Skírnir - 01.04.2017, Qupperneq 229

22974 dagar í völundarhúsi valdsins
anum. Miðjubandalagið, leitt af formanni Viðreisnar, gat þá ráðið
mun meiru en þingmannatalan sagði til um.
Katrín heyrði í Bjarna en hann vildi ekki viðræður við hana
nema Framsóknarflokkurinn væri með. Katrín skilaði umboðinu
til Guðna sem blés til fréttamannafundar og lýsti því yfir að eftir
samtöl við alla formenn hefði hann afráðið að veita engum einum
stjórnmálaleiðtoga stjórnarmyndunarumboðið.
„Skynsamlegast er að forystufólk flokkanna á þingi kanni óform-
lega næstu daga hvernig samstarf sé mögulegt. Enda eru slíkar
viðræður þegar hafnar,“ sagði forsetinn í yfirlýsingu sem hann las
upp fyrir fjölmiðlafólk (Guðni Th. Jóhannesson 2016d). Hann
áréttaði ábyrgðina sem stjórnmálamönnum væri lögð á herðar við
að sjá til þess að í landinu starfaði ríkisstjórn sem meirihluti
Alþingis gæti sætt sig við.
Forsetinn sagði æskilegt að samkomulag um nýja stjórn lægi
fyrir þegar þing kæmi saman. Þegar Jóhanna Vigdís Hjaltadóttir,
þingfréttamaður Ríkisútvarpsins spurði forsetann nánar á frétta-
mannafundinum sagðist forsetinn vongóður eða jafnvel bjartsýnn
um að hinar óformlegu viðræður skiluðu árangri strax á næstu
dögum (Bjarni Pétur Jónsson 2016). Forsetinn sagðist hafa brýnt
alla formenn í því að útiloka enga kosti í þessari stöðu og taldi sig
hafa fengið fyrirheit frá þeim öllum um að það myndu þau gera.
Nú var unnið á ýmsum vígstöðvum. Formaður Bjartrar fram -
tíðar var kominn í græna jakkann. Þegar Óttarr var kominn í fram-
sóknarlitina þýddi það að hann var byrjaður að tala aftur við
Sjálfstæðisflokkinn.
Bjarni var aftur með pálmann í höndunum og gat unnið á báðar
hendur, gefið til kynna við Viðreisn og Bjarta framtíð að kannski
væri nú hægt að taka aftur upp þráðinn þegar flokkarnir hefðu séð
hvað í boði væri með hinum flokkunum. Jafnframt gat hann rætt
við Katrínu og Vinstri græna um að finna leið fyrir hinar sögulegu
sættir. Nú væri hægt að sýna hvernig tveir stærstu flokkarnir, hvor
á sínum kanti stjórnmálanna, gætu unnið saman þegar á reyndi.
Og þetta er það sem fór í hönd.
Björt framtíð ákvað að stamda sem fyrr þétt með Viðreisn og
þessir flokkar byrjuðu að tala óformlega við Bjarna. Félagarnir þrír
skírnir
Skírnir vor 2017.qxp_Layout 1 31.3.2017 13:24 Page 229