Skírnir - 01.04.2017, Page 240

Þessi hluti nefndarinnar vildi reyna að verja samgöngubætur og
hafði áhuga á að vinna til vinstri um fjárfestingar í öðrum innviðum.
Reynsla Oddnýjar Harðardóttur, sem kosin var varaformaður fjár-
laganefndar, úr fjármálaráðuneytinu og fjárlaganefnd, reyndist afar
þung á metunum til að auka framlög til heilbrigðis- og menntamála
og finna leiðir til að skapa grunn að samkomulagi sem væri breiðari
en fjárlögin sem Bjarni Benediktsson hafði lagt fram.
Það var síðan á Þorláksmessu að samtöl hófust á ný. Sigurður
Ingi fór af stað og byrjaði að kalla fólk til sín. Framsókn hafði ein
flokka ekki tekið þátt í neinum viðræðum og sitjandi forsætis -
ráðherra óttaðist að nú myndu frændurnir og Óttarr loks ná saman.
Á móti vildi hann kanna hvort Vinstri græn, Framsókn og Sam-
fylkingin gætu staðið að sameiginlegu tilboði til Sjálfstæðisflokks-
ins. Þetta var háleynilegt prósjekt og þegar þau ræddu saman
formennirnir milli jóla og nýárs og byrjuðu að vinna með texta, var
tekið loforð um að einungis einum öðrum yrði blandað í málið í
hverjum flokki. Þess vegna kom það flestum á óvart þegar fréttir af
málinu birtust þann 2. janúar í Morgunblaðinu.
Formaður Sjálfstæðisflokksins var enn einu sinni kominn í
viðræður við Bjarta framtíð og Viðreisn eftir að hafa fengið til þess
formlegt umboð 30. desember. Bjarni fékk að vita um hvað væri
verið að ræða milli Framsóknar, Vinstri grænna og Samfylkingar
milli jóla og nýárs, en vildi ekki blanda sér í þær viðræður á meðan
hann væri enn að ræða við hina. Það breytti því ekki að málaleitan
um fjögurra flokka „þjóðstjórn“ myndi freista margra Sjálfstæðis-
manna frekar en að vinna með Benedikt og Viðreisn.
Þegar dró að úrslitastundu á fyrsta vinnudegi nýs árs var tíminn
að hlaupa frá þeim sem vildu nýta tækifærið og freista Bjarna Bene-
diktssonar. Honum hafði þótt samvinna við Framsókn og Vinstri
græn afar ákjósanlegur kostur þessa tvo mánuði og nú gæti hann
verið í boði. En Katrín var enn hörð á því að Vinstri græn færu ekki
ein til samstarfs við stjórnarflokkana sem höfðu hrökklast frá
völdum og þess vegna þyrfti Samfylkingin að svara því hvort hún
væri með.
Mikill þrýstingur var lagður á formann Samfylkingarinnar úr
herbúðum Vinstri grænna um að vera með, með þeim orðum að ef
240 kristján guy burgess skírnir
Skírnir vor 2017.qxp_Layout 1 31.3.2017 13:24 Page 240