Orð og tunga - 01.06.2010, Side 25

Ari Páll Kristinsson: Um íslenska örnefnastýringu
15
Áðurnefnt ákvæði bæjanafnalaganna um að nýnefni skuli fylgja
íslenskum nafngiftavenjum leggur örnefnanefnd augljóslega á herð-
ar þá skyldu að vega og meta hvort nafn, sem hefur verið tilkynnt til
nefndarinnar, samræmist slíkri hefð. Ég tók sjálfur við tilkynningum
frá fólki um ný bæjanöfn á tímabilinu frá ágúst 1998 til júlí 2006 og
get staðfest að það var mat örnefnanefndar að mikill meirihluti þeirra
nafna, sem landeigendur tilkynntu nefndinni um á tímabilinu, full-
nægði þeim kröfum sem nefndin taldi eðlilegt að gera með hliðsjón af
ákvæðinu um íslenska nafnahefð. En ýmsum þeirra nafna, sem annars
hefðu verið vel tæk að mati nefndarinnar, þurfti hún þó eigi að síður
að hafna vegna þess að lög og reglugerð banna samnefni innan sama
sýslumannsumdæmis, sbr. dæmið um nafnið Höfða sem nefnt var hér
á undan.12
Ömefnanefnd bárust 85 erindi um ný bæjanöfn
Nafn staðfest 68
Erindi vísað frá / frestað 6
Erindi synjað 11
Ástæða synjunar:
Samnefnareglan 8
Nafn talið andstætt nafngiftahefð 3
árið 2007
(80%)
(7%)
(13%)
(9,5%)
(3,5%)
7. tafla. Afdrif erinda til örnefnanefndar um ný bæjanöfn áriö 2007
Taka má árið 2007 sem dæmi. Heimild mín er ársskýrsla örnefna-
nefndar 2007. Það ár fjallaði nefndin um 85 erindi um ný bæjanöfn og
staðfesti 68 nöfn eða 80% þeirra nafna sem fólk hafði valið. Þar á meðal
voru Mýrarholt, Steinahlíð og Útkot III svo að einhver dæmi séu til tínd.
Sex (6) erindum, eða 7%, var vísað frá eða frestað og ástæðan var yf-
irleitt einhvers konar formgalli, s.s. skortur á fylgiskjölum o.þ.h. Árið
2007 var 11 erindum af 85 hafnað, eða 13%, og var það langoftast gert
vegna samnefnareglunnar (8 tilvik af 11). Eftir standa aðeins 3 dæmi
árið 2007, eða 3,5% af heildinni, þar sem tilkynningu um nýnefni var
hafnað á grunni þess að nafnið teldist andstætt nafngiftahefð.
Enda þótt hlutfall tilkynninga um nöfn, sem örnefnanefnd telur í
blóra við nafngiftahefð, sé svo lágt sem hér hefur komið fram þá berast
slíkar tilkynningar sem sé vissulega stundum frá fólki. Má sem dæmi
12Enn fremur má nefna að allmörgum tilkynningum um nöfn sem nefndin taldi
prýðileg, t.d. Ásholt og Skammilækur, var vísað frá formlegri afgreiðslu vegna þess
að ekki var um eiginleg býli að ræða og erindin áttu því ekki undir úrskurðarsvið
nefndarinnar.