Saga - 2009, Blaðsíða 25

Svavar Gestsson, alþingismaður 1978–1999 (Alþb., Samfl.). Við -
skiptaráðherra 1978–1979, heilbrigðis- og tryggingamálaráðherra
1980–1983 og menntamálaráðherra 1988–1991
Já, auðvitað hefur þessi tilhugsun áhrif en í rauninni ekki umfram
þá kröfu sem hver ærlegur maður gerir til sjálfs sín — að standa
heiðarlega með eigin verkum í sviptingum augnabliksins. Það er
skammt á milli þess að gleðjast yfir vel unnu verki og fáfengileik-
ans. Skóflustunguveiki margra stjórnmálamanna hefur oft orðið
þjóðinni dýr og fyrirhyggjulaus þátttaka í trylltum dansi umhverfis -
ins sömuleiðis; það sést þessa dagana. Ég get hins vegar ekki neitað
því að ég er stoltur af þeim verkum sem Alþýðubandalagið beitti
sér fyrir sem stjórnmálahreyfing. Þar er ég til dæmis að tala um
útfærslu landhelginnar, sem ævinlega mun halda nafni Lúðvíks
Jósepssonar á lofti. Um leið er ég sannfærður um að hann hugsaði
útfærslu landhelginnar aldrei þannig sjálfur — sér til dýrðar. Ég er
sjálfur ánægður með það að öll nútímalöggjöf í félagsmálum var
sett í tíð Alþýðubandalagsins á árunum 1971–1974 og 1978–1983 og
ekki síður skiptir það mig máli að hafa beitt mér fyrir því að auka
verulega framlög til menningarmála á árunum 1988–1991 og fyrir
því að setja lög um öll skólastig, þar á meðal að flytja leikskólann
inn í menntakerfið. en þessi verk vann ég sem hluti af hreyfingu og
í þágu málstaðar hennar um betra Ísland.
en allt er þetta eiginlega eins og hver önnur verkagleði — eins
og þegar rithöfundurinn skrifar fallegar setningar, tónskáldið býr
til fallega hljóma og smiðurinn smíðar fallegan grip eða þegar við
búum til góðan og fallega fram borinn mat. Gott verk gerir hvern
mann að manni. Það er menning. Það er hins vegar mikilvægt fyrir
stjórnmálamenn, að minnsta kosti vinstrimenn, að þeir geri sér
grein fyrir því að þeir eru að vinna verkin með öðrum. Stjórn mála -
maður er borinn til verkanna af lýðræðislegu fylgi sínu, hann starf-
ar í þágu þess fólks sem studdi hann og í þágu þjóðarinnar. Stjórn -
málamaður sem heldur að hann sé stórveldi af sjálfum sér einum
ætti helst að fá sér eitthvað annað að gera.
Valgerður Bjarnadóttir, varaþingmaður frá 2007 (Samfl.)
Ég hef setið samanlagt fimm vikur á Alþingi. Tvisvar þegar ég tók
til máls var það vegna þess að mér fannst ég ekki geta setið þegj-
andi hjá við umræðu um viðkomandi málefni, ef einhver skyldi
sjálfsköpun sögulegrar arfleifðar 25
Saga vor 2009 UMBROT NOTA-1:Saga haust 2004 - NOTA 5.5.2009 15:51 Page 25