Skírnir - 01.04.2017, Page 91

91„frá sóleyjum“
þessum árum. Tveir þeirra voru líklega danskir eða hálfdanskir
kaupmannssynir, en þrír þeirra sigldu á Asíuleiðum félagsins, þar af
einn, Jóhann Ólafsson (f. 1881), á skipinu Prins Valdemar nokkrum
árum á eftir Steingrími. Ekki hefur tekist að hafa uppi á frásögnum
af ferðum þeirra og því er Steingrímur, sonur þjóðskáldsins, enn
um sinn einn til frásagnar um þessa tíma ævintýri í Austurheimi.17
Íslenskir trúboðar á fjarlægum slóðum
Kirkjunnar menn í Japan
Samfara aukinni þekkingu á Asíu í lok 19. aldar jókst áhugi á Norður -
löndum á sálarástandi „heiðingjanna“ í Austur-Asíu. Á sama tíma
greina heimildir frá því að Íslendingar biðji fyrir norrænum kristni -
boðum á fjarlægum slóðum. Skýrt er frá peningasöfnun víðs vegar
um landið og stofnun kristniboðsfélaga, en eftir aldamótin 1900
héldu íslenskir kristniboðar til Kína og fleiri Asíulanda (Þórarinn
Björnsson 1989). Þeirra þekktastur er án efa Ólafur Ólafsson, oft
nefndur Kínafari. Það er einnig til marks um áhuga Íslendinga á
trúarlífi Asíubúa að árið 1926 kom út bókin Páll Kanamori: Postuli
Japana sem var þýðing á bók eftir þekktan japanskan predikara18 og
fjallaði m.a. um stöðu kristindóms í Japan um og eftir aldamótin
1900. Heiðingjatrúboðið átti mjög dyggan stuðn ings hóp meðal Ís-
lendinga á fyrri hluta 20. aldar en ekki voru þó allir Íslendingar jafn
hlynntir því. Halldór Laxness var t.d. einn þeirra sem talaði mjög
gegn þeirri „lukkulegu vitleysu“ sem viðgekkst í tengslum við Kína-
trúboðið (Halldór Kiljan Laxness 1929: 5).
En hvers vegna var Japan áhugavert í augum vestrænna trúboða?
Mestu skipti í því sambandi að samfara opnun Japans hafði Iwak-
ura sendinefndin komið því til leiðar árið 1873 að banni yrði létt af
„vestrænum trúarbrögðum“. Í kjölfarið var kristnum föngum gefið
skírnir
17 Rigsarkivet Danmark, Erhvervsarkivet. Arkivskaber: A/S Det Østasiatiske
Kompagni. Arkivserie: Register for besætningsmedlemmer af alle kategorier i
ØK. Løbenummer: 274.
18 Kanamori 1926, Sigurbjörn Á. Gíslason gaf bókina út og ritaði formála, en hann
var einnig ábyrgðarmaður kristilega tímaritsins Bjarma á þessum árum. Bjarni
Jónsson þýddi bókina.
Skírnir vor 2017.qxp_Layout 1 31.3.2017 13:23 Page 91