Morgunblaðið - 18.08.2016, Qupperneq 54

2016
HAUSTferðir
Jón Agnar Ólason
jonagnar@mbl.is
„Haustið er okkar aðalferðatími,“
segir Áslaug þegar hún er spurð
út í næstu vikur og mánuði hjá
Bændaferðum. „Okkar stærsti við-
skiptavinahópur eru einstaklingar
á aldrinum 55 ára og eldri og það
er mjög vinsælt hjá þessum ald-
urshópi að lengja sumarið með ut-
anlandsferð á þessum árstíma. Það
er hugsunin.“
Áslaug útskýrir ennfremur að
téður aldurshópur leggi jafnan
áherslu á að njóta íslenska sum-
arsins og þegar hausta fer kýs fólk
að leita út fyrir landsteinana eftir
framlengingu á sumrinu. „Þetta er
fólk sem gjarnan á sumarbústað
sem það dvelur í á sumrin eða nýt-
ur þess að ferðast um landið yfir
sumarið. September og október
eru því tíminn sem þau kjósa helst
að fara í frí til útlanda, þegar degi
tekur að halla hér heima.“
Háannatími gengur í garð
Fyrir bragðið er fjöldi ferða
mestur á haustin hjá Bændaferð-
um og úrvalið af áfangastöðum
fjölbreyttast. „Við erum lítið með
ferðir í gangi í júlí og ágúst því þá
er okkar hópur minna á ferðinni
en þeim mun meira á haustmán-
uðunum,“ segir Áslaug. „Nú er
semsagt háannatíminn okkar og
fjöldinn allur af spennandi ferðum
á döfinni.“
Hinar klassísku Bændaferðir,
eins og Áslaug nefnir þær, eru
vikulangar til tveggja vikna ferðir
til ýmissa staða í Evrópu, allt frá
Bretagne-skaga í Norðvestur-
Frakklandi og suður til Púglíu-
héraðs á Ítalíu.
„Vinsælustu áfangastaðirnir eru
Þýskaland og Suður-Evrópa, mikið
er farið til Ítalíu og einnig erum
við með nýja ferð til dvergríkisins
Andorra sem er í Pýreneafjöll-
unum á Norður-Spáni. Sú ferð
reyndist mjög vinsæl. Við erum
með nokkrar Ítalíuferðir og þar
teljast klassískar ferðin til Rómar
og svo Amalfí-ströndin, sem er
einn af hápunktunum okkar. Nýj-
asta ferðin er svo til Púglíu, rétt
sunnan við borgina Bari. Það má
segja að þetta sé hællinn á stígvél-
inu sem Ítalíu-skaginn er,“ út-
skýrir Áslaug og kímir við. „Þar
eru hin víðfrægu hvítu trulli-hús,
með sínum kringlóttu keilulaga
þökum sem gaman er að skoða og
verður farið í mjög skemmtilega
ferð þangað í september.“
Sívinsælar siglingar um fljótin
Áslaug bætir því við að sigl-
ingaferðir um hin ýmsu fljót hafi
alltaf notið mikilla vinsælda og
ekki að ástæðulausu.
„Við leggjum áherslu á að bjóða
á hverju ári upp á fljótasiglingar
um ýmsar ár í Evrópu og það er
einstaklega skemmtilegur ferða-
máti. Þá ertu með samastað um
borð í tveggja hæða fljótaskipi
með sólþaki, allt til alls í káet-
unum og borðaður sælkeramatur
um borð með skipstjóranum. Svo
siglir maður bara eftir ánum og
fer í land á ýmsum skemmtilegum
stöðum. Svo dæmi sé tekið um
siglinguna niður ána Rín, þá er
komið við í Strasbourg, í víngerð-
arþorpinu Rüdesheim, við Lorelei-
klettinn, og Köln skoðuð með sína
óviðjafnanlegu, gotnesku dóm-
kirkju áður en ferðinni lýkur í
Amsterdam. Þetta er því heilmikið
upplifunarferðalag en alltaf búið
um borð og aldrei skipt um gisti-
stað, sem er óneitanlega þægi-
legt.“
Önnur vinsæl Evrópuferð er til
Feneyja og Garda-vatns og að
sögn Áslaugar þurfa þær alltaf að
vera tvær því það selst alltaf upp á
svipstundu.
Sagan býr í Bretagne
Það sem Íslendingar kalla
Brittanníu er skaginn sem stend-
ur út í haf í Norðvestur-Frakk-
landi. Óhætt er að segja að sagan
búi þar í hverjum hól, ekki síst
með tilliti til okkar Íslendinga en
þar er að finna fiskibæinn Paim-
pol sem var heimahöfn flestra
fiskiskipanna sem sóttu á ísköld
Íslandsmið utan við Austfirði um
aldamótin 1900. Bærinn er enda
vinabær Fáskrúðsfjarðar sem
fagnar sem kunnugt er Frönskum
dögum á ári hverju. En fleira er
þar markvert fyrir sófasagnfræð-
ingana, ekki síst vígvellir úr
seinna stríði en sá hildarleikur
réðst ekki hvað síst af velheppn-
aðri landgöngu Bandamanna og
bardögum í Norðvestur-Frakk-
landi í kjölfarið. Minjar um inn-
rásina sjást þar víða, eins og Ás-
laug bendir á. „Þarna verður
farið í margvíslegar, skemmti-
legar ferðir svo sem að klettaeyj-
unni goðsagnakenndu Mont St.
Michel, en hún er rómuð fyrir
ógleymanlega fegurð klaust-
urbyggingarinnar sem þar stend-
ur innan virkismúranna.“
Meðal annarra borgarferða
nefnir Áslaug St. Pétursborg í
Rússlandi, Tallinn, Vínarborg og
Prag. „Við leggjum upp úr fjöl-
breytileikanum í Bændaferðunum
okkar. Allstaðar er lagt upp með
hópferð þar sem fararstjórinn
heldur um alla þræði og það er
enginn einn í Bændaferð.“
Áslaug minnir að endingu á
sérferðir Bændaferða sem eru
jafnan á fjarlægar og framandi
slóðir í smærri hópum. „Þetta eru
sannkallaðar ævintýraferðir sem
ég bendi áhugasömum á að kynna
sér á heimasíðu okkar, Bænda-
ferðir.is“
„Það er enginn einn í Bændaferð“
 Bændaferðir leggja sem fyrr upp úr hóp-
ferðum með íslenskum fararstjóra, á vel
valda og áhugaverða áfangastaði þar sem
mikið er innifalið í verðinu, hálft fæði þar
með talið, eins og Áslaug María Magnús-
dóttir deildarstjóri segir frá.
Ævintýrastaður Klettaeyja Mont St. Michel er meðal þeirra staða sem skoðaðir eru í ferð Bændaferða til Bretagne-
skaga og að sögn kunnugra lætur staðurinn sá engan ósnortinn sem þangað hefur komið.
Morgunblaðið/Eggert
Áslaug María Magnúsdóttir, deild-
arstjóri hjá Bændaferðum.