Glóðafeykir - 01.04.1984, Page 33

GLÓÐAFEYKIR
33
Úr Leirgerði
Framhald
Ekki var frítt um að Jóni Bakkaskáldi væri sprekað til með selinn er
hann drap haustið það, sem fyrr er frá sagt. Var teiknuð mynd ein
mikil af Jóni, þar sem hann sést vera að koma að dyrum sýslufundar
og dregur á eftir sér firnastóran sel, en sekrateri gengur á eftir selnum
með fundarbókina undir hendinni. Var myndin dregin að tilhlutun
sekratera og setti hann eftirfarandi vísur neðanundir:
Kominn er Jón með káta lund.
Karl í besta lagi.
Siglir inn á sýslufund,
með sel í eftirdragi.
Flestir munu hafa haft
heldur minna nesti.
Enda rífur hann upp á kraft
í sig spik og þvesti.
Jón lét setja myndina í ramma undir gleri og orti svo til sekratera:
Vildi ég úr kvæðakútnum
komast nú og heilsa þér.
Yta til þín óðarkútnum
orðsnilld þó að förlist mér.
Þú átt hjá mér vistir veiga
vinarbros og hlýjuorð.
Þína skál við skulum teiga
skötnum hjá við alsett borð.
Ég er þreyttur orðinn vinur
erfíðan við seladrátt.
Byssuburð og brotsjóshrinur
bjarga undan, til þarf mátt.