Glóðafeykir - 01.04.1984, Qupperneq 56

56
GLOÐAFEYKIR
aðstoðarmaður við veitingasölu í samkomuhúsinu Bifröst um langt
skeið. Hér má sjá að Sigmundur kom víða við, enda afbragðs
verkainaður hvar sem hann lagði hönd að. Síðustu árin var hann
starfsmaður hjá Fiskiðju Sauðárkróks og vann þar síðast tveim dögum
áður en hann lést.
„Sigmundur Þorkelsson var meðalmaður á velli, vel vaxinn og
hvatlegur, greindur allvel, greiðamaður mesti, trygglyndur, vinfastur
og vinsæll, skapríkur nokkuð en jafnlyndur og stilltur vel.” (St. Magn.).
Sigmundur var einhleypur maður alla ævi.
Björg Guðný Jónsdóttir, verkakona frá Hofsósi, lést 24. ágúst 1975.
Hún var fædd í Hvammkoti á Höfðaströnd 20. maí 1898, dóttir
Jóns í Hvammkoti o.v. Árnasonar, bónda í Garðshorni í sömu sveit,
Sveinssonar bónda á Bryta á Þelamörk, Sveinssonar, og sam-
býliskonu hans Lilju Halldórsdóttur húsmóður að Þverá í
Hrollleifsdal, Bjarnasonar, og Guðbjargar Jónsdóttur á Hrauni í
Sléttuhlíð. Lilja dó af barnsförum árið 1902.
I fyrstu bernsku var Björg með foreldrum sínum, en fór síðan að
Vatnsenda við Höfðavatn. Réðst snemma í vinnumennsku og var í vist
á ýmsum stöðum í Hofshreppi, svo sem á Þrastarstöðum, á Hofi og í
Bæ.
„Björg var barngóð og trú húsbændum sínum, þrifin í besta lagi og
því eftirsótt til starfa. Til Hofsóss flutti hún árið 1942, en síðustu árin
var hún í Reykjavík hjá dóttur sinni og svo á elliheimili, þar sem hún
andaðist.”
„Björg giftist ekki en eignaðist 4 börn sem öll komust á legg, eitt
þeirra, Jón Margeir, missti hún er hann var um tvítugt. Hann
drukknaði við Þórðarhöfða.”
„Björg Jónsdóttir var meðalkvenmaður á vöxt, þéttvaxin,
dökkhærð og ekki ólagleg, skýr í meðallagi.” (Björn í Bæ).
Þórður Sigurjónsson, fv. bóndi í Geldingaholti, lést hinn 27. ágúst
1975.
Hann var fæddur á Gili í Svartárdal vestur 10. ágúst 1909, sonur
Sigurjóns, bónda þar og síðar í Geldingaholti, Helgasonar, og konu
hans Sigrúnar Tobíasdóttur, (sjá þætti um þau hjón í Glóðaf. 5. h. bls.
31 og 14. h. bls. 56). Voru ættmenn hans margir hinir merkustu menn
langt aftur að telja.
Þórður ólst upp með foreldrum sínum, hinn 3. í aldursröð 6