Skírnir - 01.04.2017, Síða 222

Ofmat á eigin stöðu, gæti falið í sér að hann yrði skilinn eftir utan -
garðs á meðan aðrir flokkar mynduðu stjórn. Jafnframt voru skiptar
skoðanir um það með hverjum ætti að starfa. Bjarni þyrfti á öllu
sínu að halda í samningunum fram undan.
Formaður Sjálfstæðisflokksins kallaði alla formenn til fundar
við sig í ráðherrabústaðnum við Tjarnargötu áður en hann ákvæði
við hverja hann hygðist tala um myndun stjórnar. En eftir að um -
boðið hafði verið í höndum hans í viku var Bjarni litlu nær. Vinstri
græn vildu ekki hefja við hann viðræður og þingflokkurinn var ekki
hrifinn af Viðreisn og Bjartri framtíð (Baldur Guðmundsson 2016b).
Í viðtali í Ríkisútvarpinu sagði hann að það gæti allt eins farið svo
að hann skilaði umboðinu án þess að hefja formlegar viðræður
(Jóhanna Vigdís Hjaltadóttir og Jóhann Bjarni Kolbeinsson 2016).
Þegar Bjarni hafði metið stöðuna aðeins betur ákvað hann að
hefja formlegar stjórnarmyndunarviðræður með Bjartri framtíð og
Viðreisn. Þeir flokkar upplifðu jákvæðan anda og fengu betri hljóm-
grunn fyrir hugmyndum sínum í umbótamálum en þau áttu von á,
en Bjarni átti erfiðara uppdráttar í eigin þingflokki.
Þegar Benedikt og Óttarr höfðu verið á fundum með Sjálf stæðis -
flokknum í nokkra daga og töldu sig vera í árangursríkum stjórn-
armyndunarviðræðum tilkynnti Bjarni þeim að hann vildi hætta.
Það steytti á sjávarútvegs- og Evrópumálum að sögn Óttars. Það
voru uppi hugmyndir um að ákveðinn hluti aflaheimilda yrði boð -
inn út og flokkarnir gerðu einnig þjóðaratkvæðagreiðslu um fram -
tíð aðildarviðræðna við ESB að skilyrði. Sjálfur sagði Bjarni að
miðað við málin sem væru uppi á borði og með þann tæpa meirihluta
sem flokkarnir hefðu á þingi mæti hann það svo að þetta væri ríkis-
stjórn sem hann teldi „ekki á vetur setjandi“ („Bjarni Benediktsson
á Bessastöðum“ 2016).
Bjarni taldi afar óvarlegt að leggja af stað með þann málefna-
grunn sem um er rætt og nauman meirihluta inn í kjörtímabilið.
„Margt segir mér að aðstæður kalli á ríkisstjórn með breiðari skír-
skotun og sterkari meirihluta en þann sem þessir þrír flokkar geta
boðið“ („Bjarni stöðvaði viðræðurnar“ 2016).
Þegar þarna var komið sögu vildi Bjarni kanna til hlítar hvaða
222 kristján guy burgess skírnir
Skírnir vor 2017.qxp_Layout 1 31.3.2017 13:24 Page 222