Skírnir - 01.04.2017, Síða 96

Nonni í Japan
Rithöfundurinn Jón Sveinsson, betur þekktur sem Nonni, heim-
sótti Japan vorið 1937. Nonni var jesúíti og dvaldist í landinu í eitt
ár í boði reglubræðra sinna við Sophia-háskólann23 í Tókýó. Jesú-
ítarnir voru áhrifamiklir á sviði bókaútgáfu og talsvert var fjallað
um Nonna í japönskum dagblöðum og tímaritum, þar sem hann
var kynntur sem „H.C. Andersen samtímans“.24 Bókin Nonni í
Japan var gefin út á íslensku árið 1956 að honum látnum. Fréttir
bárust þó til Íslands um Japansdvölina meðan á henni stóð því
Nonni var í stöðugu bréfasambandi við Friðrik bróður sinn sem
bjó í Kanada, og þaðan bárust fréttirnar til Íslands gegnum blöð
Vestur-Íslendinga (Gunnar F. Guðmundsson 2012: 385).
Nonni sigldi með japanska skipinu Chichibu Maru frá San
Francisco og kom til borgarinnar Yokohama að kvöldi 18. mars
1937 (Gunnar F. Guðmundsson 2012: 387). Þar tóku reglubræður
hans frá Sophia-háskólanum á móti honum og á næstu dögum fékk
hann heimboð frá fjölda blaðamanna og fulltrúa ýmissa mennta-
stofnana. Forseti Sophia-háskólans, Hermann Heuvers, var Nonna
afar hjálplegur og túlkaði almennt fyrir hann á mannamótum. Það
varð til að vekja enn frekar athygli á Nonna að forsvarsmenn hins
víðlesna dagblaðs Tokyo Asahi Shimbun fóru þess á leit að hann
skrifaði greinaröð í blaðið um kynni sín af Japan og japönsku
þjóðinni.25 Nonni skrifaði pistla sína á þýsku, en reglubræður hans
við háskólann þýddu yfir á japönsku og ritskoðuðu um leið
96 kristín ingvarsdóttir skírnir
23 Í Japan einnig þekktur sem Jōchi Daigaku.
24 Sjá t.d. grein um Nonna í japanska dagblaðinu Asahi Shimbun sem er eitt elsta,
stærsta og virtasta dagblað Japans („Bikkuri shita Nonni kyodai“ 1937: C7). Í Les-
bók Morgunblaðsins birtist einnig þýðing úr japönsku enskumælandi dagblaði,
The Japan Advertiser, þar sem finna má sömu samlíkingu. Jafnframt er Nonna
lýst sem „arftaka Mark Twain“ (Nonni í Japan 1937: 350). Alþýðublaðið og Vísir
birtu einnig helstu efnisatriði greinarinnar um Nonna.
25 Á þeim tíma sem Nonni var í Japan var blaðið gefið út í tveimur útgáfum og
dreift frá borgunum Tókýó og Osaka. Greinarhöfundur hefur undir höndum
ljósrit af upprunalegu greinunum í Tókýó-útgáfunni en mögulegt er að pistlum
Nonna hafi einnig verið dreift frá Osaka. Örfáum árum síðar voru blöðin sam-
einuð og Asahi Shimbun hefur alla tíð síðan verið eitt af þremur stærstu dag -
blöðum í Japan.
Skírnir vor 2017.qxp_Layout 1 31.3.2017 13:23 Page 96