Skírnir - 01.04.2017, Qupperneq 70

um veruleika Guðs og hlutverk Jesú Krists. Innan hennar sé þess í
stað stuðst við sambandshugtök arameískrar menningararfleifðar.
Þannig sé áhersla lögð á trúarreynslu og samband mannsins við Guð
eða á það sem nú nefnist tilvistarleg framsetning trúarinnar. Þung-
inn í guðfræðinni hvíli á persónum sem eigi í nánu sambandi við
guðdóminn, svo sem helgum mönnum, spámönnum og „þjónum
Guðs“ (Goetze 2013: 86–87, 91–94, 373–374). Þegar kristfræði Kór-
ansins er skoðuð komi í ljós að Jesús hefur þar stöðu sem „spá -
maður“ og „þjónn Guðs“ en ekki sem „sonur Guðs“ í formi hold -
tekju guðdómsins. Áherslu þrenningarkenningarinnar á að Jesús sé
af sömu veru og faðirinn, „sannur Guð og af Guði sönnum“, eins
og það er orðað í Níkeujátningunni, er hafnað. Í Kóraninum er því
að finna svipaða kristfræði og einkenndi sýrlenska kristni.
Goetze þykir því einboðið að huga nánar að þessum sameigin-
lega grundvelli kristni og íslams innan guðfræðihefðar sýrlenskrar
kirkju. Hann telur að sá bakgrunnur gæti gagnast mönnum við að
losna úr því kenningarlega öngstræti sem samtal kristinna og mús-
lima festist auðveldlega í ef það fer aðeins fram innan þess ramma
sem trúarsamfélögin hafa sjálf sett eigin trú. Þegar bakgrunnur íslams
sé rannsakaður komi í ljós að að baki búi svipaður guðsskilningur,
áherslur á eftirfylgd, lokadóm o.fl. Snertifletirnir séu því margir sem
geri fræðilegt samtal trúarhefðanna beggja bæði mögulegt og auð -
veldara. Sögurýnin geti þannig losað um þau höft sem menn hafa í
gegnum tíðina réttlætt með tilvísun til upphafs átrúnaðarins en eiga
sér, þegar betur er skoðað, litla sögulega fótfestu (Goetze 2013:
377).
Í guðfræði sýrlensku fornkirkjunnar er ekki fjallað um Guð eins
og hann er í sjálfum sér heldur um hvernig hann starfar og hvaða
gildi hann og verk hans hafa fyrir manninn. Sannleikur trúarinnar
er því fremur eitthvað sem á sér stað í samskiptum Guðs og manns
og snýr að tilvist mannsins en er ekki bundið við eilífar frumspeki-
legar hugmyndir. Trúin snýst þar með ekki um hvað sannleikurinn
sé heldur hvernig hann virki. Áherslan hvílir á traustinu á Guði, þ.e.
Guði sem er með hinum trúuðu (Goetze 2013: 65). Einmitt þessi
þáttur kemur vel fram í þeim titlum sem Jesú Kristi eru eignaðir.
Lítið er þar um verufræðilega útfærslu á sambandi Guðs föður og
70 sigurjón árni eyjólfsson skírnir
Skírnir vor 2017.qxp_Layout 1 31.3.2017 13:23 Page 70