Ritröð Guðfræðistofnunar - 01.01.1998, Síða 164

Jón Sveinbjörnsson
þú, trú þín hefur bjargað þér“ og jafnskjótt fær hann sjónina og fylgir honum á
ferðinni. Lýsingin á blinda manninum í Betsaídu og frásögnin af því hvemig
Jesús læknar hann er nokkuð frábrugðin lækningu Bartímeusar. Þar færa menn
blinda manninn til Jesú og Jesús læknar hann í tveim áföngum. í frásögninni af
Bartímeusi kemur ekki fram hvort hann skildi nauðsyn þess að Mannssonurinn
ætti að deyja en það er trú mannsins og yfirlýsing Jesú sem opna augu hans svo
að hann fylgir Jesú á veginum (til þess að taka þátt í dauða hans).
Lœrisveinarnir skilja ekki orð Jesú um þjáningu Mannssonarins. Þeir geta
ekki læknað dreng sem málleysis andi var í (9.18) og eru óttaslegnir og óöruggir
og þora ekki að spyrja hann (9.32). Sagt er frá metingi þeirra um hver þeirra sé
mestur (9.34) og viðbrögðum þeirra við bón manna sem komu með börn til Jesú
til þess að hann snerti þau (10.13-16) þó að Jesús hafi rétt áður rætt við þá um
þann sem tekur á móti litlu barni í nafni Jesú (9.37). Þeir vilja hindra mann sem
rak út illa anda í nafni Jesú af því að hann fylgdi þeim ekki en Jesús bannar þeim
það (9.38). Þeir undrast orð Jesú um auðmenn og benda jafnframt á að þeir hafi
yfirgefið allt og fylgt Jesú (10.28). Sagt er frá beiðni Jakobs og Jóhannesar um
heiðurssætin og frá viðbrögðum hinna lærisveinanna við beiðninni (10.37). í 8.
kaflanum er greint frá játningu Péturs og jafnframt frá skilningsleysi hans (8.32).
Jesús tekur þá Pétur, Jakob og Jóhannes með sér upp á hátt fjall þar sem hann
ummyndast og Móse og Elía birtast og rödd heyrist úr skýinu en þeir verða mjög
skelfdir og Pétur misskilur atburðinn og veit ekki hvað hann á að segja (9.2-13).
Auðugur maður spyr Jesú hvað hann eigi að gera til þess að öðlast eilíft líf.
Hann hefur fylgt boðorðunum frá æsku en verður dapur og fer burt þegar Jesús
segir honum að fara og selja allar eigur sínar og gefa fátækum og koma síðan og
fylgja sér. Jesús talar um auðæfi og hve torvelt sé fyrir þá sem auðinn hafa að
ganga inn í Guðs ríki (10.23).
Fræðimenn ogfarísear þrátta við lærisveina Jesú (9.14). Þeir telja sig byggja
á lögmáli Guðs og hefðbundinni túlkun þess og reyna að veiða Jesú í orðum en
hann sér við spurningum þeirra og varpar nýju ljósi á lögmálið (10.2).
Mannfjöldinn fylgir Jesú og hlýðir á kennslu hans ásamt lærisveinunum. Við-
brögð fólksins við kraftaverkum Jesú í 2.12 (Aldrei áður höfum vér þvílíkt séð)
eru borin saman við viðbrögð faríseanna og Heródesarsinnanna í 3.6 (tóku sam-
an ráð sín hvernig þeir gætu náð lífi hans). Jesús talar einnig um synduga kynslóð
(8.38) og vantrúa kynslóð (9.19).
Þeir sem lœknast. Blindu mennirnir fá sýn. Blindi maðurinn í Betsaídu var
færður til Jesú til þess að Jesús snerti hann. Hann sá fyrst óskýrt en þegar Jesús
lagði aftur hendur yfir augu hans varð hann heilskyggn á allt. Það er trú Bartíme-
usar og viljafesta og yfirlýsing Jesú sem opna augu hans. Hvorugur þessara
blindu manna virðast hafa fengið fræðslu um þjáningu Mannssonarins. Ekki er
162