Skírnir - 01.04.2017, Blaðsíða 235

23574 dagar í völundarhúsi valdsins
maævintýri formanns Sjálfstæðisflokksins og allar heimsins syndir
úr sögu þess flokks. Nú voru líka hin nýju andlit Framsóknar orðin
vingjarnlegri en hin óstyrlátu element í Samfylkingunni og Pírötum.
Óttarr og Benedikt voru svo kapítuli út af fyrir sig. Fyrir þessu vildi
formaðurinn helst fá frið, þó ekki væri nema í nokkra daga.
Í fullveldisveislunni gerðu þingmenn sér far um að kynnast fólki
í öðrum flokkum. Stemmingin var ólík öðrum veislum á Bessa-
stöðum því svo vel höfðu þingmenn ekki mætt lengi. Þetta var
fyrsta veisla nýs forseta fyrir alþingismenn og maka þeirra og það
var enginn starfandi meirihluti á þingi.
Í næstu viku yrði þingið sett án þess að nokkur vissi fyrir víst
hver réði ferðinni og það þurfti að koma saman eins og einum fjár-
lögum, fjalla um risastórt samkomulag um lífeyrismál og ræða kjör
alþingismanna eftir launahækkun frá Kjararáði. Í einu horni sáust
Vinstri græn á tali við framsóknarfólk, í öðru var Viðreisn að tala við
Pírata. Sigmundur Davíð sendi Oddnýju Harðardóttur bjór og Sig-
urður Ingi gaf mönnum í nefið. Flestir sjálfstæðismenn töluðu mest
við aðra sjálfstæðismenn, enda mörgum að kynnast í svo stórum
þingflokki, og fóru svo í sitt eigið eftirpartý. Forsetinn var hrókur
alls fagnaðar og heyrði ofan í fólk úr öllum flokkum. Hann var að
meta hvað gera skyldi næst.
Og það sem hann gerði var það sem lýst er hér í upphafi. Hann
kallaði til sín alla formenn og úthlutaði síðan umboðinu í þriðja
sinn, nú til Birgittu Jónsdóttur aðalpírata. Verkefnið fór Birgittu
afar vel og í tvær vikur var hún sú sem valdið hafði í þinghúsinu. Það
hefðu margir þurft að láta segja sér það tvisvar ef ekki þrisvar, þegar
Birgitta settist fyrst á þing fyrir Borgarahreyfinguna eftir bús áhalda-
byltinguna, að hún fengi það verkefni að leiða saman ríkisstjórn
nokkrum árum síðar.
Píratar voru með ýmsar hugmyndir um að ganga til stjórnar-
myndunarviðræðna með öðrum hætti en áður hafði verið gert. Þau
vildu brjóta upp formið og vörpuðu fram þeirri hugmynd að fá
hlutlausa stjórnendur til að leiða viðræðurnar, að fá til dæmis
vinnustaðasálfræðing til að hjálpa fólki að yfirvinna erfiðleika í sam-
skiptum. Þeim datt í hug að halda partí til að fólk mætti kynnast
betur og þau reyndu að átta sig á því hvernig hægt væri að ná fólki
skírnir
Skírnir vor 2017.qxp_Layout 1 31.3.2017 13:24 Page 235