu tveggja ára. Rétt er að taka
fram að mat sérfræðinganna er byggt á þeirri forsendu
að ekki komi til stóriðjuframkvæmda, sem er í sam-
ræmi við forsendur spár Seðlabankans.
Fyrst sýnir taflan mat sérfræðinganna á verðbólgu-
horfum fyrir þetta og næsta ár. Eins og sjá má eru
verðbólguspár þeirra yfir ár og milli ársmeðaltala mjög
svipaðar spá Seðlabankans. Fyrir árið í ár eru spárnar
nánast eins, en fyrir árið 2003 er meðaltalsspá mark-
aðsaðilanna örlitlu lægri en spá bankans.
Í könnuninni voru sérfræðingarnir einnig spurðir
um horfur varðandi aðrar lykilstærðir efnahagsfram-
vindunnar. Í svörum þeirra kemur fram að mat þeirra á
hagvaxtarhorfum þessa og næsta árs eru að meðaltali
ekki fjarri þjóðhagsspá Seðlabankans. Töluverður
munur reyndist þó á spám einstakra aðila.
Fimm af sex sérfræðingum telja að gengi krón-
unnar haldist því sem næst óbreytt næstu tólf mánuði
og þegar litið er tvö ár fram í tímann er helmingurinn
enn sama sinnis. Almennt eru menn öllu bjartsýnni á
gengi krónunnar til lengri tíma en í fyrri spám þessa
árs. Sérfræðingarnir álíta jafnframt að Seðlabankinn
muni halda áfram að lækka vexti og að stýrivextir
bankans verði komnir niður fyrir 6% eftir eitt ár. Eins
og í síðustu könnun telja þeir flestir að umskipti verði
á vaxtalækkunarferlinu innan tveggja ára og að vextir
taki að hækka lítillega á ný seinni hluta tímabilsins,
enda þótt ekki sé gert ráð fyrir stóriðjuframkvæmdum
í spánum.
Að lokum benda niðurstöður könnunarinnar til
þess að sérfræðingarnir hafi ólíkar skoðanir á þróun
hlutabréfaverðs til næstu tveggja ára. Flestir þeirra
telja að hlutabréfaverð muni hækka næstu tólf mánuði,
á bilinu 6-34%. Sumir sérfræðingar eru svartsýnni og
samkvæmt lægsta gildi er talið að hlutabréfaverð muni
falla um 7% næstu tólf mánuði. Þegar litið er lengra
fram á veginn eru þeir hins vegar allir sammála um að
hlutabréfaverð muni hækka, en mismikið. Skiptar
skoðanir eru einnig um fasteignaverð sem menn telja
ýmist að muni hækka eða lækka.
Rammagrein 3 Könnun á mati sérfræðinga á fjármálamarkaði á horfum í efnahagsmálum
Yfirlit yfir spár sérfræðinga á fjármálamarkaði1
Meðaltal Hæsta gildi Lægsta gildi Meðaltal Hæsta gildi Lægsta gildi
2002 2003
Verðbólga (yfir árið) ............................................. 1,8 2,1 1,6 2,2 2,6 1,5
Verðbólga (milli ársmeðaltala) ............................. 4,9 5,0 4,8 2,3 2,8 1,5
Hagvöxtur ............................................................. -0,1 0,3 -0,8 1,8 2,3 1,5
Eitt ár fram í tímann Tvö ár fram í tímann
Gengisvísitala erlends gjaldmiðils......................... 129,0 130,0 124,0 129,2 132,0 120,0
Stýrivextir Seðlabankans ...................................... 5,8 6,2 5,2 6,1 6,5 5,0
Langtímanafnvextir2 ............................................. 6,4 7,0 5,5 6,6 7,0 5,3
Langtímaraunvextir3 .............................................. 4,7 5,2 4,2 4,8 5,0 4,3
Úrvalsvísitala Aðallista ......................................... 5,8 16,8 -7,0 19,1 34,2 0,0
Breyting fasteignaverðs ........................................ 1,5 5,0 -1,5 1,4 4,0 -2,5
1. Taflan sýnir prósentubreytingar, nema fyrir vexti (prósentur) og gengisvísitölu erlendra gjaldmiðla (stig). Þátttakendur í könnuninni eru greiningar-
deildir Búnaðarbanka Íslands, Íslandsbanka, Kaupþings, Landsbanka Íslands, SPRON og Ráðgjöf og efnahagsspár. 2. Ávöxtunarkrafa í tilboðum við-
skiptavaka í ríkisbréf (RIKB 07 0209). 3. Ávöxtunarkrafa í tilboðum viðskiptavaka í húsbréf (IBH 41 0315). Heimild: Seðlabanki Íslands.