Morgunblaðið - 18.08.2016, Blaðsíða 46

46 FRÉTTIRErlent
MORGUNBLAÐIÐ FIMMTUDAGUR 18. ÁGÚST 2016
Ungur hælisleitandi situr á hækjum sér í bráða-
birgðabúðum fyrir flóttafólk norður af höfuð-
borginni París í Frakklandi. Allt í kringum hann
standa lögreglumenn, sem klæddir eru í óeirða-
búninga og með hlífðarskildi, en stjórnvöld þar í
landi hafa ákveðið að loka áðurnefndum flótta-
mannabúðum. Skömmu eftir að ljósmyndari
AFP tók þessa mynd var ungi maðurinn sendur
um borð í rútubíl sem ók honum af svæðinu.
Beðið eftir rútubíl í bráðabirgðabúðum
AFP
Frá búðum flóttafólks skammt norður af París í Frakklandi
Jerry Brown, ríkisstjóri Kaliforníu í
Bandaríkjunum, hefur lýst yfir
neyðarástandi vegna mikilla skógar-
og kjarrelda sem nú loga í sýslunni
San Bernardino. Hafa minnst 82.000
manns þurft að yfirgefa heimili sín
vegna eldanna sem nú breiðast hratt
yfir vegna óhagstæðra veðurskil-
yrða á svæðinu, að sögn fréttaveitu
AFP.
„Það er mjög, mjög þurr gróður á
svæðinu sem er kjörinn eldsmatur
og ýtir það undir hraðvaxandi eld-
haf,“ segir Lynne Tolmachoff, tals-
maður slökkviliðsins, en hátt í 1.300
slökkviliðsmenn berjast nú við eld-
inn. Notast slökkviliðið m.a. við
mannafla á jörðu niðri og nokkrar
sérútbúnar þyrlur og flugvélar við
slökkvistörf.
Sýslan San Bernardino er um 100
km austur af borginni Los Angeles.
Um 7.000 hektarar lands hafa þegar
orðið eldinum að bráð auk þess sem
hann er nú talinn ógna um 34.500
heimilum. Fréttavefur Los Angeles
Times greinir frá því að Summit Inn,
sögufrægur matstaður, hafi brunnið
til grunna. Staðurinn stóð við hinn
fræga þjóðveg 66 og hafa stjörnur á
borð við Elvis Presley og Clint
Eastwood m.a. sótt hann heim.
Engar fregnir hafa enn borist af
mannfalli í tengslum við eldinn, en
að sögn AFP hafa tveir slökkviliðs-
menn verið fluttir á sjúkrahús með
minniháttar brunaáverka. Eru þeir
sagðir hafa snúið aftur til slökkvi-
starfa eftir skamma dvöl á sjúkra-
húsi. Alls berjast slökkviliðsmenn
við skógarelda á sex stöðum í Kali-
forníu um þessar mundir.
AFP
Barátta Eldurinn breiðist hratt út.
Hús rýmd
vegna
skógarelda
 Neyðarástand í
sýslu í Kaliforníu
Kristján H. Johannessen
khj@mbl.is
Íbúar Louisiana í Bandaríkjunum gátu í gær hafið
hreinsunarstarf eftir mikil flóð sem komu í kjölfar
langvarandi úrhellis. Talið er að 11 hafi látist
vegna flóðanna og um 40.000 heimili skemmst.
„Þegar maður fær yfir sig óveður sem ber ekk-
ert heiti, er ekki hitabeltisstormur og heldur ekki
fellibylur, er hætta á því að margir vanmeti afleið-
ingar þess og styrk,“ segir John Bel Edwards,
ríkisstjóri Louisiana, í samtali við AFP.
Í smábænum Walker, þar sem um 6.000 manns
búa, mátti sjá íbúa bera húsgögn og aðra muni út
úr húsum sínum. Sumir voru að reyna að bjarga
verðmætum en aðrir voru að fleygja því sem eyði-
lagst hafði vegna vatnsskemmda. Á sama tíma
gengu lögreglumenn á milli húsa til þess að kanna
ástand fólks. Var m.a. leitað í húsum og ökutækj-
um til að tryggja að enginn væri slasaður.
„Þetta hefur haft áhrif á líf yfir 75% íbúa okk-
ar,“ segir Jason Ard, lögreglustjóri í sýslunni Li-
vingston Parish, austur af ánni Mississippi, en um
130.000 manns búa í sýslunni. „Það mun eflaust
taka okkur marga mánuði að ná almennilega átt-
um aftur eftir þetta áfall.“ Um 20 sýslur í Loui-
siana hafa verið skilgreindar sem „hamfarasvæði“
svo að íbúar og stjórnvöld eigi möguleika á fjár-
hagsaðstoð frá alríkisstjórninni í Washington D.C.
Verða þeir peningar m.a. nýttir til björgunar-
starfa og uppbyggingar.
Íbúar hefja uppbyggingu
 Búið er að skilgreina 20 sýslur í Louisiana sem „hamfarasvæði“ eftir lang-
varandi úrhelli og flóð  Um 40.000 heimili eru skemmd og 11 taldir látnir
AFP
Tiltekt Ungur maður aðstoðar fjölskyldu sína við að bera muni út af heimilinu í bænum Walker.
Sigmar Gabriel,
varakanslari
Þýskalands,
gerði sér lítið
fyrir og sýndi
mótmælendum
úr röðum hægri-
öfgahóps fingur-
inn er hann
gekk fram hjá
þeim.
Gabriel var staddur í Neðra-
Saxlandi þegar hópur grímu-
klæddra manna, sem m.a. báru
borða með áletruninni „svikari“,
veittist að honum með fúkyrðum.
„Faðir þinn elskaði þetta land og
hvað hefur þú gert því? – Þú ert að
eyðileggja það,“ hrópaði einn úr
hópnum og vísaði til föður Gabr-
iels, sem var yfirlýstur nasisti.
Varakanslarinn leit þá á hópinn,
brosti og rétti upp fingurinn.
ÞÝSKALAND
Varakanslari sýndi
hópnum fingurinn
Opið 09-23 | Laugavegi 12 | 101 Rvk. | Sími 551 5979 | lebistro.is
Moules Frites
Bière
Bláskel með frönskum
og bjór
3490,-
alla fimmtudaga
Thealoz inniheldur trehalósa sem er náttúrulegt efni
sem finnst í mörgum jurtum og dýrum sem lifa í mjög
þurru umhverfi.
Trehalósi eykur viðnám þekjufrumna
hornhimnunnar gegn þurrki.
Droparnir eru án rotvarnarefna
og má nota með linsum.
Ég fór í laseraðgerð hjá Sjónlagi í lok maí 2015. Keypti mér
Thealoz dropana eftir aðgerðina og var mjög ánægð, ákvað
samt að prufa að kaupa mér ódýrari dropa og fann rosalega
mikinn mun á gæðum. Þessir ódýrari voru bara ekki að
gera neitt fyrir mig og þurfti ég að nota mikið meira magn.
Mælti með dropunum við tengdamömmu og er hún alsæl
með Thealoz dropana.
Elín Björk Ragnarsdóttir
Þurrkur í augum?
Thealozaugndropar
Fæst í öllum helstu apótekum.