Skírnir - 01.04.2017, Blaðsíða 129

129venus helena
flótta Jónatans Harker úr kastala Drakúla, en Kristnihaldið
endar á flótta Umba úr koti Úu.
12. Loks er form sagnanna líkt því þær enda báðar sem skýrslur
um óútskýranlega atburði.
Samanburður á Kristnihaldi undir Jökli
ogMakt myrkranna
Mjög margar augljósar hliðstæður milli Kristnihalds undir Jökli og
Maktar myrkranna blasa við eftir lestur bókanna og eru sumar
þeirra þær sömu og milli Kristnihaldsins og Drakúla eins og nærri
má geta. Ef við byrjum á að bera samsvörunarlistann milli Kristni-
haldsins og Drakúla upp að Makt myrkranna virðist sem að af
atriðunum tólf sem nefnd eru hér að framan geti að minnsta kosti
átta þeirra allt eins tengt saman Kristnihaldið og Makt myrkranna,
atriði: 1, 2, 5, 6, 7, 9, 10 og 11. Sum atriðin taka nokkrum breyt-
ingum, eins og tíunda atriðið sem rekur tengsl milli Úu og Drakúla
greifa. Er kemur að Makt myrkranna þá má vissulega sjá einhver
tengsl milli Úu og Drakúla eins og hann er þar, en þó fremur milli
Úu og nafnlausu aðalskonunnar. Ef það hefur einhverja merkingu
að tala um styrk tengslanna milli Drakúla og Kristnihaldsins annars
vegar og styrk tengslanna milli Maktar myrkranna og Kristni-
haldsins hins vegar, þá segja svona tölur lítið sem ekkert. Þær benda
þó til þess að þegar kemur að heildarbyggingu Kristnihaldsins, þá
megi rétt eins nefna Makt myrkrana sem mögulega hugmynda-
uppsprettu eins og Drakúla.26
skírnir
26 Í eftirmála að útgáfu sinni á Makt myrkranna 2011 rekur Ásgeir Jónsson rök
undirritaðs fyrir hliðstæðunum milli Drakúla og Kristnihalds undir Jökli eins
og þau birtust í Lesbók Morgunblaðsins 17. janúar 2004. Hann segir að undir-
ritaður hafi ekki lesið Makt myrkranna og því ekki séð að hliðstæður eru meiri
milli hennar og Kristnihaldsins en milli Kristnihaldsins og Drakúla. Í því samhengi
má hafa í huga að tveimur árum áður segir undirritaður orðrétt í ritgerð í greina-
safninu Boðskort í þjóðarveislu: „Ef maður hugsar sér að Laxness hafi bara lesið
Makt myrk ranna en ekki lesið Drakúla á ensku þá gildir ritgerðin engu að síður,
þótt viss at riði verði með öðrum hætti, til dæmis varðandi Sæti guðs, í Karpata-
fjöll um, sem Valdimar Ásmundsson steypir út úr bók inni. Annað kemur þá á
móti og gerir Kristnihaldið og Makt myrkranna lík ari en Drakúla og Kristni -
haldið“ (Bjarni Bjarnason 2009: 132).
Skírnir vor 2017.qxp_Layout 1 31.3.2017 13:24 Page 129