Skírnir - 01.04.2017, Side 94

birtist í tímaritinu Eimreiðinni árið 1929. Ólafur byggir á margra
ára persónulegri reynslu frá Asíu og ýmsum fróðleik um land og
lýð, en einnig ber hann saman Japan og Kína, og fjallar um Japan í
samanburði við hinn vestræna heim. Þá heimfærir hann mörg fyrir-
bæri, sem hann gerir að umtalsefni, upp á íslenskan veruleika og
hugtakaheim til að nálgast íslenska lesendur. Japan, land hinnar rís-
andi sólar, verður þannig að Sóleyjum, hið helga fjall „Fusijama“21
verður að Helgafelli. Eftir Ólaf liggur fjöldi texta (einkum um -
burðarbréfa til trúboðsvina á Íslandi) sem marga er að finna í bók-
inni 14 ár í Kína (Ólafur Ólafsson 1938). Í skrifum sínum var
Ólafur oft innblásinn af trúarhita og ákafa í trúboði sínu, en í grein-
inni „Frá Sóleyjum“ kveður við nýjan tón sem er til vitnis um að
höfundur hafi heillast af þeirri fegurð sem hvarvetna blasti við í
Japan. Í upphafi ferðasögu sinnar skrifar Ólafur lýsingu á Fusijama
sem kallast á við einn þekktasta texta danska nóbelsskáldsins
Johannesar V. Jensen þar sem hann gerir að yrkisefni þá reynslu að
sjá fjallið rísa úr sæ í allri sinni dýrð.22 Ólafur skrifar:
Horfirðu beint í vestur, sérðu snævi þaktan tind gnæfa hátt við himin, eins
og borgarísjaka á öldum blámóðuhafsins. […] Við sækjum vel að, því hvíta
kórónan fer vel fjallakonunginum Fusijama, mestu prýði eins fegursta
landsins í heimi. (Ólafur Ólafsson 1929: 63)
Ólíkt mörgum útlendingum sem einungis komu til hafnarborganna,
fékk Ólafur tækifæri til að ferðast inn í landið, víðsvegar um borgir
og sveitir. Hann heimsótti m.a. Tókýó og fleiri borgir; gisti í Val-
höll, sumarhúsi Octavíusar og fjölskyldu við stöðuvatnið Nojiri í
nágrenni Tókýó; og síðast en ekki síst klifu Ólafur og Herborg kona
hans helga fjallið Fuji um miðja nótt að hætti Japana til að sjá sólina
rísa af tindi fjallsins. Niðurlag greinarinnar fjallar um fjallið „Fusij -
ama“ og þar má lesa að Ólafur telur fullvíst að hann sé fyrstur Ís-
lendinga til að klífa fjallið. Hrifningin yfir fegurðinni leynir sér ekki:
94 kristín ingvarsdóttir skírnir
21 Margar útgáfur eru til af nafni fjallsins Fuji bæði á ensku og íslensku. Ólafur
skrifar „Fusijama“ sem er ein af íslensku myndunum. Greinarhöfundur ritar
„Fuji“.
22 Sjá íslenska þýðingu Hauks Ingvarssonar á texta Johannesar V. Jensen í tímarit-
inu 1005. Texta sinn skrifaði Jensen á siglingu til Japans árið 1907.
Skírnir vor 2017.qxp_Layout 1 31.3.2017 13:23 Page 94