Skírnir - 01.04.2017, Qupperneq 237

23774 dagar í völundarhúsi valdsins
þurfti að fara betur. Þess vegna var ákveðið að halda annan fund um
helgina til að komast lengra og ræða þá landbúnaðarmálin um leið.
Það var á þeim fundum, sunnudaginn 11. desember, sem sam-
hljómurinn náðist ekki milli flokkanna fimm. Mjög margt var rætt
sem þokaði málum áfram en meira þurfti að koma til. Björt Ólafs-
dóttir þingmaður Bjartrar framtíðar, lýsti því þannig næsta dag að
þar hefðu fjórir flokkar verið „samstíga og framsýnir“ og gaf til
kynna að það væru Vinstri græn ekki („Fjórir af fimm …“ 2016).
Vinstri grænum þótti hins vegar sem flokkarnir fjórir væru að
mynda blokk gegn sér og voru farin að upplifa sig í minnihluta
(„Björt skýtur fast …“ 2016).
Það má segja Vinstri grænum til varnar að hinir flokkarnir fjórir
settu töluverðan þrýsting á hraðar ákvarðanir í málum sem höfðu
ekki verið gerð upp eða rædd til hlítar innan þeirra raða. Innan
flokksins voru mjög ólík sjónarmið þegar kom að sjávarútvegi og
landbúnaði, togstreitan milli landsbyggðar og höfuðborgarsvæðis
var mjög mikil og talsmenn óbreytts ástands mjög sterkir.
Þetta voru ekki mál sem tefla ætti í hraðskák. En þar sem flokk-
arnir fjórir voru búnir að finna samhljóm til sögulegra umbóta, sem
var í anda þess sem Vinstri græn höfðu sagt, að minnsta kosti á
kosningafundum á höfuðborgarsvæðinu, þá vildu þeir hamra járnið
meðan það var heitt. Pressan var mikil og flókin mál þurfa lengri
meðgöngutíma. En það sem meira máli skipti, traustið og leikgleðin,
sem þarf til að leysa úr málum af þessu tagi, voru ekki til staðar.
Á sunnudagskvöld leit út fyrir að viðræðunum yrði slitið, þær
næðu því aldrei að verða formlegar. Þinghúsið fylltist af frétta-
mönnum sem skynjuðu að eitthvað væri í gangi. Birgitta hafði lýst
því í skemmtiþætti Gísla Marteins að það væru 90 prósent líkur á að
fimm flokka stjórnin næði saman, en það var fullbjartsýn yfirlýsing.
Í öðrum þætti sömu helgi var varaformaður Vinstri grænna, Björn
Valur tortrygginn á samstarfið og þóttist koma af fjöllum um hvað
þar færi fram. Það skapaði vantraust annarra. Það vantaði neistann
til að hægt væri að byggja upp langtímasamband.
Ofan á sjávarútvegs- og landbúnaðarmálin vildu Vinstri græn
finna leiðir til að fjármagna 27 milljarða aukin útgjöld í ríkisfjármál-
unum. Það var ljóst að aðrir flokkar gætu ekki samþykkt þau öll. Það
skírnir
Skírnir vor 2017.qxp_Layout 1 31.3.2017 13:24 Page 237