Morgunblaðið - 18.08.2016, Side 20

20 FRÉTTIRInnlent
MORGUNBLAÐIÐ FIMMTUDAGUR 18. ÁGÚST 2016
Helgi Bjarnason
helgi@mbl.is
Tollstjóri er í átaki til að hafa uppi á
erlendum skútum og skemmtibátum
sem hafa ílenst hér til að rukka eig-
endur um toll og virðisaukaskatt af
innflutningnum. Aðflutningsgjöld
fyrir verðmæta báta geta skipt tug-
um milljóna. Siglarar óttast áhrif
þessa á uppbyggingu skútuhafna í
landinu.
Stöðug aukning er í komum er-
lendra skúta og snekkja til landsins.
Vinsældir Norður-Atlantshafsins
eru að aukast. Þá hefur Grænland
sérstakt aðdráttarafl og margar
skútur koma hér við á leið sinni
þangað.
Á hverju ári koma upp tilvik þar
sem áætlanir breytast og skútur
verða eftir hér, til dæmis yfir vetur.
Þær eru þá gjarnan teknar upp á
land. Stundum eru þær hér svo ár-
um skiptir, til dæmis vegna viðgerða
eða eigendaskipta.
Gefa ár í aðlögun
Samkvæmt upplýsingum frá Toll-
stjóra ber að greiða aðflutningsgjöld
af skemmtibátum sem hingað eru
fluttir, hvort sem þeim er siglt hing-
að eða þeir koma með flutninga-
skipum.
Þeir bátar sem koma sem hefð-
bundinn vöruinnflutningur komast
ekki í hendur eigenda fyrr en þeir
hafa verið tollafgreiddir. Erfiðara er
að halda utan um þá erlendu báta
sem siglt er hingað og verða inn-
lyksa. Siglararnir geta orðið fyrir
töfum og leggja ekki í að sigla til
Grænlands eða aftur til Evrópu
vegna veðurs eða jafnvel vegna
trygginga. Þá eru dæmi um að er-
lendar fjölskyldur hafi búið hér í
skútum sínum í lengri tíma. Hörður
Davíð Harðarson yfirtollvörður seg-
ir að ekki sé verið að ýta fólki út í
ótrygg veður og því fái fólk sem eftir
því leiti tímabundin leyfi til að dvelja
hér lengur.
Ef bátarnir séu hér um langan
tíma þurfi að greiða af þeim aðflutn-
ingsgjöld, eins og öðrum innflutn-
ingi. Ekki skipti máli hvort eigend-
urnir eru íslenskir eða erlendir, að
sögn Harðar, eða undir hvaða flaggi
bátarnir sigla. Stundum eru flækjur
í málunum vegna eigendaskipta. Ís-
lendingar kaupa bátana á meðan
þeir dvelja hér.
Ekki er kveðið á um það í lögum
hversu lengi megi leyfa skútum að
vera hér án greiðslu tolla og annarra
gjalda. Hörður bendir á að í raun
eigi að greiða gjöldin strax við komu.
Hins vegar sé litið til reglna um öku-
tæki og miðað við að skútueigendur
fái frest í allt að eitt ár, áður en kom-
an telst innflutningur á báti.
Segir Hörður að tollurinn sé í
átaksverkefni til að hafa uppi á skút-
um sem hér hafi verið lengi og ætti
að vera búið að greiða af. Segir hann
að ábendingar berist um slíkt. Telur
hann að um tíu mál séu í vinnslu.
Spurður um endurgreiðslu ef
skúta sem greitt hefur verið af fer
aftur yfir hafið segir Hörður að
gjöldin séu ekki endurgreidd. Það
sama eigi við og um bíla sem teknir
hafi verið í notkun hér. Gjöldin séu
ekki endurgreidd.
Gjöldin sem greiða þarf af skút-
unum eru 24% virðisaukaskattur og
10% tollur, auk spilliefnagjalds raf-
geyma. Tollinn þarf ekki að greiða ef
eigandinn getur framvísað uppruna-
skírteini sem sýnir að skútan hafi
verið smíðuð innan Evrópska efna-
hagssvæðisins eða á öðrum svæðum
sem Íslendingar hafa fríverslunar-
samninga við. Þá er virðisauka-
skattur ekki greiddur af skútum sem
hingað eru fluttar til nota í atvinnu-
skyni, svo sem vegna hvalaskoðunar
eða annarra siglinga með ferðafólk.
Stífar og flóknar reglur
Siglari sem blaðamaður ræddi við
taldi að átak tollsins og einstaka
starfsmanna hans fældi erlenda
skútueigendur frá landinu. Ekki
þýddi að reyna að byggja Ísland upp
sem skútuhöfn, uppsátur fyrir skút-
ur og viðkomustað fyrir Grænlands-
ferðir ef menn væru rukkaðir um
milljónir fyrir að geyma skúturnar
of lengi í landinu.
Úlfur H. Hróbjartsson, fyrrver-
andi formaður Siglingasambands Ís-
lands, segir reglurnar óþarflega stíf-
ar og flóknar. Erlendir skemmti-
bátar séu að koma og fara. Það
tefjist kannski eitthvað að þeir yfir-
gefi landið en það geti aldrei talist
innflutningur. Telur hann að reglan
ætti að vera sú að tolla svona báta
þegar þeir eru lögskráðir í landinu.
Einhver dæmi munu vera um að
Íslendingar kjósi að hafa skemmti-
báta sína undir erlendum fána. Það
er þá aðallega til að þeir geti keypt
sér hagkvæmari tryggingar. Úlfur
viðurkennir að sumar reglur hér séu
óþarflega skrítnar og strangar en
menn hagnist lítið á því að forðast
þær með því að sigla undir öðrum
fána.
Tollurinn rukkar skútusiglara
 Eigendum erlendra skemmtibáta sem dvelja hér í meira en ár gert að greiða virðisaukaskatt og
toll af bátunum  Siglarar óttast að reglurnar fæli erlenda skútueigendur frá landinu
Morgunblaðið/Árni Sæberg
Seglskútur Erlendar skútur í Reykjavíkurhöfn. Áhugi á Íslandi og Grænlandi eykst ár frá ári.
„Það er ekki mikið upp úr þessu
að hafa fyrir hafnirnar en skút-
urnar og snekkjurnar gefa tilver-
unni lit,“ segir Gísli Gíslason,
hafnarstjóri Faxaflóahafna, um
tekjur af hafnargjöldum erlendra
skútu- og snekkjueigenda.
„Það er ákveðinn kúltúr í
kringum skútusiglingarnar sem
er jákvæður og hvetjandi fyrir
aðila sem tengjast höfnunum að
efla siglingar smærri báta í
kringum hafnarsvæðin,“ segir
Gísli.
Viðkomum erlendra skemmti-
báta hefur fjölgað mjög hjá Faxa-
flóahöfnum síðustu árin. Gísli
segir að þónokkur aukning hafi
verið fyrstu mánuði þessa árs.
„Þetta eru tilfallandi komur og
almennt ekki skipulagðar langt
fram í tímann. Það geta verið
áraskipti á þessu,“ segir hafn-
arstjóri.
Gefa til-
verunni lit
HAFNARSTJÓRI
Eikjuvogur 29 - 104 Rvk. S:781-5100
Opið: Mán-fim: 12-18 - fös: 12-16 - www.facebook.com/spennandi
Tosca Blu skór - Haust 2016
Endurtalning atkvæða í prófkjöri
Pírata í Norðvesturkjördæmi hófst í
gærkvöldi, að sögn Sigríðar Bylgju
Sigurjónsdóttur, framkvæmdastjóra
Pírata.
„Að henni [endurtalningunni] lok-
inni verður haft samband við fram-
bjóðendur í prófkjörinu og þeir
spurðir hvort þeir þiggi það sæti
sem endurtalningin veitir þeim,“
segir Sigríður í samtali við Morg-
unblaðið.
Vegna þessa er ekki von á endan-
legum niðurstöðum fyrr en í dag.
Ástæða endurtalningarinnar er
að Halldóra Sigrún Ásgeirsdóttir,
kafteinn Pírata á Vestfjörðum, dró
framboð sitt til baka í gær og tekur
því ekki sæti á listanum. Það gerði
hún vegna óánægju sinnar með
niðurstöðu prófkjörsins, þar sem
Þórður Guðsteinn Pétursson hlaut
efsta sæti, að hennar sögn vegna
„smölunar“ atkvæða.
„Það er bannað samkvæmt
reglum flokksins. Ég get með engu
móti stutt listann vegna þess,“ sagði
Halldóra í samtali við mbl.is í gær.
Morgunblaðið/Sigurður Bogi
Bolungarvík Norðvesturkjördæmi er fámennasta kjördæmi landsins.
Píratar telja aftur í
Norðvesturkjördæmi
 Kafteinn dregur framboð til baka