Orð og tunga - 01.06.2010, Qupperneq 40

30
Orð og tunga
Framlagt bréf bæjarráðs Garðabæjar ásamt greinargerð,
þar sem bæjarráð vísar greinargerð Þórhalls Vilmundar-
sonar um götunöfn í nýju hverfi í Arnarneslandi, dags. 20.
ágúst 1999, til byggingarnefndar til umsagnar. Umsögn:
Fyrirliggjandi eru tillögur byggingarnefndar frá 9. júní
1999, sem byggingarnefnd telur einfaldari og öruggar í
framkvæmd.
(http://www.gardabaer.is/Stjornsysla/fundargerdir/fundur?newsid=2532,
skoðað síðast 15. 3. 2009).
Ekki kom fram í fundargerðunum hverjar tillögur Þórhalls eða bygg-
ingarnefndar voru.
Af umfjöllun um götunöfn á Netinu er ljóst að mikill áhugi er með-
al almennings á götunöfnum og sterkar skoðanir á því hvaða nöfn séu
„ljót" og hvaða nöfn „falleg".
Áður en ég kem að nöfnum í Reykjavík sérstaklega ætla ég til gam-
ans að nefna hvernig hægt er að leika sér með nöfn. Á heimasíðu um
„Fiskidaginn mikla á Dalvík" (http://fiskidagur.muna.is/?mod=frettir&view=
one&id=66, skoðað síðast 15. 3. 2009) kom fram að götur í bænum fengu
nýtt nafn í eina viku 2006, en ekki kemur fram hvort þetta var gert
aftur síðar. Til skýringar stendur:
Áður nefnda viku hvílum við fyrri partana af gömlu götu-
nöfnunum og setjum fiskanöfn í staðinn. í samvinnu við
Skarphéðin Ásbjörnsson fiskasýningarstjóra Fiskidagsins
mikla voru um 40 fiskanöfn sett í pott og úr honum drógu
fulltrúar gatnanna í sundlaug Dalvíkur föstudaginn 4.
ágúst, Kristján Hjartarson fulltrúi tæknideildar Dalvíkur-
byggðar færði nýju nöfnin til bókar. Listinn var blanda af
lítt þekktum og sjaldgæfum fiskum og meira þekktum.
Hér er sýnishorn af breytingunni en alls fengu 37 götur ný nöfn:
• Miðtún —> Grálúðutún
• Hringtún —> Sæsteinssugutún
• Steintún —> Kolskeggstún
• Skógarhólar —> Fýlingshólar
• Lynghólar —> Barrahólar
• Reynihólar —> Gulllaxhólar