Orð og tunga - 01.06.2010, Blaðsíða 88

78
Orð og tunga
5.4 Viðaminni veflausnir
Vinna við gerð veflægra uppflettirita eða efnisgrunna er auðvitað mik-
il og kostnaðarsöm og alla jafna er dýrt að útvega efnivið á borð við
ljósmyndir og texta. Einfaldari veflausnir sem snúast um afmörkuð
efni og væru til þess fallnar að vekja til umhugsunar um örnefni gætu
líka komið að gagni og krefjast ekki sama tilkostnaðar. Þá er vert að
minna á að tækifæri gætu falist í samvinnuskrifum á borð við þau sem
fara fram í svonefndum wiki-kerfum (sjá efnisorðið Wiki í Wikipediu:
http://en.wikipedia.org/wikiA/Viki) sem teljast til opinna hugbúnaðarlausna.
Það sem einn skrifar getur annar yfirfarið og leiðrétt og smám sam-
an vex fram mikið og gott efni. Þekktasta dæmið um þetta er að sjálf-
sögðu Wikipedia, (sjá http://is.wikipedia.org) sem er alfræðirit skrifað á
fjölda tungumála í opinni samvinnu þeirra sem að rituninni vilja
koma. Hugsanlega gæti Árnastofnun ritstýrt hliðstæðu kerfi á eigin
vegum og fengið til liðs við sig áhugafólk um örnefni vítt og breitt
um landið eða á afmörkuðum svæðum. Einnig gætu kennarar fært
sér wiki-skrif í nyt, látið nemendur fást við samvinnuskrif um staði
og staðarheiti.
6 Kringumstæður og möguleikar kennara
Að lokum er rétt að víkja aftur að kennaranum sem alltaf hlýtur að
gegna lykilhlutverki þegar skólastarf er annars vegar, líka þegar upp-
lýsingatækni er komin til skjalanna. Hafa ber í huga að nemendur og
kennarar eru misjafnlega settir hvað varðar aðgang að nýjum miðlum
(sjá Upplýsinga- og samskiptatækni í starfi grunnskóla - afsjónarhóli skóla-
stjórnenda og tölvuumsjónarmanna 2005) og ýmsar væntingar bundnar
við tæknivæðingu grunnskóla hafa ekki gengið eftir (sjá Hrefnu Arn-
ardóttur 2007). Athuganir í grunnskólum sýna að miklu varðar hvern-
ig staðið er að notkun upplýsingatækni til náms og kennslu. Þannig
hafa sumir skólar unnið markvisst að því að efla búnað, tryggja að-
gengi og svigrúm í tímatöflu, veita stuðning og marka stefnu um
hvernig tæknin er felld að námi og kennslu. Víða annars staðar er ekki
jafn markvisst að þessu staðið og þar eiga áhugasamir frumkvöðlar
gjarnan á brattann að sækja. Eins og áður sagði skiptir miklu að kenn-
arar treysti sér til að takast á við ögrandi verkefni og njóti stuðnings
samverkafólks og stjórnenda (sjá Fullan 2007 og Ingvar Sigurgeirsson